Month: June 2018

 “4 aydır ki, işi uzadırlar. Qarşı təfərin vəkili hər dəfə bir bəhanı ilə məhkəmə prosesinə gəlmir. Hakimlər isə buna göz yumur. Yenə ədalətsiz qərar veriləcəyindən narahatam”. PressClub.Az-a müraciət edən Rena Verdiyeva məhkəmədə iddiası əsasında qaldırılan işə ədalətli baxılmamasından narahatdır.

Qeyd edək ki, xanım Verdiyeva Dostumalıyeva Kifayət İbrahim qızı və oğlu Yusifov Kənan Namiq oğlunun ona qarşı dələduzluq etdiklərini iddia edir. Aldadılaraq 150 min manatının sözügedən şəxslər tərəfindən mənimsənildiyini deyən Rena xanım bu iddia ilə məhkəməyə müraciət etmiş, lakin Ağır Cinayətlər Məhkəməsində qarşı tərəfə bəraət hökmü çıxarılmışdı.

Bu hökmlə razılaşmayan şikayətçi tərəf etiraz əlaməti olaraq Prezident Administrasiyasının qarşısında özünü yandırmaqla intihara cəhd etmişdi. Lakin intiharın qarşısı alınmış R.Verdiyeva aidiyyəti ququmlarda qəbul olunmuş, işə baxılması üçün Apelyasiya məhkəməsinə göndərilmişdi. Martın 14-də Qədim Babayevin sədrliyi ilə başlanan proses hələ də davam edir. 

R.Verdiyeva deyir ki, iş 4 aydan çoxdur ki, uzadılır: “Bütün şahidlər gəldilər ifadələrini təsdiq etdilər. Bildirdilər ki, istintaqdakı ifadələrimizi təsdiq edirik, Ağır Cinayətlər Məhkəməsindəki ifadələr bizə məxsus deyil. Hətta 3 şahid də əlavə olaraq dindirildi. Onlar də Kifayətin pul almağını, mənə pulu qaytaracağına dair söz verdiyini təsdiqlədilər. Lakin belə bir narahatçılıq var ki, hər dəfə qarşı tərəfin vəkili bir bəhanə ilə proseslərə gəlmir. Və bizim hakimlər hər dəfə buna göz yumurlar. Niyə göz yumurlar, bilmirəm”.

Şikayətçinin sözlərini görə, qarşı tərəfin ifadələrini müqayisə etdikdə onun yalan danışdığını dərhal anlamaq olar: “Məhkəmənin sonunda ifadələr oxunub. Hər dəfə fərqli ifadədərər verir. Baş Mütəşəkkil Cinayətkarlığa qarşı Mübarizə İdarəsində deyib ki, məndən 75840 manat alıb, Bakı Şəhər Baş Polis İdarəsində deyib ki, 70 min pul almışam. Ağır Cinayətlər Məhkəməsində 53 pul aldığını söyləyib. Hər dəfə fərqli ifadələr verib. İndi də burada deyir ki, mənim Rena xanıma heç bir borcum yoxdur”. 

Soldan 2-ci təqsirəndirilən Kifayət Dostumalıyeva

Xanım Verdiyeva qarşı tərəfin məhkəmə binasının həyətində dəfələrlə onu hədələdiyini də deyir. “Kifayət dəfələrlə məhkəmənin həyətində qabağımı kəsərək deyir ki, onsuz da, heç nə edə bilməyəcəksən, yuxarıda adamlarım var, onsuz da qərar qüvvəsində qalacaq”.

Şikayətçinin qənaətincə, məhkəmədə Kifayət Dostumalıyevanın oğlunu məsuliyyətdən kənarda saxlamağa çalışırlar: “Məsuliyyətə Dostumalıyeva Kifayət İbrahim qızı, bir də oğlu Yusifov Kənan Namiq oğlu cəlb olunub. İkisinə də 178.3.2 (dələduzluq) maddəsi ilə cinayət işi açılıb. Lakin qadın oğlunu uzaqlaşdırmaq istəyir, guya onun heç nədən xəbəri yoxdur. Lakin hamısı yalandır, oğlu ilə maqazində də, Tovuzda da, “Sədərək” ticarət mərkəzinə mal gələndə də görüşmüşəm. Dəfələrlə söhbətimiz olub, pulu alanda da anasının yanında olub. Anası ilə bütün proseslərdə iştirak edib, indi onu uzaqlaşdırmağa çalışırlar, guya ki, bunun heç nədən xəbəri yoxdur. Mən bundan narahatam və haqsız qərar verilməsindən qorxuram. Yenə haqsız qərar veriısə, prezidentə, də Mehriban xanıma da müraciət etmişəm, özümə qəsd edəcəm. Artıq itirəcək heç nəyim yoxdur”.

Qeyd edək ki, R.Verdiyeva ailəlidir, 2 uşaq anasıdır.

Abşeron rayonunun Masazır qəsəbəsində yerləşən “Zəngilan şəhərciyi”ndə 1000-ə yaxın məcburi köçkün ailəsi məskunlaşsa da, hələ də şəhərcik daxilində və ya yaxınlıqda aptek yoxdur. Əhali dərman almaq üçün bir neçə kilometr məsafə qət etməli olur.

Median.Az bildirir ki, bu şikayətlə virtualaz.org-a şəhərcikdə yaşayan sakinlər müraciət ediblər. Onların sözlərinə görə, qəfil hadisələr zamanı çıxılmaz vəziyyətdə qalırlar.

“Gecə vaxtı bir hadisə olsa, qalırıq çarəsiz. Kimin avtomobili varsa, o gedib aptekdən dərman ala bilir. Avtomobili olmayanlar isə bir neçə kilometr yolu piyada gedib özlərini birtəhər “Qurtuluş” yaşayış kompelsinin içərisindəki aptekə çatdırırlar. Özünüz vəziyyətimizi təsəvvür edin də…”, – deyə şəhərcikdə yaşayan Pərviz Muradov bildirir.

Sakinlər deyirlər ki, şəhərcikdə digər bir problem isə əhalinin istirahəti üçün yer ayrılmamasıdır. Hektarlarla ərazisi olan şəhərcikdə kiçik bir “besedka” qoyulub ki, orada da yalnız yaşlı insanlar əyləşə bilirlər. Əhali məcburiyyətdən yolun qırağında əyləşib hava alır, uşaqlar avtomobil yolunun içərisində oynayırlar. Şəhərciyin daxilindəki uşaq bağçasının geniş oyun meydançası olsa da, ora digər uşaqlar üçün bağlıdır.

Qeyd edək ki, “Zəngilan şəhərciyi” «Qaçqınların və məcburi köçkünlərin yaşayış şəraitinin yaxşılaşdırılması və məşğulluğunun artırılması üzrə Dövlət Proqramı”na uyğun olaraq inşa olunub və 2013-cü ildə istifadəyə verilib. 12 hektar ərazini əhatə edən yeni məhəllədə 540 şagird yerlik məktəb, 280 yerlik uşaq bağçası, klub-icma mərkəzi fəaliyyət göstərir.

“Pambıq sahələrində baş verən zəhərlənmələr Azərbaycana gətirilən dərmanların keyfiyyəti ilə əlaqədar ola bilər”.

Median.Az xəbər verir ki, bu sözləri Milli Məclisin deputatı Vahid Əhmədov “Azadlıq” radiosuna açıqlamasında deyib: “Müvafiq dövlət qurumları həmin dərmanları yoxlamadan keçirib sonradan sahələrə buraxılmalarına icazə verməlidirlər. Əks təqdirdə, oxşar hallarla yenə rastlaşacağıq”.

Hökumətin reaksiyasına gəlincə, Vahid Əhmədov xatırladıb ki, kənd təsərrüfat naziri İnam Kərimov hadisənin birinci günündən mövqeyini ifadə edib. Hüquq-mühafizə orqanları cinayət içşi açıb və həbslər barədə açıqlama yayıblar. Vahid Əhmədov bildirib ki, Azərbaycanda tarix boyu pambıq əkilib. “Düzdür, ağır sahə olduğundan insanlarda müəyyən problemlər yaradır. Amma müstəqillik illərində, xüsusən son illər bu sahəyə diqqət artıb. Sadəcə, nəzarət mexanizmi olmalıdır. Əgər nəzarət mexanizmi olsa, ciddi problemlər yaşanmaz”.

Pambığın xeyri və ziyanı haqda suala gəlincə, deputat deyib ki, pambıqçılığın inkişafı ilk növbədə yeni iş yerləridir: “ İkinci, də ixrac məhsuludur, xaricə satmaq olur”. Vahid Əhmədov hesab edir ki, pambıq texnika ilə yığılmalıdır: “Əllə pambığı yığmağı bitirmək vaxtıdır. XXI əsrdə əllə pambıq yığmağın tərəfdarı deyiləm”.