Cari il ərzində respublika ərazisində çoxmənzilli yaşayış binalarında 114 yanğın faktı qeydə alınıb.
Bu barədə Oxu.Az-ın sorğusuna cavab olaraq Fövqəladə Hallar Nazirliyindən (FHN) məlumat verilib.
Bildirilib ki, sözügedən yanğınlar nəticəsində 6 nəfər həyatını itirib, 40 nəfər isə müxtəlif dərəcəli xəsarət alıb.
Qeyd olunub ki, ötən ilin eyni dövrü ilə müqayisədə yanğınların sayında 9 fakt, xəsarət alanların sayında isə 41 nəfər azalma qeydə alınıb, həyatını itirənlərin sayı isə analoji dövrlə müqayisədə eyni qalıb.