Median.Az

Month: April 2026

  • Ukraynanın sabiq baş nazirinin istintaqı başa çatdı

    Ukraynanın korrupsiyaya qarşı mübarizə orqanları keçmiş baş nazir və “Batkivşina” partiyasının lideri Yuliya Timoşenko ilə bağlı istintaqı başa çatdırıb.

    Bu barədə Ukraynanın Korrupsiyaya Qarşı Mübarizə üzrə İxtisaslaşdırılmış Prokurorluğu (SAP) açıqlama yayıb.

    “Korrupsiyaya Qarşı Mübarizə üzrə İxtisaslaşdırılmış Prokurorluğu və Milli Korrupsiyaya Qarşı Mübarizə Bürosu Ali Radadakı parlament fraksiyalarından birinin rəhbəri ilə bağlı iş üzrə istintaqı başa çatdırıb”, – deyə prokurorluğun “Telegram” kanalında verilən açıqlamada qeyd olunub.

    Qurum tərəfindən siyasətçinin soyadı açıqlanmasa da, işin sadalanan halları məhz Timoşenkoya işarə edir. SAP qeyd edib ki, siyasətçi yanvar ayında Rada deputatlarına rüşvət təklif etməyə cəhd göstərərkən ifşa olunub. İstintaqın versiyasına görə, söhbət birdəfəlik qanunsuz ödənişdən yox, əvvəlcədən ödənişləri nəzərdə tutan və uzun müddətə hesablanmış müntəzəm əməkdaşlıq mexanizmindən gedirdi.

    Qeyd edək ki, yanvarın 14-nə keçən gecə Ukraynanın antikorrupsiya idarələri Rada deputatlarının ələ alınması işi ilə əlaqədar Kiyevdə “Batkivşina” partiyasının ofisində axtarışlar aparıb. Timoşenkoya qanunsuz fayda təklif etmə maddəsi ilə ittiham irəli sürülüb, onu 5 ildən 10 ilə qədər həbs cəzası gözləyir. Milli Antikorrupsiya Bürosu tərəfindən dərc edilən səs yazılarına əsasən, o, parlamentdə müəyyən şəkildə səs vermələri üçün deputatlara ayda 10 000 dollar təklif edib. Yanvarın 16-da məhkəmə onun barəsində girov müqabilində azadlığa buraxılma şəklində qətimkan tədbiri seçib. O, müstəntiqin, prokurorun və məhkəmənin tələbi ilə dərhal gəlməli, yaşayış və iş yerinin dəyişdirilməsi barədə xəbərdarlıq etməli və xarici pasportunu təhvil verməlidir. Timoşenko istintaqın səs yazılarının saxtalaşdırıldığını iddia edir, onun vəkillər qrupu isə artıq Avropa İnsan Haqları Məhkəməsinə (AİHM) şikayət hazırlayır.

  • Dövlət Gömrük Komitəsi kollegiyasının tərkibi genişləndirildi

    Prezident İlham Əliyev “Dövlət Gömrük Komitəsi kollegiyasının tərkibinin təsdiq edilməsi haqqında” 1 may 1995-ci il tarixli sərəncamında dəyişiklik edib.

    Median.Az President.az-a istinadən xəbər verir ki, bununla bağlı dövlət başçısı yeni sərəncam imzalayıb.

    Sərəncama əsasən, kollegiyaya DGK-nın aparat rəhbəri daxil edilib.

  • Tanınmış müğənninin anası qızının ölümünə səbəb olan sürücünü bağışladı

    Ötən il Bakıda Dövlət Bayrağı Meydanı yaxınlığında tanınmış müğənni Vlada Axundovanın ölümü ilə nəticələnən avtomobil qəzası ilə bağlı məhkəmə prosesi başa çatıb.

    Median.Az “Teleqraf”a istinadən xəbər verir ki, təqsirləndirilən şəxs qismində hakim qarşısına 2002-ci il təvəllüdlü Mehdizadə Seyfulla çıxarılıb.

    O, məhkəmədə ifadəsində 1 nömrəli çörək zavodunda gecə növbəsində sürücü işlədiyini, işdən sonra isə icarə əsasında götürdüyü avtomobillə taksi fəaliyyəti ilə məşğul olduğunu bildirib. 24 yaşlı gəncin sözlərinə görə, hadisə vaxtı yorğun olduğu üçün onu sükan arxasında yuxu tutub və bədbəxt hadisə qaçılmaz olub. Onun çörək zavodunda iş rejimi gecə saat 03:00-dan başlayaraq gündüz saat 12:00-dək olub.

    Vlada Axundovanın anası məhkəməyə ərizə təqdim edərək Seyfulla Mehdizadə ilə barışdığını, təqsirləndirilən şəxsə qarşı heç bir şikayət və tələbinin olmadığını bildirib. O, həmçinin qızının vəfatı ilə bağlı məhkəmə iclasının ona pis təsir edəcəyini və yaşının nəzərə alınaraq məhkəmə iclasının onun iştirakı olmadan keçirilməsini xahiş edib.

    Şahid qismində ifadə verən 01-CH-477 dövlət qeydiyyat nişanlı “Toyota” markalı avtomobilin sürücüsü Sadiq İsaqov bildirib ki, taksi fəaliyyəti ilə məşğul olur və hadisə zamanı həyatını itirən Vlada Axundova onun maşınına müştəri qismində əyləşib. Onun sözlərinə görə, Vlada Axundova qeyd edilən ünvana çatanda avtomobildən düşdükdən sonra qapını bağlamaqda çətinlik çəkib və bir neçə saniyə qapını örtməyə çalışdığı anda arxadan gələn maşın “Toyota”ya çırpılıb. Nəticədə Vlada Axundova aldığı xəsarətlərdən hadisə yerində ölüb.

    Qısa olaraq bildirək ki, təqsirləndirilən şəxs idarə etdiyi 77-SJ-148 dövlət qeydiyyat nişanlı “Hyundai Elantra” avtomobili ilə yolun kənarında dayanmış və Sadiq İsaqova məxsus “Toyota”nı arxadan vurub. Qəza nəticəsində 1988-ci il təvəllüdlü Vlada Axundova hadisə yerində ölüb. Hadisə vaxtı Seyfullanın maşınında müştəri qismində əyləşən 1997-ci il təvəllüdlü Bahar Məcidova isə xəsarət alıb.

    Məhkəmənin qərarına əsasən, Seyfulla Mehdizadə üç il müddətinə azadlıqdan məhrum edilib. O, cəzasını məntəqə tipli cəzaçəkmə müəssisəsində çəkəcək.

    Qeyd edək ki, Vlada Axundova vaxtilə “Səs Azərbaycan” yarışmasında iştirak etmişdi.

  • СМИ: Исполнители теракта в “Крокусе” планировали атаковать одну из башен “Москвы-Сити”

    Первоначальной целью нападения у исполнителей теракта в “Крокус сити холле” и их зарубежных кураторов рассматривалась одна из башен делового центра “Москвы-Сити”, но боевики сочли здание неподходящей целью для теракта, выбрав концертный зал в Красногорске.

    Как передает Median.Az, об этом ТАСС сообщил один из участников судебного процесса.

    “Им [исполнителям] было дано указание совершить теракт. Первоначально им скидывали адрес здания “Москвы-Сити” для оценки, но они посчитали его неподходящим. Затем Сайфулло (псевдоним куратора, который объявлен в розыск, так как скрывается от следствия за пределами РФ – ред.) указал в качестве цели концертный зал “Крокуса” в Красногорске”, – сказал собеседник агентства.

    Ранее сообщалось, что организаторы планировали устроить второй террористический акт на территории Москвы, но потом отказались от этого плана и решили совершить нападение только на “Крокус” усиленной группой боевиков. Как установило следствие, проживающий за рубежом куратор под псевдонимом Сайфулло (объявлен в розыск, так как скрывается от следствия за пределами РФ) готовил завербованных и прошедших обучение боевиков к совершению двух террористических актов на территории Москвы. Второй теракт планировали совершить одновременно с нападением на “Крокус сити холл”. В нем должны были участвовать два человека, в “Крокусе” – три.

    Место второго теракта не указано, как и способ его совершения, но в результате него также планировалось убить много людей, следует из материалов дела, с которыми ознакомился ТАСС. Ровно за одну неделю до нападения на “Крокус сити холл” куратор сообщил исполнителям, что в нем будут участвовать не только Шамсидин Фаридуни, Далерджон Мирзоев, Саидакрами Рачабализода, но еще и Мухаммадсобир Файзов (все внесены в РФ в перечень террористов), которого организаторы изначально планировали привлечь к совершению второго теракта.

    Теракт в “Крокус Сити Холле” в подмосковном Красногорске произошёл 22 марта 2024 года и стал одним из самых кровопролитных террористических актов в истории современной России. Вооружённые нападавшие ворвались в концертный комплекс в тот момент, когда зрители собирались на концерт легендарной рок-группы “Пикник”. Террористы открыли огонь по посетителям и сотрудникам, после чего подожгли здание.

    В результате теракта погибли 149 человек, ещё 609 человек были признаны потерпевшими. Один человек до сих пор считается пропавшим без вести. По масштабу жертв трагедия в “Крокусе” сопоставима с захватом заложников в театральном центре на Дубровке в 2002 году (погибли 130 человек) и уступает лишь чудовищному теракту в Беслане в 2004 году (334 погибших).

    Судебный процесс стартовал 4 августа 2025 года и проходил на базе Московского городского суда. Уголовное дело, расследованное Главным следственным управлением Следственного комитета Российской Федерации, составило 427 томов. 12 марта 2026 года Второй Западный окружной военный суд приговорил к пожизненному лишению свободы четырёх непосредственных исполнителей чудовищного теракта в концертном зале “Крокус Сити Холл” – Шамсидина Фаридуни, Далерджона Мирзоева, Мухаммадсобира Файзова и Саидакрами Рачабализоду. Все они внесены в Российской Федерации в перечень террористов и экстремистов.

  • “Crocus City Hall” terrorçularının ilkin hədəfi başqa obyekt olubmuş

    “Crocus City Hall”da qətliam törədən terrorçular və onları xaricdən idarə edən şəxslər ilkin hədəf olaraq “Moskva Siti” biznes mərkəzinin qüllələrini nəzərdən keçiriblər. Lakin həmin binanın hücum üçün uyğun olmadığı qənaətinə gələn yaraqlılar yekun olaraq Krasnoqorskdakı konsert zalının üzərində dayanıblar.

    Bu barədə TASS məlumat yayıb.

    “Təhlil aparmaq üçün ilk olaraq onlara Moskva şəhərindəki binanın koordinatları təqdim edilsə də, yaraqlılar buranı məqbul saymayıblar. Bunun ardınca kuratorluq edən və hazırda Rusiya hüquq-mühafizə orqanlarından xaricdə gizləndiyi üçün axtarışa verilən Sayfullo adlı şəxs Krasnoqorskda yerləşən “Crocus” konsert zalını hədəf kimi müəyyənləşdirib”, – deyə məlumatda deyilir.

    Bundan öncə təşkilatçıların paytaxt Moskvada daha bir terror aktı hazırladıqları məlum olmuşdu. Lakin sonradan həmin niyyətdən əl çəkib, bütün yaraqlı qrupunu yalnız “Crocus” mərkəzinə yönləndirməyə qərar veriblər. İstintaq materiallarına əsasən, xaricdə qərarlaşan və Sayfullo adı ilə tanınan şəxs Moskvada paralel şəkildə iki terror hadisəsi törətmək məqsədilə xüsusi təlim görmüş silahlılar hazırlayırmış. Digər hücumun “Crocus City Hall”dakı qətliamla eyni vaxtda baş verməsi nəzərdə tutulurdu. Plana görə, ikinci hədəfə iki, “Crocus”a isə üç nəfər hücum etməli idi.

    İkinci terror aktının dəqiq məkanı və həyata keçirilmə tərzi açıqlanmasa da, TASS-ın öyrəndiyi materiallarda bu hücumun da çoxlu sayda insanın ölümü ilə nəticələnməsinin hədəfləndiyi vurğulanır. “Crocus City Hall”dakı faciədən bir həftə öncə kurator yaraqlılara məlumat verib ki, əməliyyatda Şamsidin Fariduni, Dalercon Mirzoyev və Saidakrami Racabalizoda ilə yanaşı, əvvəlcə ikinci hücum üçün nəzərdə tutulan Muhammadsobir Fayzov da iştirak edəcək (bu şəxslərin hamısı Rusiyada rəsmən terrorçu kimi tanınıb).

    Xatırladaq ki, Moskvaətrafı Krasnoqorskdakı “Crocus City Hall”da terror aktı 2024-cü il martın 22-də baş verib və müasir Rusiya tarixinin ən qanlı terror hadisələrindən biri olub. Silahlı şəxslər əfsanəvi “Piknik” rok qrupunun konsertinə tamaşaçıların toplaşdığı vaxt konsert kompleksinə daxil olublar. Terrorçular tamaşaçılara və işçilərə atəş açıb, daha sonra isə binanı yandırıblar. Terror aktı nəticəsində 149 nəfər həlak olub, daha 609 nəfər zərərçəkmiş kimi tanınıb. Bir nəfər hələ də itkin düşmüş hesab olunur. Zərərçəkmişlərin sayına görə “Crocus”dakı faciə 2002-ci ildə Dubrovkadakı teatr mərkəzində girov götürülməsi hadisəsi (130 nəfər həlak olub) ilə müqayisə edilə bilər. Ən qanlı terror hadisəsi isə 2004-cü ildə Beslanda baş verib – burada 334 nəfər həlak olub.

    İş üzrə məhkəmə baxışı 2025-ci il avqustun 4-də Moskva Şəhər Məhkəməsində start götürüb. Rusiya Federasiyası İstintaq Komitəsinin Baş İstintaq İdarəsinin apardığı bu mürəkkəb cinayət işi ümumilikdə 427 cildi əhatə edib. 2026-cı il martın 12-də isə İkinci Qərb Dairə Hərbi Məhkəməsi “Crocus City Hall” qətliamını birbaşa həyata keçirən dörd terrorçuya – Şamsidin Fariduni, Dalercon Mirzoyev, Muhammadsobir Fayzov və Saidakrami Racabalizodaya ömürlük azadlıqdan məhrumetmə cəzası kəsib. Qeyd edək ki, adıçəkilən şəxslərin hər biri Rusiyada terrorçu və ekstremist reyestrinə daxil edilib.

  • Eltisini əməliyyat edərək ölümünə səbəb olan mərkəz direktoru HƏBS OLUNDU

    Bakıda qaynının arvadını estetik əməliyyat edərək onun ölümünə səbəb olmaqda ittiham edilən “AzE Estetik Mərkəz”in direktoru Ülviyyə İlyasovanın yenidən Bakı Apellyasiya Məhkəməsinə qaytarılmış cinayət işi üzrə proses keçirilib.

    Oxu.Az-ın məlumatına görə, hakim Aqil Musayevin sədrliyi ilə baş tutan iclasda müttəhimin barəsindəki həbs olmayan qətimkan tədbiri dəyişdirilərək həbs qətimkan tədbiri ilə əvəzlənib.

    Ülviyyə İlyasova məhkəmə zalında həbs olunub.

    Növbəti iclas mayın 9-na təyin edilib.

    Qeyd edək ki, ötən il aprelin 16-da 1984-cü il təvəllüdlü Səbirə Vəliyevanın cərrahi əməliyyatdan sonra ölməsi faktı üzrə cinayət işi başlanıb.

    Müəyyən olunub ki, “AzE Estetik Mərkəz” MMC-nin direktoru Ülviyyə İlyasova aprelin 15-də qaynının həyat yoldaşı (eltisi) Səbirə Vəliyevanın üzərində liposaksiya əməliyyatı icra edib. Daha sonra onu yaşadığı evə apararaq həkim nəzarətindən kənar saxlayıb.

    Növbəti gün Səbirə Vəliyeva kəskin qanaxmadan həyatını itirib.

    Ülviyyə İlyasovaya Cinayət Məcəlləsinin 143-cü (təhlükədə qoyma) və 314.2-ci (ehtiyatsızlıqdan zərərçəkmiş şəxsin ölümünə səbəb olan səhlənkarlıq) maddələri ilə ittiham elan edilib. Onun barəsində polis nəzarəti altına vermə qətimkan tədbiri seçilib.

    İş üzrə Ülviyyə İlyasovanın barəsində Yasamal Rayon Məhkəməsinin qərarından hər üç tərəf -zərərçəkən, cavabdeh və ittiham tərəfi şikayət veriblər. Bakı Apellyasiya Məhkəməsi birinci instansiyanın qərarını qüvvədə saxlamışdı.

    Xatırladaq ki, birinci instansiya məhkəməsinin hökmünə əsasən, Ü.İlyasova 3 il səhiyyə orqanlarında xüsusi ixtisas tələb edən fəaliyyət növü ilə məşğul olmaq hüququndan məhrum edilməklə, 3 il 2 ay müddətinə azadlıqdan məhrum edilib. Onun cəzasını məntəqə tipli cəzaçəkmə məntəqəsində çəkməsi barədə qərar qəbul edilmişdi.

    Daha sonra Bakı Apellyasiya Məhkəməsinin qərarından Ali Məhkəməyə şikayət edən zərərçəkənin vəkilinin müraciəti təmin edilib: Bakı Apellyasiya Məhkəməsinin qərarı ləğv edilərək yenidən baxılması ucun həmin instansiyaya göndərilib.

    Zərərçəkən tərəf Ülviyyə İlyasovanın cəzasının ağırlaşdırılması tələbi ilə çıxış edir.

  • Metronun iki stansiyasını birləşdirən avtobus xəttində GEDİŞ PULSUZ OLA BİLƏR

    “Bakı Metropolitenində xətlərin ayrılması layihəsi icra edilərkən “28 May” və “Nizami” stansiyaları arasında avtobusların ödənişsiz fəaliyyət göstərməsi məsələsi müzakirə edilir”.

    Oxu.Az-ın məlumatına görə, bunu jurnalistlərə açıqlamasında “Bakı Metropoliteni” QSC-nin tikinti layihələrinin idarə olunması departamentinin rəisi Məmməd Rzayev deyib:

    “Bu məsələ yalnız Metropolitenə bağlı deyil. Proses üzrə bütün aidiyyəti qurumlar kompleks şəkildə işləyir. Bütün bunlar öncədən ictimaiyyətə elan ediləcək”, – M.Rzayev qeyd edib.

  • Bakıda GÜCLÜ KÜLƏK: Yol polisi piyada və sürücülərə müraciət etdi

    Milli Hidrometeorologiya Xidmətinin məlumatına əsasən, bu gün Bakıda və Abşeron yarımadasında, eyni zamanda, bəzi bölgələrdə gözlənilən küləkli hava şəraiti ilə bağlı sarı və narıncı xəbərdarlıq verilib.

    Bununla bağlı Baş Dövlət Yol Polisi İdarəsi (BDYPİ) sürücü və piyadalara müraciət edib.

    Müraciətdə bildirilib ki, BDYPİ intensiv yağışlardan sonra növbəti əlverişsiz hava şərtlərinin yollarda yarada biləcək xoşagəlməz halların qarşısının alınması üçün hərəkət iştirakçılarından ehtiyatlı olmağı, yol hərəkəti qaydalarına ciddi riayət etməyi xahiş edir.

    “Qoşqulu, tentli, iriqabaritli yük avtomobillərinin sahibləri və sürücüləri daha məsuliyyətli olmalı, küləkli hava şəraitində hərəkətin çətin və təhlükəli olduğunu unutmamalı, daşıdıqları yükün qablaşdırılmasına xüsusi diqqət yetirməlidirlər.

    Sürücülərə nəqliyyat vasitələrini sürüşmə, aşma və digər bu kimi təhlükə ehtimalı olan obyektlərdən kənarda saxlamaq, park edərkən qapalı məkanlara üstünlük vermək tövsiyə olunur.

    Həmçinin piyadalar da mövcud hava şəraitini nəzərə almalı, yollarda özlərinin və digər hərəkət iştirakçılarının həyat və sağlamlığına təhlükə yaradan davranışlardan çəkinməlidirlər”, – deyə müraciətdə vurğulanıb.

  • Gürcüstanda adam öldürməyə cəhddə təqsirləndirilən Azərbaycan vətəndaşı saxlanıldı

    Gürcüstanda qəsdən adam öldürməyə cəhd ittihamı ilə 35 yaşlı Azərbaycan vətəndaşı N.A. saxlanılıb.

    Bu barədə Gürcüstanın Daxili İşlər Nazirliyinin (DİN) sosial şəbəkə hesabında məlumat verilib.

    İstintaqla müəyyən edilib ki, Tbilisidə sözügedən azərbaycanlı şəxs qarşılıqlı mübahisə zəminində 1997-ci il təvəllüdlü xarici ölkə vətəndaşı İ.M.-ya soyuq silahla xəsarətlər yetirib və hadisə yerindən qaçıb. Yaralanan şəxs tibb müəssisəsinə yerləşdirilib.

    Əməliyyat tədbirləri nəticəsində polis təqsirləndirilən şəxsi qısa müddət sonra yaxalayıb.

    O, günahı sübuta yetirilərsə, 15 ilə qədər azadlıqdan məhrum edilə bilər.

    Faktla bağlı istintaq davam etdirilir.

  • İşlədiyi evdən 30 min manatlıq oğurluq edən şəxs saxlanılıb

    Xəzər rayonu ərazisində oğurluq hadisəsi qeydə alınıb. Naməlum şəxs rayon ərazisində yerləşən evlərin birindən müxtəlif zamanlarda ümumilikdə 30 min manat dəyərində qızıl-zinət, məişət və geyim əşyaları oğurlayıb.

    Bu barədə Daxili İşlər Nazirliyi məlumat yayıb.

    Bildirilib ki, bu barədə zərərçəkən polisə müraciət edib.

    Xəzər Rayon Polis İdarəsinin 1-ci Polis Şöbəsinin əməkdaşlarının keçirdikləri tədbirlərlə əməli törətməkdə şübhəli bilinən, həmin evdə çalışan 29 yaşlı N.İbrahimzadə müəyyən olunaraq saxlanılıb.

    Araşdırma aparılır.