Month: January 2018

Bu gün məşhurların da yer aldığı “Sahibsiz küçə heyvanlarını qoruyaq” adlı sosial çarx təqdim olunub.

Layihə “Lider” telekanlının rəhbəri Ədalət Əliyevin həyat yoldaşı Nailə Əliyevanın təşəbbüsü ilə baş tutub.

Sahibsiz küçə itləri ilə davranış qaydalarından bəhs edən sosial layihədə millət vəkili Qənirə Paşayeva, xalq artisti Faiq Ağayev, əməkdar incəsənət xadimi, bəstəkar Aygün Səmədzadə, əməkdar artistlər Tünzalə Ağayeva, Sevda Ələkbərzadə, yazıçı Çingiz Abdullayev, bəstəkar-müğənni Murad Arif, müğənnilər Elnur Hüseynov, Nura Suri, əməkdar rəssam Müseyib Əmirov, yunan-roma güləşi üzrə dünya çempionu Fərid Mansurov, “Eurovision 2018” təmsilçimiz Aysel Məmmədova, aparıcı Hüsniyə Məhərrəmova, aktyor Taleh Yüzbəyov, ilahiyyatçı Hacı Şahin iştirak edib./oxu.az

Qeyd edək ki, videoçarxda N.Əliyevanın özü də çəkilib.

Sumqayıtda dünən sensasion hadisə baş verib.

Bu barədə mia.az-a Sumqayıtın Bağlar massivi deyilən ərazidə yaşayan sakinlərdən biri məlumat verib.

Onun sözlərinə görə, şəhər İcra Hakimiyyətinin memarlıq şöbəsinin işçiləri olduğunu deyən 20-dək idmançı görkəmli şəxslər ərazidə ev tikib tamamlayan bir hərbçinin evinə basqın ediblər:

“Hadisə zamanı həmin hərbi formada olan mayor rütbəli, orta yaşlı hərbçinin evini sökmək istəsələr də, o, “kupça” göstərərək, qanunsuz heç nə görmədiyini deyərək, söküntünün dayandırılmasını tələb elədi.

Bu zaman onlar arasında mübahisə yarandı və İcra Hakimiyyətinin işçiləri hərəsi bir yandan tökülüşüb, evi sökməyə başladılar. Mayor isə israrla qanunsuz iş görmədiyini deyərək, söküntünün qabağına keçmək istəyirdi. Lakin hücum edənlər nə evin qanuni sənədlərinə, nə də həmin evin sahibinin hərbiçi olmasına məhəl qoymadan qanunsuz əməllərini davam etdirdi. Belə bir anda qəfildən onlardan 5-6 nəfəri söküntüyə mane olmaq istəyən hərbiçinin üstünə tökülüşüb, onu sanki erməni vururmuş kimi döyməyə başladılar.

Müşahidələrimə görə, Azərbaycan hərbiçisi icra məmurlarının zərbələrindən ağır bədən xəsarətləri aldı, onun sifət nahiyəsini qan içində idi, ağır zərbə izləri açıq görünürdü. Bəlkə də sizə inandırıcı olmayacaq, ancaq həqiqətən onu amansızcasına vurdular. Sanki Vətən torpağını qoruyan hərbiçi düşmən idi, söküb-dağıdılan da onun evi yox, düşmən postu idi. Dəhşətli bir mənzərə idi”.

Hadisə şahidinin sözlərinə görə, hazırda hərbiçinin kupçalı evini tamamilə sökürlər: “Görünür, o, ya tələb olunan rüşvəti verməyib, ya da Sumqayıtda qayda-qanun, sənəd sayan yoxdur. Əks halda günorta çağı Azərbaycan ordusunun mayorunun evini nə sökər, nə də özünə o cür ağır bədən xəsarətləri yetirilərdi…”.

Məsələ ilə bağlı döyülən hərbçi ilə yanaşı, İH-nin memarıyla danışmaq cəhdlərimiz alınmadı.

Mövzuya qayıdacağıq.

Bir neçə gündür sosial şəbəkələrdə müzakirə mövzusuna çevrilən 60 yaşlı balakənli qadın müəllim Pakizə Mikayılova tez bir zamanda məşhurlaşıb.

Median.Az report-a istinadən xəbər verir ki, P.Mikayılovanın başçılıq etdiyi futzal komandasını çılğınca dəstəkləməsi hər kəs tərəfindən maraqla qarşılanıb. Qocaman müəllimin oyunda göstərdiyi emosiyalar gənclərə də bir stimul olub.

Pakizə Mikayılova ilə olan videoreportajı təqdim edirik:

Tanınmış reper Hüseyn Dəryanın həyat yoldaşı Sona İbadova milli.az-a oğlu ilə bağlı açıqlama verib. O, oğlu Cahangiri gecə kulubunda rep dediyinə görə qınayanlara sərt cavab verib:

“Düzdü, ora gecə klubu idi, amma Cahangir orada yox idi. Sadəcə olaraq, Dadoyla olan duetini oxuyanda çəkib bizə atdılar ki, Cahangirin repi səslənir. Biz də bunu İnstagram-da paylaşdıq. İnsanlar videoya baxmadan rəylər bildirdilər. Əslində, mənə heç kimin fikri maraqlı deyil, çünki rəy bildirən insanlar boş-bekar, işsiz-gücsüz insanlardır.

İstəmərəm ki, Cahangir reper olsun. Təbii ki, bir valideyn kimi ona dəstək olmağa hazıram. Repdə qazanc yoxdur, sən tanınırsan, sevilirsən amma cibin boş olur. O tanınmaq da sənə başqa işlər görməyə həmişə mane olur”.