Median.Az

Month: March 2025

  • Türkiyə səfirliyindən Azərbaycana başsağlığı

    Türkiyənin Bakıdakı səfirliyi Gədəbəy rayonunda Azərbaycan hərbi qulluqçularının qar uçqunu nəticəsində həlak olması ilə əlaqədar Azərbaycana başsağlığı verib.

    Bu barədə səfirliyin “X” hesabında paylaşım edilib.
    “Martın 19-da Gədəbəydə qar uçqunu altında qalan iki Azərbaycan əsgərinin vəfat etdiyini bu gün təəssüflə öyrəndik.
    Baş vermiş faciəli hadisə nəticəsində həlak olmuş qardaşlarımıza Allahdan rəhmət diləyir, Can Azərbaycan xalqına başsağlığı veririk”, – paylaşımda qeyd olunub.

  • Xırdalan şəhərinin su təchizatı dayandırlıb

    Abşeron rayon Xırdalan şəhərində diametri 1000 mm olan kanalizasiya borusunda yaranmış qəza ilə əlaqədar Abşeron Su Meliorasiya Sistemlərinin İstismarı İdarəsi təmir-bərpa işləri aparır.

    Bu barədə Azərbaycan Dövlət Su Ehtiyatları Agentliyi (ADSEA) məlumat yayıb.
     
    Məlumatda bildirilib ki, bununla əlaqədar Xırdalan şəhərinin su təchizatı 21 mart tarixdə saat 22:00 dan, 22 mart tarixi səhər saatlarına qədər dayandırılacaq.

  • Bələdiyyə sədrinin oğurluq etdiyini dedilər – 1000 manat cərimə olundular

    Ağsu rayon Ləngəbiz bələdiyyəsinin sədri Babaseyid Seyidov barəsində böhtan xarakterli məlumatlar yayan iki kənd sakinini məhkəməyə verib.

    Musavat.com-un xəbərinə görə, bələdiyyə sədri yutub kanallarında onun barəsində böhtan xarakterli çıxışlar etdiklərini iddia etdiyi iki nəfəri məhkəməyə verib.
    Həmin şəxslər “Şimal Region” adlı yutub kanalında “Dövlət qurumlarının gözü qarşısında bələdiyyə sədri oğurluq edir”, “Bələdiyyə sədri Babaseyid Seyidov özbaşınalıq edir, metal boruları satılması məqsədilə qızının ərinə hədiyyə edir”, “Bələdiyyə sədri büdcəyə yığılan 36 min manat pulu dağıdır” kimi başlıqlarla çıxışlar ediblər.
    Babaseyid Seyidov bu ittihamlara görə həmin şəxslərin cəzalandırılmasını tələb edib.
    Məhkəmə hər iki şəxsi 1000 manat cərimələyib.

  • Sumqayıt bulvarında 27 yaşlı gəncin meyiti tapıldı

    Sumqayıtda 27 yaşlı gəncin meyiti tapılıb.

    Median.Az APA-ya istinadla xəbər verir ki, hadisə Sumqayıt bulvarı ərazisində qeydə alınıb.
    1998-ci il təvəllüdlü Şəmşir Akif oğlu Məstiyevin meyiti açıq ərazidə aşkarlanıb.
    Faktla bağlı araşdırma aparılır.

  • Ramazanın 22-ci gününün duası – İmsak və iftar vaxtı

    Sabah Ramazan ayının 22-ci günüdür.

    Qafqaz Müsəlmanları İdarəsinin açıqladığı Ramazan təqviminə əsasən, Bakıda imsak saat 05:14-də, iftar isə saat 19:09-dadır.
    Ramazan ayının 22-ci gününün duası:

    “Allahumməftəh li fihi əbvabə fəzlik. Və ənzil əleyyə fihi bərəkatik. Və vəffiqni fihi limucibati mərzatik. Və əskinni fihi buhbuhati cənnatik. Ya mücibə də-vətil-muztərrin”

    Tərcüməsi:
    “İlahi, bu gün fəzl qapılarını üzümə aç, bərəkətlərini mənə göndər. Bu gün sənin razılığına bais olan işlərdə məni müvəffəq et, məni behiştin ən yaxşı yerində sakin et. Ey biçarələrin duasını qəbul edən Allah!”
    Allah orucunuzu qəbul etsin!

  • İmamoğlunun qanunsuz əmlak əməliyyatları üzə çıxdı

    İstanbul bələdiyyə sədri Ekrem İmamoğlunun qanunsuz əmlak əməliyyatları üzə çıxıb.

     
    Median.Az oxu.az-a istinadən xəbər verir ki, bu barədə “TRT Haber” məlumat yayıb.
    Məlumata görə, Ekrem İmamoğlunun adına müxtəlif yollarla əldə edilmiş çoxsaylı daşınmaz əmlak qeydiyyatdadır.
    Onun Balıkəsir, İstanbul-Beylikdüzü, Çanaqqala və Bayramiçidə 17 ədəd daşınmaz əmlakı satış yolu ilə əldə etdiyi, Həsən İmamoğlu adlı şəxsdən isə Balıkəsir-Edremitdə yerləşən 5 ədəd daşınmaz əmlakın bağışlanma yolu ilə bələdiyyə sədrinin adına keçdiyi bildirilib.
    Qeyd olunub ki, İmamoğlunun 2020-2025-ci illərdə müxtəlif tarixlərə aid ticarət fəaliyyətləri zamanı fırıldaqçılıq halları aşkar olunub

  • Azərbaycanın Suriyadakı müvəqqəti işlər vəkili Hindistan səfiri ilə görüşüb

    Azərbaycanın Suriyadakı müvəqqəti işlər vəkili Elnur Şahhüseynov Hindistanın Yaxın Şərq ölkəsindəki səfiri İrşad Əhmədlə görüşüb.

     
    Median.Az Report-a istinadən xəbər verir ki, bu barədə Hindistanın Dəməşqdəki diplomatik missiyasının mətbuat xidməti bildirib.
    “Azərbaycanın Suriyadakı müvəqqəti işlər vəkili Zati-aliləri cənab Elnur Şahhüseynov səfir Zati-aliləri Dr. İrşad Əhmədi ziyarət edib. Söhbət zamanı qarşılıqlı maraq doğuran müxtəlif məsələlər ətrafında fikir mübadiləsi aparılıb”, – Hindistan səfirliyinin sosial şəbəkə hesabında qeyd olunub.
    Xatırladaq ki, ayın əvvəlində Şahhüseynov Suriyanın Xarici İşlər və Mühacirlər Nazirliyi Konsulluq idarəsinin rəisi Məhəmməd Bərra Şükri ilə görüşmüşdü.

  • Bakıda karqo şirkətinin ofisinə hücum etməkdə şübhəli bilinən şəxs müəyyən edilib, araşdırma aparılır

    Bakıda karqo şirkətlərindən birinin ofisinə hücum etməkdə şübhəli bilinən şəxs müəyyən edilib, izahatı alınıb.

     
    Bu barədə Daxili İşlər Nazirliyindən məlumat verilib.
    “Vətəndaş F.Ələşrəfzadə martın 19-da Nəsimi rayonu ərazisində yerləşən ofislərin birində ona naməlum şəxs tərəfindən fiziki zor tətbiq edilməsi barədə polisə müraciət edib. Daxil olmuş müraciət əsasında polis əməkdaşlarının keçirdikləri tədbirlərlə əməli törətməkdə şübhəli bilinən şəxs müəyyən edilib, izahatı alınıb”, – mətbuat xidməti açıqlayıb.
    Vurğulanıb ki, hazırda ərazi üzrə polis orqanında təhqiqat araşdırması aparılır: “Araşdırmanın nəticəsinə əsasən məsələyə hüquqi qiymət veriləcək”.
    Xatırladaq ki, daha əvvəl paytaxtın Nəsimi rayonunda yerləşən karqo şirkətinin ofisinə hücumla bağlı məlumat yayılmışdı. Videogörüntülərdə ofisə daxil olan şəxsin əməkdaşa hücum edərək xəsarət yetirdiyi əks olunub

  • Gəncədə qaz balonu partlayıb, yaralanan var

    Gəncə şəhərində qaz balonu partlayışı nəticəsində bir nəfər yaralanıb.

    Cavadxan qəsəbəsində baş vermiş hadisədə müxtəlif dərəcəli bədən xəsarətləri alan şəxs 1995-ci il təvəllüdlü A. Ələkbərovdur.
    Zərərçəkmiş xəstəxanaya yerləşdirilib. Vəziyyəti orta ağırdır.
    Faktla bağlı araşdırma aparılır.
     
    //report

  • Şoyqunun Şimali Koreya lideri ilə görüşü iki saatdan çox çəkib

    Rusiya Təhlükəsizlik Şurasının katibi Sergey Şoyqunun Şimali Koreya lideri Kim Çen Inla görüşü iki saatdan çox davam edib.

    Bu barədə TASS agentliyi məlumat yayıb.
    O qeyd edib ki, tərəflər Kim Çen Inın Rusiyaya və Rusiya Prezidenti Vladimir Putinin KXDR-ə səfərindən sonra qəbul edilmiş qərarların icrasının nəticələrini nəzərdən keçiriblər.
    Bundan əlavə, tərəflər Şimali Koreya yarımadası da daxil olmaqla dünyanın müxtəlif regionlarında təhlükəsizlik məsələlərini müzakirə ediblər.
     
    ///Oxu.Az