Month: September 2018

Taxoqraf cihazı ilə təmin olunmayan və taxoqrafla bağlı qaydaları kobud şəkildə pozan daşıyıcılar və sürücülər məsuliyyətə cəlb ediləcək.

Bu barədə Nəqliyyat, Rabitə və Yüksək Texnologiyalar Nazirliyi yanında Dövlət Avtomobil Nəqliyyatı Xidməti məlumat yayıb.

Qeyd edilib ki, Nazirlər Kabineti “Avtomobil nəqliyyatı ilə müntəzəm şəhərdaxili (rayondaxili), şəhərlərarası (rayonlararası) və beynəlxalq marşrutlar üzrə sərnişin daşımalarına daşıyıcıların cəlb olunmasına dair müsabiqənin keçirilməsi Qaydası”na 7 nömrəli əlavə – “Avtomobil nəqliyyatı ilə marşrut üzrə sərnişindaşıma xidmətlərinin göstərilməsi haqqında müqavilə”yə əlavə edib. Bu barədə qərarı baş nazir Novruz Məmmədov imzalayıb.

Əlavəyə görə, beynəlxalq və ölkədaxili (şəhərlərarası və rayonlararası) sərnişin daşımalarını həyata keçirən ümumi istifadədə olan avtonəqliyyat vasitələri taxoqrafla təchiz edilməlidir. Beynəlxalq yük daşımalarını, həmçinin ölkədaxili şəhərlərarası və rayonlararası yük daşımalarını təşkil edən daşıyıcılar və yerinə yetirən sürücülər müvafiq daşımaların taxoqraf olmadan, habelə taxoqrafın yoxlanması haqqında şəhadətnamə və ya müvafiq möhür olmadan, yaxud yoxlanma müddəti bitmiş və ya plomblanması pozulmuş, tamamilə və ya hər hansı funksiyası işləməyən taxoqrafla, taxoqrafın qeydiyyata aldığı məlumatlar saxtalaşdırılmaqla yerinə yetirilməsinə görə məsuliyyət daşıyacaqlar.

Bakıda ata küçədə azyaşlı övladını döyüb.

Median.Az Unikal.org-a istinadən xəbər verir ki, hadisə paytaxtın Xətai rayonu Seyid Əzim Şirvani küçəsində baş verib.Belə ki, ata küçədə ətrafdakılardan çəkinməyərək uşağını döyməyə başlayıb.Hadisə şahidlərinin sözlərinə görə, ata övladının qışqırmağına və ağlamağına məhəl qoymadan onu döyüb.Hadisə yerinə polislərin gəlməsindən sonra ata öz çirkin əməlinə son qoyub

Sosial şəbəkələrdə Azərbaycanda siqaret çəkən azyaşlının görüntüləri yayılıb.

Median.Az Unikal.org-a istinadən xəbər verir ki, siqaret çəkən 6-7 yaşlarında olan uşağı həmyaşıdı videoya çəkib. Videonu çəkən azyaşlının Fərhad deyə çağırdığı dostunun görüntülərini atasına göstərəcəyini bildirir. Görüntüdə uşaqların yanında böyüklərin olduğu aydın şəkildə kameraya düşüb. Onların azyaşlılara irad bildirməməsi isə təəccüb doğurub.