Month: March 2018

Azərbaycanın tanınmış sahibkarlarından biri, iri şərab istehsalçısı olan “Tovuz-Baltiya”nın sahibi Naiq Məhəmmədhəsənov “Bank of Baku”nu onun şirkətinə qarşı saxtakarlıq etməkdə günahlandırıb.

Sahibkar bildirib ki, bir qədər əvvəl “Tovuz Baltiya” şirkəti “Bank of Baku”nun xətti ilə Sahibkarlığa Yardım Fondundan güzəştli kredit göütürüb. Kreditin şərtlərində ilk iki ilin güzəştli (həmin müddətdə kredit üzrə yalnız faizlər ödənilir) olması nəzərdə tutulsa da, “Bank of Baku” artıq 7 aydan sonra kredit üzrə gecikmə olduğunu bildirərək şirkətə faizlər hesablamağa başlayıb: “Biz krediti 5 illik götürmüşük, bunun ilk iki ili güzəştli idi. Amma bunlar hələ 6 ay tamam olmadan, bizim guya krediti gecikdirdiyimizi bildirərək hesablarımızdan qanunsuz pul çıxmağa başlaıblar”.

N.Məhəmmədhəsənovun sözlərinə görə, bu vəziyyətdən sonra şirkətin hesablarından iri məbləğdə vəsaitlər tutulmağa başlayıb: “Onlar heç br sərəncam olmadan, tamamilə özbaşına olaraq, hesablarımızdan 350 min manat, 200 min manat və sair məbləğlərdə pullar siliblər”.

Cavabında “Tovuz Baltiya” şirkəti “Bank of Baku”nu məhkəməyə verib və ilk ki instansiyada ona qalib gəlib. Ali Məhkəməyə qədər davam edən məhkəmə çəkişməsində işin yenidən araşdırılması qərara alınıb: “Məsələ 510 gün araşdırılıb, hələ yenə araşdıracaqlar, baxmayaraq ki, əlimizdə 4 ekspert rəyi var. Əslində Ali Məhkəmə o qətnaməni qüvvədə saxlamalı idi.”

Dünyanın 10-dan artıq ölkəsinə məhsullarını ixrac edən şirkətin rəhbəri bildirir ki, bu hadisədən sonra «Bank of Baku» ilə əməkdaşlığı birdəfəlik dayandırıb və tanıdığı iş adamlarına həmin bankla əməkdaşlıq etməməyi tövsiyə edib: “Müştərinin mənafeyini qorumayan bankla əməkdaşlıq etmək yersizdir”. Ən maraqlısı odur ki, həmkarları N.Məhəmmədhəsənovun “Bank of Baku” il əməkdaşlığına təəccübləniblər: “Mən deyəndə ki, həmin bankın müştərisiyəm, onlarla işləyirəm, mənə gülürlər, bildirirlər ki, bu ən dələduz bankdır”.

“Tovuz Baltiya”nın rəhbəri bildirir ki, “Bank of Baku” ilə məhkəmə çəkişməsi onun biznesinə və xaricə mal ixracı ilə bağlı fəaliyyətlərə böyük maneələr yaradıb: “Bu məhkəməyə görə bizim vəsaitlərimiz araşdırılır, pullarla əməliyatlarımıza çətinliklər yaradılır və s. Nəticədə vaxtımız itirilir, xaricə çıxa bilmirik, qonaq dəvət edə bilmirik və s.” (FED.az) 

Bakıda baş tutan toyların birində maraqlı anlar yaşanıb.

Median.Az A24.Az-a istinadən xəbər verir ki, bəy və gəlin tortun kəsiləcəyi masaya fərqli formada dəvət ediliblər.

Belə ki, bəy və gəlin ayğa qalxıb salonun mərkəzinə gələndə vağzalı və ya romantik mahnılar yerinə “Real Madrid” himni səslənib.

Bəy əlini havaya qaldıraraq himni ucadan oxumağa başlayıb.

Həmin görüntüləri sizə təqdim edirik:

Azərbaycanlı tələbələr İKT sahəsində daha bir yeniliyə imza atıblar.

Median.Az Xezerxeber.az-ə istinadən məlumatına görə, çantanın içinə müxtəlif elektrik cihazları qoyulur və onlar enerji yığır.

Əşya kənardan adi bel çantasına bənzəyir. Əslində isə, çoxfunksialı enerji yığıcı və ötürücü bir vasitədir. İdeyanı Azərbaycan Dövlət Neft və Sənayə Universitetinin startap məktəbində çalışan Nihad Quliyev fikirləşib. Onun sözlərinə görə, ilk dəfə belə bir çantaya ehtiyacı olduğunu əsgərlikdə olan zaman hiss edib. O, daha sonra komandası ilə birlikdə çalışaraq belə bir unikal əşyanı ərsəyə gətirib. 4 növ alternativ enerji yığan bu çantanın ən maraqlı xüsusiyyətlərindən biri də günəşdən və əl hərəkətindən enerji yığmasıdır.

Bu qeyri-adi gurğudan həm hərbi sahədə, həm də uzun səyahətlər zamanı istifadə etmək olar. Qeyri-adi çanta daxili batareyalar vasitəsilə 48 saat ərzində enerjini saxlaya bilir. Artıq galan enerjini isə “powerbank” adlı sistem vasitəsilə saxlayıb, daha sonra isə istifadə etmək olur. Bu qurğunun daha bir özəlliyi isə kənar müdaxilələrə qarşı signalizasiya ilə təmin edilməsidir.

Çantada təhlükəsizlik baxımından maraqlı bir funksiya da mövcudddur. Belə ki, gecə vaxtı arxadan gələn sürücülərə xəbərdarlıq etmək məqsədi ilə işıq saçan fanarlarla da təmin olunub.

Layihəni Azərbaycan Dövlət Neft və Sənayə Universiteti maliyyələşdirir. İsrail və Ukraynadan olan mütəxəssislər də bu yeni layihəyə dəstək verirlər.

Ekologiya və Təbii Sərvətlər Nazirliyi martın 9-u gündüzdən 10-u səhərədək müşahidə olunmuş faktiki havanı açıqlayıb.

Nazirliyin mətbuat xidmətindən “Report”a bildirilib ki, Ekologiya və Təbii Sərvətlər Nazirliyinin Milli Hidrometeorologiya Departamenti tərəfindən əvvəlcədən xəbər verildiyi kimi, ölkə ərazisində martın 9-u gündüzdən 10-u səhərədək qeyri-sabit hava şəraiti davam edib, arabir yağış, dağlıq rayonlarda qar yağıb, bəzi yerlərdə intensiv olub.

Düşən yağıntının miqdarı Bakıda və Abşeron yarımadasında 1-10, Lənkəran-Astara zonasında 2-8, Böyük Qafqazda 3-21, Mərkəzi Aran rayonlarında 2-18, Qazax-Gəncə zonasında 1-10, Naxçıvan MR-da 4-12 mm olub. Qar örtüyünün hündürlüyü Şahdağda 38, Qırızda 12, Xınalıqda 4, Rvarudda 3, Kəlvəzdə 2 sm təşkil edib. Şimal-qərb küləyi bəzi rayonlarda və Abşeron yarımadasında arabir güclənib.