Rəsulzadə qəsəbəsi, Koroğlu küçəsi 20 ünvanında içməli su borusu partlayıb.
Bu barədə məlumat Baku.ws-in “qaynar xətti”nə daxil olub.
Bildirilib ki, nəticədə içməli su bir həftədən çoxdur yola axır və ərazi sakinləri çətin vəziyyətdə qalıb.
“Su xətti partlayanda gəlirlər, taxtadan cüy vurub gedirlər. 1 həftə keçməmiş yenə partlayır. Yol suyun içində qalır, içməli sudur, axır yollara” – deyə sakinlərdən biri bildirib.
Hazırda su itkisi davam edir və yolda həm piyadalar, həm də nəqliyyat vasitələri üçün hərəkət çətinləşib.
Ərazidən görüntüləri təqdim edirik: