Month: November 2018

Tanınmış telejurnalist Mirşahin Ağayev Bakı Dövlət Universitetinin (BDU) rektoru Abel Məhərrəmovun işdən çıxarılmasına səbəb olduğu iddia edilən “təyyarə qalmaqalı” ilə bağlı açıqlama verib.

Mirşahin Ağayev həmin təyyarədə olduğunu təsdiq edib: “Bəli, mən də o təyyarədə olmuşam. Müşahidələrə rəğmən deyə bilərəm ki, Abel Məhərrəmov doğrudan da orada bir millət vəkili ilə spirtli içki qəbul edib”.

Medianın diqqətindən yayınan sözügedən süjeti təqdim edirik:

Azərbaycanın məhkəmə-hüquq sistemindəki problemlər, çatışmamazlıqlar heç kəsə sirr olmasa da vətəndaşların qanuni haqlarını qoruyan, ədalətli qərar verən hakimlərimiz də az deyil.

Ölkəmizin hakim korpusunda ən ləyaqətli, ədalətli hakimlərdən biri də Bakı Apellyasiya Məhkəməsinin Mülki İşlər Kollegiyasının hakimi Namiq Cəfərovdur.

Ancaq bu vicdanlı hakimin yaxın zamanlarda cəzalandırılacağı gözlənilir.

Belə ki, Gununsesi.org-u bilgiləndirən mənbənin sözlərinə görə, Namiq Cəfərov barəsində Məhkəmə Hüquq Şurasında başladılan intizam icraatı onu tanıyanları şoka salıb.

Gununsesi.org-un xəbərinə görə, Məhkəmə -Hüquq Şurası bu vicdanlı hakimi cəzalandırmaq üçün hərəkətə keçib.

Bunun səbəbini araşdırarkən isə Ali Məhkəmə rəhbərliyinin qəzəbinə tuş gəlməsi göstərilir.

Araşdırmamız zamanı onu da öyrəndik ki, vaxtilə Suraxanı və Binəqədi tayonlarında hakim kimi çalışan Namiq Cəfərov faəliyyəti dönəmində rüşvətdən uzaq olan ədalətli məhkəmə hakimi kimi ad çıxarıb. Məhz hakim olaraq öz peşəsinə ləyaqətlə sadiq qalması digər həmkarlarından hər zaman onu fərqləndirib.

Olduqca sadə həyat tərzi keçirən Namiq Cəfərov Sovet istehsalı olan avtomobilini belə dəyişə bilməyb.

Bu insanı tanıyanlar onu da bildirib ki, bəzi hakimlər kimi naharını hansısa restoranlarda deyil, özüylə işə gətirdiyi yeməklə edir.

Namiq Cəfərov haqqında intizam icraatının başlaması Azərbaycanın hüquq ictimaiyyətində ciddi məyusluğa səbəb olub.

Ümid edirik ki, Məhkəmə-Hüquq Şurasının sədri Cənab Fikrət Məmmədov və Şuranın üzvləri Namiq Cəfərov barəsində ədalətli qərar çıxaracaq.

Məsələ ilə bağlı Namiq Cəfərovun özünün mövqeyini öyrənməyə çalışsaq da bu cəhdimiz baş tutmadı.

Mövzuya qayıdacağıq.

Nəqliyyat vasitələri sürücülərinin hazırlanması və onların ixtisasının artırılması kursları haqqında əsasnamənin və Nəqliyyat vasitəsini idarə etmək hüququ verən sürücülük vəsiqəsi almaq istəyən şəxslərdən imtahanların qəbul edilməsi və onlara sürücülük vəsiqəsinin verilməsi qaydaları haqqında əsasnaməyə dəyişiklik edilib.

Bu barədə qərarı baş nazir Novruz Məmmədov imzalayıb.

Qərara əsasən sürücülük vəsiqəsi üzrə A1, B1, C1, D1, C1E, D1E altkateqoriyaları yaradılıb.

Bununla yanaşı, “A”, “B” və “C” kateqoriyaları, “B1” və “C1” altkateqoriyaları üzrə – 18 yaşdan, “BE” kateqoriyası və “C1E” altkateqoriyası üzrə – 19 yaşdan, “CE” kateqoriyası üzrə – 21 yaşdan; “D” kateqoriyası, tramvaylar, trolleybuslar və “D1” altkateqoriyası üzrə – 23 yaşdan, “D1E” altkateqoriyası üzrə – 25 yaşdan veriləcək.

“C1” – “D” kateqoriyasına və “D1” altkateqoriyasına aid edilməyən, icazə verilən maksimum kütləsi 3.500 kq-dan artıq, lakin 7.500 kq-dan çox olmayan avtomobilləri, habelə qoşqusunun icazə verilən maksimum kütləsi 750 kq-dan artıq olmayan “C1” altkateqoriyasından olan avtomobilləri idarə etmək üçün, “D1” – sərnişin daşınması üçün nəzərdə tutulan və oturacaq yerlərinin sayı sürücü oturacağından əlavə, 8-dən artıq, lakin 16-dan çox olmayan avtomobilləri, habelə qoşqusunun icazə verilən maksimum kütləsi 750 kq-dan artıq olmayan “D1” altkateqoriyasından olan avtomobilləri idarə etmək üçün, “C1E” – qoşqusunun icazə verilən maksimum kütləsi 750 kq-dan artıq, lakin avtomobilin yüksüz kütləsindən çox olmayan və bütövlükdə belə tərkibin icazə verilən maksimum kütləsi 12.000 kq-dan artıq olmayan “C1” altkateqoriyasından olan avtomobilləri idarə etmək üçün, “D1E” – sərnişin daşınması üçün nəzərdə tutulmayan, qoşqusunun icazə verilən maksimum kütləsi 750 kq-dan artıq olan, lakin avtomobilin yüksüz kütləsindən çox olmayan və bütövlükdə belə tərkibin icazə verilən maksimum kütləsi 12.000 kq-dan artıq olmayan “D1” altkateqoriyasından olan avtomobilləri idarə etmək üçün nəzərdə tutulur.

Azərbaycan ərazisindəki yollarda nəqliyyat vasitələrini idarə etmək hüququ aşağıdakı yaşlardan yaranır:

1. velosipedi və ya arabanı idarəetmə hüququ – 14 yaşdan;

2. asma mühərrikli velosipedi, mopedi və “A1” altkateqoriyasına daxil olan nəqliyyat vasitələrini idarəetmə hüququ – 16 yaşdan;

3. “A”, “B”, “C” kateqoriyalarına, “B1” və “C1” altkateqoriyalarına daxil olan nəqliyyat vasitələrini idarəetmə hüququ -18 yaşdan;

4. “BE” kateqoriyasına və “C1E” altkateqoriyasına daxil olan nəqliyyat vasitələrini idarəetmə hüququ – 19 yaşdan (müvafiq olaraq “B” və ya “C” kateqoriyasına (o cümlədən, “C1” altkateqoriyasına) daxil olan nəqliyyat vasitələrini idarə etmək sahəsində təcrübə bir ildən az olmamaq şərtilə);

5. “CE” kateqoriyasına daxil olan nəqliyyat vasitələrini idarəetmə hüququ – 21 yaşdan (“C” kateqoriyasına daxil olan nəqliyyat vasitələrini idarə etmək sahəsində təcrübə üç ildən az olmamaq şərtilə);

6. “D” kateqoriyasına daxil olan nəqliyyat vasitələrini, tramvayları və trolleybusları və “D1” altkateqoriyasına daxil olan nəqliyyat vasitələrini idarəetmə hüququ – 23 yaşdan (65 yaşadək, habelə “B”, “C” və ya “C1” kateqoriyalarına daxil olan nəqliyyat vasitələrini idarə etmək sahəsində təcrübə beş ildən az olmamaq şərtilə);

7. “D1E” altkateqoriyasına daxil olan nəqliyyat vasitələrini idarəetmə hüququ – 25 yaşdan (65 yaşadək, habelə “D” kateqoriyasına və ya “D1” altkateqoriyasına daxil olan nəqliyyat vasitələrini idarə etmək sahəsində təcrübə iki ildən az olmamaq şərtilə);

8. “DE” kateqoriyasına daxil olan nəqliyyat vasitələrini idarəetmə hüququ – 26 yaşdan (65 yaşadək, habelə “D” kateqoriyasına daxil olan nəqliyyat vasitələrini idarə etmək sahəsində təcrübə üç ildən az olmamaq şərtilə).

Qərar 2019-cu il yanvarın 1-dən qüvvəyə minir.//oxu.az

Bu gün Masazır qəsəbəsinin sakinlərinə elektrik enerjisinin verilməsində məhdudiyyət yaranacaq.

Xırdalan ETSİ-nin xidməti ərazisinə daxil olan Masazır qəsəbəsində yenidənqurma və elektrik enerjisinin dayanıqlığı məqsədilə aparılan təmir işləri ilə əlaqədar 23-24 noyabr 2018-ci il tarixlərində günün müəyyən saatlarında elektrik enerjisinin verilişində qısamüddətli fasilələr yaranacaq.

Yaranmış narahatçılığa görə “Azərişıq” ASC istehlakçılardan üzr istəyir.

Noyabrın 23-də, gün ərzində Şirvan şəhərində içməli suyun verilişi məhdudlaşdırılacaq.

Bu barədə oxu.az-a “Azərsu” ASC-dən məlumat verilib.

Bildirilir ki, magistral su kəmərində təmir-bərpa işlərinin aparılması ilə əlaqədar Şirvan şəhərinin bir hissəsinə (Təzə şəhər və bağ massivi ərazilərinə) içməli suyun verilməsində məhdudiyyətlər olacaq.