Blog

2025-ci ildə Vaşinqtonda Ermənistanla Azərbaycan arasında sülh müqaviləsinin paraflanması İrəvanın regiondakı münaqişələr kimi çağırışlara və mənfi nəticələrə qarşı durma qabiliyyətini artırıb.

“Report” Ermənistan mediasına istinadən xəbər verir ki, bunu həmin ölkənin Təhlükəsizlik Şurasının katibi Armen Qriqoryan Yunanıstanda keçirilən Delfi İqtisadi Forumunda deyib.

Onun sözlərinə görə, Ermənistan Rusiya-Ukrayna və Yaxın Şərq münaqişələrinin Cənubi Qafqaza mənfi təsiri fonunda qəti sülhün bərqərar olması üzərində fəal işləyir.

“İrəvan Bakı ilə sülh sazişinin imzalanmasına yaxınlaşıb. Azərbaycanla imzalanan Vaşinqton sülh Bəyannaməsi regionumuza real sülh gətirdi. Bu, həm də bizə mənfi təsir göstərən regional münaqişələrin yaratdığı çətinliklərlə üzləşmək imkanlarımızı artırdı”, – A.Qriqoryan bildirib.

O, həmçinin Ermənistanla Azərbaycan arasında iqtisadi əməkdaşlığın Hörmüz boğazının bağlanması səbəbindən dünyada neftin qiymətinin artmasına baxmayaraq, ölkənin enerji bazarındakı vəziyyəti sabitləşdirməyə imkan verdiyini vurğulayıb.

Daşkəsən Rayon Məhkəməsində 65 yaşlı qadına qarşı seksual xarakterli zorakılıq etməkdə ittiham edilən şəxs M.M barəsində verilən təqdimata baxılıb.

Median.Az “Qafqazinfo”ya istinadən xəbər verir ki, məhkəmə təqdimatı təmin edib və həmin şəxs barəsində 4 ay müddətinə həbs-qətimkan tədbiri seçilib.

Qeyd edək ki, Daşkəsən rayonunun Qabaqtəpə kəndində ötən ilin iyul ayında 1961-ci il təvəllüdlü qadına qarşı 2000-ci il təvəllüdlü şəxs tərəfindən zorakılıq edilməsi ilə bağlı informasiyalar paylaşılıb.

Qeyd olunan müraciət üzrə Daşkəsən Rayon Prokurorluğunda araşdırma aparılıb, hadisə yerinə baxış keçirilməklə iş üzrə əhəmiyyət kəsb edən maddi sübutlar götürülüb, zəruri şəxslərin dairəsi müəyyən edilərək izahatları alınıb, habelə iş üzrə müvafiq ekspertizalar təyin edilərək rəylər əldə olunub.

Toplanmış material üzrə Azərbaycan Respublikası Cinayət Məcəlləsinin 149.1-ci (zorlama) və 150.1-ci (seksual xarakterli zorakılıq hərəkətləri) maddəsi ilə cinayət işi başlanıb.

Tibbi-meteoroloji proqnoz açıqlanıb.

Bununla bağlı Milli Hidrometeorologiya Xidməti məlumat yayıb.

Məlumatda qeyd edilib ki, aprelin 23-də Abşeron yarımadasında meteoroloji amillərin mülayim tərəddüdü gözlənilir ki, bu da meteohəssas insanlar üçün əsasən əlverişlidir.

Bu gün Azərbaycan kubokunda 1/2 finalın daha bir cavab matçı keçirilib.

Bununla da ikinci finalçının adı məlum olub.

“Sabah” öz meydanında “Qarabağ”la qarşılaşıb. Matç “Sabah”ın 2:1 hesablı qələbəsi ilə yekunlaşıb. Komandalar arasında keçirilən ilk oyun 2:2 hesabı ilə başa çatıb.

Qeyd edək ki, matçın 36-cı dəqiqəsində Ağdam təmsilçisinin qapıçısı Mateus Koxalski “Sabah”ın futbolçusu Velko Simiçə qarşı kobud oynadığı üçün qırmızı vərəqə alıb və komanda azlıqda mübarizə aparmalı olub.

Xatırladaq ki, ötən mövsüm Azərbaycan kubokunun finalında da bu komandalar üz-üzə gəlib və “Sabah” 3:2 hesablı qələbə qazanaraq turnirin qalibi olub.

Beləliklə, finala yüksələn “Zirə” və “Sabah” komandaları mayın 13-də final matçında üz-üzə gələcəklər.

Gəncə şəhərində baş verən yanğın hadisəsi tam söndürülüb.

Hadisə şəhərin Bağmanlar yaşayış massivinin Əhməd Cavad küçəsində yerləşən, ümumi sahəsi 400 kvadratmetr olan fərdi yaşayış evində qeydə alınıb. Yanğın nəticəsində evin 100 kvadratmetrlik talvarının 50 kvadratmetri və mətbəx hissəsi yanıb.
Hadisə zamanı evin qalan hissəsi, eləcə də yaxınlıqda yerləşən digər yaşayış evləri yanğından mühafizə olunub.
Xoşbəxtlikdən, yanğın nəticəsində xəsarət alan olmayıb.

Əraziyə aidiyyəti qurumların əməkdaşları cəlb olunub və faktla bağlı araşdırma aparılır.

Avtomobil yollarında vəziyyət açıqlanıb.

Bu barədə Milli Hidrometeorologiya Xidməti məlumat yayıb.

Verilən xəbərə görə, aprelin 23-ü gecə və səhər saatlarında ölkə ərazisinin bəzi yerlərində dumanlı hava şəraiti ilə əlaqədar magistral avtomobil yollarında görünüş məsafəsinin 500-1 000 metrədək məhdudlaşacağı gözlənilir.

Azərbaycanın yunan-Roma güləşçisi Nihat Məmmədli Albaniyanın paytaxtı Tiranada keçirilən Avropa çempionatında bürünc medal qazanıb.

Median.Az “Report”a istinadən xəbər verir ki, 60 kq çəki dərəcəsində mübarizə aparan təmsilçimiz üçüncü yer uğrunda qarşılaşmada Suner Konunova (UWW) qalib gələrək (6:0) fəxri kürsüyə yüksəlib.

Qeyd edək ki, Avropa çempionatı aprelin 26-da başa çatacaq. Daha əvvəl yunan-Roma güləşçilərindən Rəşad Məmmədov (55 kq) və İslam Abbasov (87 kq) bürünc medal qazanıb.

Londonun ICE birjasında Brent markalı neftin 2026-cı ilin iyun tədarükü üzrə füçerslərinin qiyməti aprelin 13-dən bəri ilk dəfə 102 dolları ötüb.

Bu barədə ticarət məlumatları göstərir.

Bakı vaxtı ilə saat 19:43-ə olan məlumata görə, Brent neftinin qiyməti 3.58% artaraq 102.01 dollar/barelə çatıb.

Saat 19:48-də isə artım tempi zəifləyib və qiymət 101.91 dollar/barel (+3.48%) səviyyəsində olub.

Eyni zamanda, WTI markalı neftin 2026-cı ilin iyun fyuçersləri 3.86% bahalaşaraq 93.13 dollar/barel təşkil edib.

Vətəndaşların rahat və təhlükəsiz hərəkətinin təmin olunması məqsədilə Bakı şəhərinin bəzi yollarında təmir işləri həyata keçiriləcək.

Bu barədə Azərbaycan Avtomobil Yolları Dövlət Agentliyindən (AAYDA) məlumat verilib.

Bildirilib ki, bu çərçivədə yol örtüyünün mövcud vəziyyəti nəzərə alınaraq Nəriman Nərimanov prospektində (Abdulla Şaiq küçəsində yerləşən geriyədönmə hissəsindən Qurban Xəlilov küçəsi istiqamətinə qədər), Təbriz küçəsində (K.Rəhimov küçəsi ilə Həsənoğlu küçəsi arasında olan hissədə – Nərimanov metrosu istiqaməti) təmir işlərinin aparılması nəzərdə tutulur.

Qeyd olunan işlərlə əlaqədar olaraq, 22 aprel saat 23:00-dan 23 aprel saat 17:00-dək göstərilən ərazilərdə nəqliyyat vasitələrinin hərəkəti qismən məhdudlaşdırılacaq.

Sürücülərdən aparılan işlərə anlayışla yanaşmaları, müvəqqəti yol nişanlarının tələblərinə və yol hərəkəti qaydalarına ciddi şəkildə əməl etmələri xahiş olunur.

Azərbaycan Qida Təhlükəsizliyi Agentliyi (AQTA) ölkə ərazisində fəaliyyət göstərən 390 ümumtəhsil müəssisəsində monitorinqlər keçirib.

Yoxlamaların nəticələrinə əsasən, 263 məktəbdə sanitariya qaydalarının pozulduğu, 23 məktəbdə istifadə müddəti bitmiş, beş məktəbdə isə satışı qadağan olunmuş məhsulların olduğu müəyyən edilib.

Məktəblilərdən biri bufetlərdəki vəziyyətlə bağlı narazılığını BAKU TV-yə belə ifadə edib: “Bufetdəki yeməklər çox pisdir. Keçən dəfə sinif yoldaşım hot-doqdan zəhərlənmişdi”.

Məsələ ilə bağlı AQTA-dan bildirilib ki, yararlılıq müddəti bitmiş və satılması qadağan edilmiş məhsullar dərhal satışdan kənarlaşdırılıb: “Aşkar olunmuş uyğunsuzluqlarla bağlı məsul şəxslər barəsində inzibati tədbirlər görülüb, icrası məcburi olan göstərişlər verilib. Eyni zamanda məsələnin ciddi şəkildə nəzarətə götürülməsi üçün Elm və Təhsil Nazirliyinə, həmçinin regional təhsil idarələrinə məktublar ünvanlanıb”.