Month: July 2020

Tibbi Ərazi Bölmələrini İdarəetmə Birliyi (TƏBİB) Azərbaycanda koronavirusla bağlı iyulun 1-nə olan statistik göstəriciləri açıqlayıb.

Məlumata əsasən bu gün ölkədə 7831 nəfər aktiv koronavirus xəstəsi var.

Onlardan 202 nəfər reanimasiyada, 45 nəfər isə süni tənəffüs cihazındadır.

Qeyd olunub ki, bu gün 6682 test edilib. Yeni yoluxma hallarının müəyyənləşdirilməsi ilə əlaqədar ümumilikdə 488 852 test aparılıb.

Xatırladaq ki, bu gün Azərbaycanda daha 588 nəfər koronavirusa yoluxub, 346 nəfər sağalıb, 7 nəfər isə vəfat edib.

Əməkdar artist Mehriban Xanlarova sosial media hesabında Türkiyədə itkin düşüb, iki sonra cəsədi tapılan yeddi yaşlı İkranur Tırsi ilə bağlı paylaşım edib.

Aktrisa paylaşımında gender bərabərsizliyi məsələlərinə toxunub:

“Yeddi yaşlı uşaqdan insan nə istəyə bilər? Hər zaman çıxışlarımda demişəm və yenə də deyirəm: Uşaqlara qarşı törədilən cinayətlərin və təcavüz hadisələrinin qarşısını almaq üçün bütün dünya mütləq edam cəzasını qəbul etməlidir. Başqa yolu yoxdur. Vicdanı olan susmasın!

Həyatda heç kim bilmir ki, özünün və ailəsinin başına hansı hadisə gələ bilər. Bu mövzu çox ciddi və həssasdır. Hər birimizin evində, ailəsində qız övladı böyüyür. Artıq bu cür hadisələr dünyada elə bir həddə gəlib çatıb ki, insanlar qız övladı sahibi olmaq istəmir. Deyir ki, gələcəkdə hansısa şərəfsizin qurbanı olmasın. Dövlət səviyyəsində lazımı addımlar atılmalıdır. Cinayətkara 5-10 il həbs cəzası verməklə heç nə dəyişilməyəcək. Şəxsən mən edam cəzasının qüvvəyə minməsini istəyirəm”

Lavandanın çiçəyindən və gövdəsindən alınan yağın bir qramı dünya bazarında 150 avroya təklif edilir.

Kənd Təsərrüfatı Nazirliyinin Goranboyda yerləşən Heyvandarlıq Elmi Tədqiqat İnstutunun nəzdində fəaliyyət göstərən arıçılıq mərkəzində qiymətli lavanda bitkisindən üç hektar əkilib. Xüsusi qulluq göstərilən lavanda hazırda çiçəklənmə dövründədir.

Mərkəzdə becərilən bitkidən arılar bol nektar götürür. Bundan sonrakı mərhələdə isə lavanda sahədən əl əməyi ilə toplanaraq qurudulur. Bahalı bitkinin qurusu qablaşdırlır, həmçinin ondan su və yağ hazırlanır.

Goranboyda ilk dəfə becərilən lavanda bitkisinin gələcəkdə daha geniş ərazidə yetişdirilməsi planlaşdırlır. Həmçinin, bitkidən alınan lavanda suyu və yağının satışının da genişləndirilməsi nəzərdə tutulur.

Paytaxtın Səbail rayonunda COVID-19 infeksiyasına yoluxmuş xəstə müəyyən olunaraq saxlanılıb.

Bakı şəhər Baş Polis İdarəsindən Oxu.Az-a daxil olan məlumatda belə deyilir.

Bildirilir ki, Səbail RPİ əməkdaşları tərəfindən keçirilən müvafiq tədbirlərlə Bibiheybət qəsəbə sakini 1994-cü il təvəllüdlü Həmid Məmmədzadəyə COVID-19 infeksiyası testinin pozitiv nəticəsinə görə ev şəraitində müalicə təyin edilib.

Təyin edilən qaydalara baxmayaraq, o, yaşayış yerini tərk edərək, vətəndaşların intensiv hərəkət etdiyi mağazalardan birindən aşkar olunaraq, aidiyyəti üzrə müvafiq ünvana yerləşdirilib.

Qeyd olunan hərəkətlərdə epidemiya əleyhinə rejimin, sanitariya-gigiyena və ya karantin rejimlərinin pozulmasının tərkib əlamətləri olduğundan fakta görə Cinayət Məcəlləsinin 139-1-ci (Epidemiya əleyhinə rejimin, sanitariya-gigiyena və ya karantin rejimlərinin pozulması) maddəsi ilə cinayət işi başlanıb. Hazırda iş üzrə istintaq hərəkətləri davam etdirilir.

Bu il koronavirus səbəbindən Həcc ziyarəti ləğv olunduğuna görə Həcc ziyarəti üçün ödəniş edənlərin bir hissəsinin vəsaiti artıq özünə qaytarılıb.

Bu barədə Trend-ə Qafqaz Müsəlmanları İdarəsindən məlumat verilib.

Bildirilib ki, artıq 20 nəfərə yaxın insan öz vəsaitini geri götürüb. Digər şəxslərin də vəsaitlərinin qaytarılması prosesi davam etdirilir və bütün vəsaitlər tam olaraq geri ödəniləcək.

Bu il Həcc ziyarətinin ləğv olunması ilə bağlı Səudiyyə Ərəbistanından rəsmi bildiriş gəlib. Bu səbəbdən Azərbaycandan Həcc ziyarətinə sənəd qəbulu da ləğv edilib.

Bu il 250-ə qədər şəxs Həcc ziyarətinə getmək üçün müraciət etmişdi və onlardan 150 nəfərə qədəri ödənişi etmişdi.

Qeyd edək ki, martın 24-dən Həcc ziyarətinə sənəd qəbul edilmir.

Ümumilikdə isə Həcc ziyarətinə sənəd qəbulu yanvarın 27-dən martın 24-ə qədər davam edib.

Ziyarətin qiyməti 4 490 dollardır. Ötən il isə bu məbləğ 4 285 dollar olub. Builki qiymət artımı hotel xidmətlərinin bahalaşması və viza rüsumunun tətbiq edilməsi ilə bağlı idi.

Bu gün Azərbaycan Respublikasının Prezidenti İlham Əliyevin tapşırığına əsasən, Baş Nazir Əli Əsədovun sədrliyi ilə Operativ Qərargahın geniştərkibli Respublika videomüşavirəsi keçirilib.

Nazirlər Kabinetindən verilən məlumata görə, müşavirədə Azərbaycan Respublikası Prezidentinin köməkçisi Zeynal Nağdəliyev, Daxili İşlər naziri Vilayət Eyvazov, Dövlət Təhlükəsizliyi Xidmətinin rəisi Əli Nağıyev, Baş Prokuror Kamran Əliyev və 77 şəhər və rayonların İcra hakimiyyəti başçıları, prokurorları, daxili işlər və dövlət təhlükəsizliyi şöbələrinin rəisləri iştirak ediblər.

Müşavirə zamanı sərtləşdirilmiş xüsusi karantin rejimi tətbiq edilməyən bölgələrdəki epidemioloji vəziyyət müzakirə olunub, karantin qaydalarının icra vəziyyəti qiymətləndirilib. Əhali tərəfindən sanitariya-epidemioloji qaydalara riayət edilməsi üçün nəzarətin gücləndirilməsinə ehtiyac olduğu bildirilmişdir.

Baş Nazir karantin rejiminin yumşaldılması nəticəsində bir sıra şəhər və rayonlarda pozuntuların artmasının müşahidə olunduğunu qeyd edib.

Baş Nazir rayonlardakı vəziyyətlə bağlı dəqiq statistikanın aparılmasının, yoluxmanın daha çox qeydə alındığı yerlərə nəzarətin, dezinfeksiya və koronavirus xəstələri üçün ayrılmış xəstəxanalarda utilizasiya işlərinin gücləndirilməsinin vacibliyini vurğulayıb.

Baş Nazir rayon və şəhər rəhbərləri qarşısında tapşırıqların vaxtında və qüsursuz icra olunması tələbini qoymuşdur. 

Azərbaycanda 346 nəfər yeni növ koronavirusdan müalicə olunaraq sağalıb və evə buraxılıb.

Bu barədə Nazirlər Kabineti yanında Operativ Qərargahdan məlumat verilib.

Hazırkı dövrədək ölkədə 18 112 nəfərin koronavirus infeksiyasına yoluxması faktı müəyyən edilib, onlardan 10 061 nəfər müalicə olunaraq sağalıb.