Month: May 2018

Parlamentdə “Əlilliyi olan şəxslərin hüquqları haqqında” qanun layihəsi II oxunuşda müzakirəyə çıxarılıb. “Qafqazinfo” xəbər verir ki, layihə barədə məlumat verən Əmək və sosial siyasət komitəsin sədri Hadı Rəcəbli qeyd edib ki, birinci oxunuşdan sonra qanun layihəsinə xeyli dəyişikliklər edilib: “ Mən ikinci oxunuşda deputatları müzakirədə fəal olmağa çağırıram”.

Deputat Qüdrət Həsənquliyev bildirib ki, 2014-2018-ci illər əllilərin sosial müdafiəsi ilə bağlı proqramda göstərilib ki, 2018- ci ilin sonuna qədər 5731 şəxs mənzillə təmin olunmalıdır: “ İndi bizə nazir müavini Natiq Məmmədov məlumat versin ki, ilin bitməsinə 7 ay qalıb. Neçə nəfər əlil mənzillə təmin olunub? Halbuki 5731 nəfərin hamısı mənzillə təmin olunmalıdır. Onu da qeyd edim ki, ölkədə ümumlikdə 620 min əlil var. Onların da 72 mini 18 yaşına qədər olan yeniyetmələrdir”.

Deputat Musa Quliyev vətəndaşın əllilliklə bağlı verilən qərardan şikayət edə bilməməsi məsələsinə toxunub: “Elə şərait yaradılmalıdır ki, vətəndaşa birinci dəfə əlillik verilmirsə, onlara ikinci dəfə müraciət etmək hüququ verilməlidir. Təkrar müraciət hüququ üçün əlillərə imkan yaradılmalıdır. Həm də xəstəni görmədən əlillik təyin edilməsi məsələsi yanlışdır”.

Deputat Qənirə Paşayeva da əlillərin təkrar müraciət etmək hüququ probleminə toxunub.

Deputat Araz Əlizadə bildirib ki, qanunun əsas mahiyyəti əlillərə layiqli həyat verməkdir: “Deputat həmkarlarımdan soruşuram ki,hansınız 52 manatla dolana bilərsiz? Yəqin ki, heç biriniz. Ona görə bu qanun lirikadır. Əsas məsələ əlillərin müavinətlərinin artırılması olmalıdır”.

Əmək və əhalinin sosial müdafiəsi nazirinin müavini Natiq Məmmədov deputatların qaldırdığı məsələyə münasibət bildirib. O bildirib ki, ilk növbədə prezindentin sərəncamına əsasən ölkənin ərazi bütövlüyü uğrunda əlil olan şəxslər evlə təmin edilib: “ 2014-2018- ci illər dövlət proqramında bütün kateqoriya əlillərə bu şamil edilməyib. Düşünürəm ki, bu proqram daha 4 il artırılmalıdır ki, bütün kateqoriyaladan olan əlilləri əhatə edə bilsin. Hər il 350-400 nəfər Qarabağ əlilləri üçün fərdi ev tikintisi aparılır”.

Nazir müavini əlilliyin qiymətləndirilməsi məsələsinə də toxunub. O qeyd edib ki, bu məsələdə narazı olanların fikirləri ilə razıdır: “Mən də ixtisasca həkiməm. Ona görə də həkim kimi razılaşa bilmrəm. Xəstəni görmədən ona əlillik təyin etmək düzgün deyil. Bu o zaman düzgün olardı ki, Səhiyyə Nazirliyinin bununla bağlı elektron portalı tərtib ediləcək, o zaman məsələ bütün xəstələr haqqında məlumatlar orada qeyd olunacaq.

Əlilliyin hazırkı formada qiymətləndirilməsinin isə bir neçə müsbət cəhəti var. İndi artıq kağız daşıyıcları yoxdur, vətəndaş-məmur münasibətləri sıfıra endirilib. Demək olar ki, korrupsiya yoxdur”.

Şəmkir rayonunda bazar adlanılan ərazidə yerləşdirilən elan hər kəsin təəccübünə və marağına səbəb olub. Belə ki, elanda qeyd olunub ki, Türkiyədə tikiş fabrikinə 25-35 yaş arası qadınlar tələb olunur. Yüksək əmək haqqı bir çox qadınların marağına səbəb olub. 

Elanın doğruluğunu yoxlamaq üçün qeyd olunan nömrə ilə əlaqə saxladıq. Bəlli oldu ki, qadınları tikiş fabrikində iş üçün cəlb etsələr də zəngi cavablayan şəxs işin nədən ibarət olduğunu bilməyib və xanımla görüşün vacbliyini vurğulayıb. 

İddia olunur ki, sözügedən çətə qadınları bu yollarla Türkiyəyə aparıb orada naməlum şəraitdə öz maraqlarının qurbanına çevirirlər. 

Şəmkirdə naməlum ELAN: Qadınları satmaq üçün Türkiyəyə aparırlar? – ŞOK MATERİAL

Bununla bağlı big.az-a açıqlama verən “Təmiz dünya Qadınlara Yardım” İctimai Birliyinin sədri Mehriban Zeynalova Həqiqətən belə bir hal varsa dərhal İnsan Alverinə Qarşı Müdafiə idarəsinin 152 qaynar xətti ilə əlaqə saxlayıb həmin elan barəsində məlumat versinlər. Əminəm ki, bu məsələ dərhal araşıdırılıb müvafiq tədbir görüləcək. Bu məsələ hələ ehtimaldır. Amma yenə də hüquq mühafizə orqanları bu məsələni araşdırmalıdır. Bunu ört-basdır edilməsindənsə dərhal 152 qaynar xəttlə əlaqə saxlamaq lazımdır ki, heç kəs zərər çəkməsin. Hüquq mühafizə orqanları 24 saat ərzində bu məsələni araşdırıb kim günahkardırsa məsuliyyətə cəlb edəcəklər. Əgər bu elandan zərər çəkən varsa artıq cinayət hesab olunur. 

Şəmkirdə naməlum ELAN: Qadınları satmaq üçün Türkiyəyə aparırlar? – ŞOK MATERİAL

Vəkil Elmar Süleymanov vurğulayıb ki, bu kimi elanlar insan alverinə gətirib çıxararsa birbaşa onlar cinayət məsuliyyəti daşıyır. Bu əmələ görə onlar 5 ildən 10 ilə qədər azadlıqdan məhrum edilə bilərlər: “Qadınların sənətlərini əllərindən alıb onları cinsi istismara məruz qoyurlarsa artıq bu insan alveri deməkdir. İnsan alverinin qurbanı kişi də ola bilər. Onun da sənətlərini əlindən alıb məcburi əməyə sövq edə bilərlər. Maraqlı olan odur ki, belə hallar ölkə daxilində baş vermir. Daha çox qadınlarımız aldadılaraq Türkiyəyə, Dubaya aparılır. Bu əməl 2 nəfərdən çox şəxsə, yetkinlik yaşına çatmayanlara və mütəşəkkil dəstə tərəfindən yaxud da təkrar törədilərsə, 8 ildən 12 ilə kimi azadlıqdan məhrum etmə cəzası verilir. Məhkəmələrdə insan alverçiləri bildirirlər ki, biz məcbur etməmişik. Qadın könüllü bunu həyata keçirib. Bu cür ifadə verməkdə də məqsəd cəzanın yüngüləşdirməkdir. Amma məhkəmələrdə bu ifadələr cəzanı yüngülləşdirən amil kimi qəbul edilmir. Bu məsələni həm də Əmək və əhalinin Sosial Müdafiəsi Nazirliyi yanında Dövlət Əmək Müfəttişliyi Xidməti və Daxili İşlər Nazirliyinin İnsan Alveri ilə Mübarizə İdarəsi araşdırmalıdır. Bu cür elanları kim yapışdıranlar haqqında araşdırma aparılmalıdır. Onların əməli təsdiqini taparsa cinayət məsuliyyətinə cəlb edilməlidirlər.