Category: Əsəs Xəbərlər

“Təbii qaza hər zaman ehtiyac olub, son bir neçə ildə ehtiyac artmışdı, son bir neçə ayda isə daha da artmış oldu. Planımız istehsalı və mütləq şəkildə ixracı artırmaqdır. Bu gün Avropa İttifaqının 10 üzvü Azərbaycandan təbii qaz alır. Ölkələrin ümumi sayı 16-dır və bu göstərici üzrə biz dünyada birinci yerdəyik.

Median.Az AZƏRTAC-a istinadən xəbər verir ki, bu fikri Prezident İlham Əliyev aprelin 22-də Bakıda keçirilən Azərbaycan-Latviya biznes-forumunda çıxışı zamanı deyib.

“Biz ən böyük hasilatçı və ixracatçı deyilik, bizdən daha böyük oyunçular var. Lakin boru kəmərləri vasitəsilə qaz ixrac edən ölkələr arasında təchizat coğrafiyasına görə biz birinciyik”, – deyə Azərbaycan Prezidenti əlavə edib.

Prezident İlham Əliyevin sosial şəbəkə hesablarında Latviya prezidenti ilə görüşündən görüntülər paylaşılıb.

Paylaşımda deyilir:

“Prezident İlham Əliyev Azərbaycanda rəsmi səfərdə olan Latviya Prezidenti Edqars Rinkeviçs ilə görüşüb”.

Məhkəmə Bakıda sinif yoldaşına xəsarət yetirməyə görə saxlanılan məktəbli barəsində qərar verib.

Median.Az APA-ya istinadən xəbər verir ki, bu gün Yasamal Rayon Məhkəməsində onunla bağlı təqdimata baxılıb və qərar qəbul edilib.

Qərara əsasən, yeniyetmə barəsində iki ay müddətinə həbs qətimkan tədbiri seçilib.

Qeyd edək ki, aprelin 20-də 286 nömrəli tam orta ümumtəhsil məktəbinin IX sinif şagirdi sinif yoldaşına xəsarət yetirib. Hadisəni törətməkdə şübhəli bilinən şəxs polis əməkdaşları tərəfindən saxlanılıb.

Məlumata görə, 2010-cu il təvəllüdlü məktəbli 2011-ci il təvəllüdlü şəxsin üzərinə spirt tökərək alışqanla yandırıb. Yeniyetmə yanıq xəsarəti ilə xəstəxanaya yerləşdirilib.

AFFA İntizam Komitəsi üç komandaya texniki məğlubiyyət verib.

Bu barədə qurumun İntizam Komitəsinin iclasında qərar qəbul olunub.

U-14 Liqasında baş tutan “Yasamal Bakı” – “Mübariz” FA qarşılaşmasında meydan sahiblərinin heyətində protokolda adı olmayan futbolçuların iştirakı aşkarlanıb. Bu səbəbdən paytaxt təmsilçisinin nəticəsi ləğv olunub və komandaya 0:3 hesablı texniki məğlubiyyət verilib.

Eyni liqada keçirilməli olan “European Football Academy” – “Young Pro” oyunu qonaqların meydana çıxmaqdan imtina etməsi səbəbindən baş tutmayıb. Nəticədə “Young Pro” kollektivi texniki məğlubiyyət alıb.

“Liman” UFK – “Araz Bakı” matçında Liman təmsilçisinin heyətində cəzalı futbolçu Elşad Qafarlının meydana çıxdığı müəyyənləşib. Bu səbəbdən komanda 0:3 hesablı texniki məğlubiyətlə üzləşib.

Avropa İttifaqı (Aİ) Ukraynaya 90 milyard avroluq kredit ayırmağı, eləcə də Rusiyaya qarşı 20-ci sanksiyalar raundunu təsdiqləyib.

Bu barədə “Reuters” agentliyi məlumat yayıb.

2025-ci ilin dekabr ayında keçirilən Aİ sammitində Ukraynaya 2026-2027-ci illər üçün 90 milyard avroluq kredit təsdiqlənib. Bu vəsaitin 60 milyard avrosu silahlara, 30 milyard avrosu isə Ukraynanın büdcə ehtiyaclarına sərf olunacaq. Kiyev borclarını ödəyə bilmədiyi üçün Aİ-nin krediti özü ödəməsi gözlənilir.

Polşanın xarici işlər naziri Radoslav Sikorski amerikalı reper Kanye Uesti faşist adlandırıb və onun ölkəyə girişini qadağan edib.

Onun sözlərini “Onet” nəşri sitat gətirib.

“Kanye Uest Polşaya gəlməyəcək. Faşistlərin yeri həbsxanadır”, – nəşr nazirə istinadən yayıb.

Qeyd olunur ki, reperin konsertləri onun antisemit açıqlamalarına görə ləğv edilir.

17 yaşadək qadın futbolçulardan ibarət Azərbaycan milli komandasının baş məşqçisi Nərgiz Qurbanova ilə yollar ayrılıb.

Bu barədə AFFA-dan məlumat verilib.

U-17-yə müvəqqəti olaraq A milli komandanın məşqçisi Xanlar Əliyev rəhbərlik edəcək.

Paytaxtın”8-ci kilometr” bazarında mövsümi tərəvəzlərin qiyməti aşağı düşüb. Lobyanın kiloqramı 8 manat, badımcam 1-2.50, təzə kartof 1.50-1.80 , çiyələk 3 manatdan təklif olunur.

Median.Az Xəzər Tv-yə istinadən xəbər verir ki, satıcıların sözlərinə görə, iki həftə əvvəllə müqayisədə bazarda qiymət ucuzlaşsa da alıcı qıtlığı var.

Bazarda bolluq olsa da alıcı qıtlığı kameramızın obyektivindən də yayınmadı. Meyvələrin qiymətində isə ciddi dəyişiklik yoxdur. Satıcılar deyirlər ki, hazırda yalnız İrandan idxal edilən meyvələrin qiymətində artım müşahidə olunur. Məsələn, kivinin kiloqramı 4-5, portağal isə 3-4 manatadır.

Kənd yumurtasının 1 ədədi 25 qəpik, pomidor 3, xiyar 1.50 -2.50 dək yüksəlir. Kələm 1.50 qəpk, təzə üzüm yarpağı 4 manat, rəngi bibərlərin qiyməti 3 manatdan təklif olunur.

Satıcılar deyirlər ki, əvvəlki aylara nisbətən qiymətlər tədricən enir. Yaxın günlərdə bir çox məhsulun qiymətində də ucuzlaşma daha çox olacaq.

Çernobıl fəlakətinin izləri hələ də Yuxarı Avstriya torpağında qalmaqdadır.

Bu barədə “Krone Zeitung” qəzeti yazır.

1986-cı ilin aprel ayında Çernobıl Atom Elektrik Stansiyasındakı qəzadan sonra radioaktiv yağıntılardan ən çox bu bölgə əziyyət çəkib. Mühlviertel, Mərkəzi və Salzkammergut bölgələrində güclü yağışlar baş verib. Orada torpaqda sezium izotop konsentrasiyası ən yüksək olaraq qalır. 2021-ci ilin aprelindən 2026-cı ilin aprelinə qədər 601 qida nümunəsi təhlil edilib. Bəzi meyvə, tərəvəz və xüsusilə göbələk nümunələrində sezium-137 aşkar edilib.

İzotop həmçinin dənli bitkilərdə və paxlalılarda da aşkar edilib.

“Çernobıldan 40 il sonra Avstriyada sezium ov heyvanlarında, süddə və tərəvəzlərdə tapıldı”, – deyə qəzet qeyd edib.

Xətai rayonunda 11 min manat dəyərində 6 ədəd mühərrik oğurlamaqda şübhəli bilinən şəxslər saxlanılıb.

Bu barədə Daxili İşlər Nazirliyindən məlumat verilib.

Bildirilib ki, naməlum şəxslər rayon ərazisində yerləşən şirkətlərdən birinin həyətindən ümumilikdə 11 min manat dəyəri olan 6 ədəd su və elektrik mühərriyi oğurlayıblar. Xətai RPİ 37-ci Polis Şöbəsinin əməkdaşlarının keçirdikləri tədbirlərlə əməli törətməkdə şübhəli bilinən M.Nağıyev və R.İbrahimov müəyyən edilərək saxlanılıb.

Araşdırma zamanı saxlanılan şəxslərin taladıqları əşyaları metal qəbulu məntəqəsinə satdıqları məlum olub.

Araşdırmalar davam etdirilir.