Month: August 2018

Dövlət İmtahan Mərkəzi (DİM) tərəfindən ali təhsil müəssisələrinin boş qalan plan yerlərinə və tam orta (11 illik) təhsil bazasında kolleclərə qəbul olmaq istəyən abituriyentlərin ixtisas seçimi avqustun 16-dan 20-dək aparılır.

Ali təhsil müəssisələrinə qəbul olmuş abituriyentlərin boş qalan yerlərə və kolleclərə keçirilən müsabiqədə iştirak etmək hüquqları yoxdur.

Median.Az Dövlət İmtahan Mərkəzinə istindən xəbər verir ki, ali təhsil müəssisələrinin boş qalan yerlərinə ixtisas qrupları üzrə müsabiqə şərtləri aşağıdakı kimidir:

I qrup üzrə ixtisas seçimində ümumi balı 200-dən, hər hansı bir imtahan fənni istisna olmaqla qalan dörd imtahan fənninin hər biri üzrə ayrılıqda topladığı nisbi balı 10-dan az olmayan abituriyentlər iştirak edə bilərlər.

“Fizika”, “Kompüter elmləri”, “Nəqliyyat tikintisi mühəndisliyi”, “İnşaat mühəndisliyi”, “İnformasiya texnologiyaları”, “Geologiya”, “Elektronika, telekommunikasiya və radiotexnika mühəndisliyi” ixtisasları üzrə ümumi balı 250-dən və ixtiyari bir imtahan fənni istisna olmaqla qalan hər bir imtahan fənni üzrə ayrılıqda topladığı nisbi balı 10-dan az olmayan abituriyentlər iştirak edə bilərlər.

Azərbaycan Dövlət Aqrar Universitetinin “Aqronomluq” və “Torpaqşünaslıq və aqrokimya” ixtisaslarının həm dövlət sifarişi üzrə, həm də ödənişli əsaslarla ayrılmış yerlərinin ixtisas seçimində ümumi balı 150-dən az olmayan abituriyentlər iştirak edə bilərlər (fənlər üzrə cavablara nisbi bal məhdudiyyəti tətbiq olunmur).

II qrup üzrə ixtisas seçimində ümumi balı 200-dən, hər hansı bir imtahan fənni istisna olmaqla qalan dörd imtahan fənninin hər biri üzrə ayrılıqda topladığı nisbi balı 10-dan az olmayan abituriyentlər iştirak edə bilərlər.

III qrup üzrə ixtisas seçimində ümumi balı 200-dən, hər hansı bir imtahan fənni istisna olmaqla qalan dörd imtahan fənninin hər biri üzrə ayrılıqda topladığı nisbi balı 10-dan az olmayan abituriyentlər iştirak edə bilərlər.

Azərbaycan İlahiyyat İnstitunun ixtisaslarının həm dövlət sifarişi üzrə, həm də ödənişli əsaslarla ayrılmış yerlərinin müsabiqəsində ümumi balı 150-dən az olmayan abituriyentlər iştirak edə bilərlər (fənlər üzrə cavablara nisbi bal məhdudiyyəti tətbiq olunmur).

IV qrup üzrə ixtisas seçimində ümumi balı 200-dən, hər hansı bir imtahan fənni istisna olmaqla qalan dörd imtahan fənninin hər biri üzrə ayrılıqda topladığı nisbi balı 10-dan az olmayan abituriyentlər iştirak edə bilərlər.

Ali təhsil müəssisələrinin V ixtisas qrupunda qabiliyyət imtahanlarının nəticələri balla qiymətləndirilən xüsusi qabiliyyət tələb edən ixtisaslar üzrə müsabiqə abituriyentin qabiliyyət imtahanlarında topladığı yekun balı, qabiliyyət imtahanlarının nəticələri məqbulla qiymətləndirilən xüsusi qabiliyyət tələb edən ixtisaslar üzrə müsabiqə abituriyentin qəbul (cari ilin məzunları üçün buraxılış) imtahanında topladığı ümumi balı əsasında aparılır.

Abituriyentlər elektron ixtisas seçimi ərizə formasında ali təhsil müəssisələrinin boş qalan yerləri olan ixtisasları ilə yanaşı orta ixtisas təhsili müəssisələrinin ixtisaslarının da kodlarını göstərə bilərlər. Ali təhsil müəssisələrinin boş qalan (vakant) plan yerlərinin siyahısı “Abituriyent” jurnalının 8-ci sayında dərc olunub. Orta ixtisas məktəblərinin qəbul aparılan ixtisasları isə “Abituriyent” jurnalının 5-ci sayında dərc olunub.

İxtisas seçmək hüququ olan abituriyent ali təhsil müəssisələrinin və orta ixtisas təhsili müəssisələrinin 20-dək ixtisas kodunu seçib, onları http://eservices.dim.gov.az/erizebak/ixtisas2/ internet ünvanında yerləşən “Abituriyentin elektron ixtisas seçimi ərizəsi”nə istədiyi ardıcıllıqla daxil edərək təsdiqləməlidir. Abituriyent ixtisas kodlarını seçərkən dövlət sifarişi əsasında və ya ödənişli əsaslarla təhsil almaq istədiyini qeyd edir. Əgər abituriyent hər hansı bir ixtisas üzrə həm dövlət sifarişi, həm də ödənişli əsaslarla olan yerlərin müsabiqəsində iştirak etmək istəyirsə, bu halda həmin ixtisas kodunu ərizəyə iki dəfə daxil etməli və ayrılıqda bu ixtisas üzrə təhsilini dövlət sifarişi əsasında və ödənişli əsaslarla almaq istədiyini qeyd etməlidir.

Elektron ixtisas seçimi ərizəsini təsdiqləməyən abituriyentlər müsabiqəyə buraxılmayacaqlar.

Milli Məclisin Əmək və sosial siyasət komitəsinin sədr müavini, Yeni Azərbaycan Partiyasından (YAP) seçilmiş deputat Rauf Əliyev ötən gündən etibarən Azərbaycanda bəzi porno saytlara girişin məhdudlaşdırılmasına münasibət bildirib.

Median.Az xəbər verir ki, deputat “Ölkə.Az”a açıqlamasında bu addımı təqdir edib:

“Əslində, həmin saytlar çoxdan bloklanmalı idi. Mən hər zaman deyirəm ki, biz Avropaya inteqrasiya ediriksə, Avropanın yaxşı tərəflərini özümüzə nümunə götürməliyik. Əvvəllər bağlı idi, heç kəs Avropanın pis cəhətlərini görə bilmirdi. Ancaq indi azadlıqdır, internet əsridir, hər kəs internetə daxil olub nə istəsə, ona baxa bilir. Biz Avropanın yaxşı cəhətlərini götürməliyik. Daha bu cür pis məqamları deyil. Nə olsun ki, Avropaya inteqrasiya edirik. Avropanın bütün cəhətlərini özümüzə götürə bilmərik!”.

R.Əliyev qeyd edib ki, sözügedən porno saytlar Azərbaycana xas olmayan cəhətləri ölkəmizdə yaya bilir:

“Həmin saytlara girişin Azərbaycanda bağlanılmasını tam dəstəkləyirəm. Bu çox doğru addımdır”.

Bir neçə gün öncə Dövlət Təhlükəsizliyi Xidməti (DTX) əməkdaşları tərəfindən hərbiçiləri şantaj edən və “reket jurnalist” fəaliyyətilə məşğul olan dəstə üzvlərinin həbsi məsələsinə də toxunan deputat bildirib ki, bu cür saytları da dərhal bağlamaq lazımdır:

“Həmin şəxslər jurnalistlərin də adını ləkələyirlər. Onlar da saytlarda insanları şantaj edirdilər və sairə. Hesab edirəm ki, bu cür adamlara qarşı mübarizəni daha sərt aparmaq laızmdır ki, onlar cəmiyyətimizdən birdəfəlik yox olsunlar. Ümumiyyətlə, pis-pis saytların hamısını bağlamaq lazımdır. İnsanları maarifləndirən saytlar olmalıdır. Mən dəfələrlə demişəm ki, telekanallarda da maarifləndirici verilişlər olmalıdır. Təbii ki, bunlar olmayanda cavanlar da pis-pis şeylərə baxırlar”.