Month: June 2018

Azərbaycanda müğənnilər vergilərini kifayət dərəcədə ödəmirlər.

Median.Az xəbər verir ki, bunu Trend-ə vergilər nazirinin müavini Sahib Ələkbərov deyib.

S.Ələkbərov bildirib ki, müğənnilərin vergi ödəməsi məsələsi həmişə gündəmdədir: “Onlar da digər vergi ödəyiciləri kimi vergilərini hesablayıb dövlət büdcəsinə ödəməlidirlər. Müğənnilər vergi ödəyirlər, amma kifayət dərəcədə yox. Bu sahədə həmişə narazılıqlar olur”.

Bununla bağlı hər hansı tədbirin görülməsinə gəlincə, nazir müavini bildirib ki, ümumiyyətlə bu yaxınlarda uçot məsələsi ilə bağlı ciddi tədbirlərin aparılması nəzərdə tutulur:

“Təbii ki, bu tədbirlər digər ödəyicilər kimi müğənnilərə də şamil olunacaq, onlar da vergi ödəyicisidirlər”.

Bakıda intihara cəhdin qarşısı alınıb.

Median.Az xəbər verir ki, hadisə iyunun 23-də Nizami rayonunda, metronun Qara Qarayev stansiyasının yaxınlığında baş verib.

İntihara cəhdin qarşısının alınmasında “İctimai” radionun aparıcısı Ayfər Feyziyevanın rolu danılmazdır.

Belə ki, hündürmərtəbəli binanın damına çıxan kişi intihara cəhd edib. Bunu ilk olaraq qarşı tərəfdəki binada yaşayan Ayfər Feyziyevanın oğlanları, 7 və 12 yaşlı Rəhman və Rəhim qardaşları görüb və dərhal analarına xəbər veriblər.

Yenicag.az-a açıqlama verən Ayfər Feyziyeva hadisəni belə xatırlayır: “Uşaqlar eyvanda oynayırdılar. Birdən qışqırıb məni çağırdılar ki, kişi özünü binadan atmaq istəyir. Düzü, əvvəl elə bildim ki, ustadır, binanın damını təmir edir. Sonra gördüm ki, qışqırır. Onunla danışaraq fikrindən yayındırmağa çalışdım. Polis çağırmaq istəsəm də, icazə vermədi. Dedim kiminlə danışmaq istəyirsənsə, onu çağırım. Məsafəmiz uzaq idi deyə, səsini güclə eşidirdim. Bir təhər qardaşının nömrəsini alıb, hadisə yerinə çağırdım. O da təcili olaraq gəldi. Allaha şükür ki, qardaşı onu intihar fikrindən daşındırdı. Övladlarımla birlikdə intiharın qarşısını almış olduq. Amma hələ də hadisənin təsirindən çıxa bilmirik”.

Lerik rayon sakini 14 yaşlı qızın nişanlısı həbs olunub.

Oğlanın həbs olunmasına səbəb qızın üç aylıq hamilə olmasıdır.

Məsələ barədə cinayət işi açılıb. Araşdırma aparılır.

Cütlüyün toyu ləğv edilib.

Qeyd edək ki, Lerik rayon sakini Mirtəmən Sadıqov boşandığı həyat yoldaşının 14 yaşlı qızını ərə verməsi ilə bağlı müraciət ünvanlamışdı.//oxu.az

ATV-də yayımlanan “Bizimləsən” proqramınının canlı yayımında gərgin anlar yaşanıb.

Övladını axtaran Xatirə adlı şəxsə onun qətlə yetirildiyini deyiblər.

Bunu eşidən Xatirənin studiyada halı pisləşib. Zaur Baxşəliyev isə xəbərin təsdiqlənmiş informasiya olmadığını deyib və xəbəri verən şəxsi qınayıb.

Sözügedən görüntüləri təqdim edirik.//oxu.az

Bakıdakı turizm operatorları cari yayda ölkə xaricinə yollanmaq üçün tələbatın artacağını proqnozlaşdırırlar. Hər gün çox sayda insan tur paketlərlə bağlı informasiya almaq üçün müraciət edir.

Bununla bağlı oxu.az-a paytaxtın turizm şirkətlərindən birinin direktoru İlahə Məmmədova məlumat verib.

Onun sözlərinə görə, azərbaycanlıların istirahət üçün ən çox seçdiyi şəhərlər bunlardır:

– Antalya (Türkiyə)

– Praqa (Çexiya)

– Bodrum (Türkiyə)

– Karlovı Varı (Çexiya)

– Marmaris (Türkiyə)

– Varna (Bolqarıstan)

Bu yay azərbaycanlılar Almaniya, İspaniya, Portuqaliya kimi Avropa ölkələrinə olan turistik marşrutları seçiblər.

Yaxınlıqda yerləşən ölkələrə gəlincə isə, Azərbaycandan olan turistlərin böyük qismi Gürcüstan və Qazaxıstana gedəcəklər.

“Həmçinin, Yesuntiki və Truskavets sanatoriyalarına tur paketlərə bu il böyük ehtiyac var.

Yay dövründə azərbaycanlılar arasında məşhur olmayan şəhər kimi Dubayı göstərmək olar. İl boyu bu şəhərə tələbat yüksək olur, ancaq yayda bura gedənlər çox azdır”, – müsahib bildirib.

Məmmədova qeyd edib ki, Rusiyada keçirilən dünya çempionatına görə bu ölkənin müxtəlif şəhərlərinə avia biletlər üçün defisitlər mövcuddur.