Roma Papası Fransiskin vəfatı ilə əlaqədar Azərbaycanda xatirə kitabı açılıb.
Azərbaycanda Katolik Kilsəsinin Apostol Prefekturasının İdarəsindən oxu.az-a bildirilib ki, xatirə kitabı Bakı şəhəri Müqəddəs Məryəm katolik kilsəsində açılıb.
“Başsağlığı kitabına yazı yazmaq aprelin 22-dən 26-na qədər (26-sı da daxil olmaqla) saat 10:00-dan 12:00-dək və 15:00-dan 18:00-dək mümkündür.
24 aprel saat 19:00-da Müqəddəs Məryəm kilsəsində mərhum Papa Fransiskin ruhuna xüsusi ayin (messa) keçiriləcək. Ayinə Azərbaycanın apostol prefekti yepiskop Vladimir Fekete başçılıq edəcək”, – məlumatda qeyd olunub.