Month: August 2024

“Turizmdə maraqlı tərəflər “hər şey daxil” sistemindən şikayətlənsələr də, iş düyməyə basmağa gələndə kimsə addım atmır”.

Median.Az-ın “Hürriyet”ə istinadən xəbərinə görə, bu barədə Türkiyə Aralıq Dənizi Turistik Hotelçilər və Sahibkarlar Dərnəyinin İdarə Heyətinin üzvü, “Cornelia Diamond Golf Resort&SPA” hotelinin baş direktoru Zafer Alkaya nəşrə müsahibəsində danışıb.

Onun sözlərinə görə, bir zamanlar “hər şey daxil”dən qazanc əldə edən Türkiyə artıq yeni imkanlar barədə düşünməlidir.

“Bu sistem illər əvvəl inkişaf və sıçrayış mərhələsində olan turizm hərəkatımız üçün çox əhəmiyyətli bir çıxış yolu oldu. Bu sahədə əldə etdiyimiz uğurlu nəticələr, təbii ki, danılmazdır. Amma illər sonra içindən keçdiyimiz bu yeni proseslərdə bu məsələ masaya yatırılaraq yenidən müzakirə edilməlidir. Bütünlüklə bu sistem üzərində israr etmək isə gələcəkdə yeni problemlərlə qarşılaşmağımıza səbəb ola bilər.

Nəticədə “hər şey daxil” sistemi artıq bir tabu kimi qəbul edilməməlidir.

Digər tərəfdən, sektorumuzla bağlı başqa mühüm bir reallıq odur ki, turistləri qəbul etdiyimiz bazarlar baxımından çeşidimizi genişləndirməliyik. Həmişə tanıdığımız və vərdiş etdiyimiz üsullarla irəliləməyə çalışmaqdan qəti şəkildə imtina etməliyik”, – deyə Zafer Alkaya qeyd edib.

“Turizm işində maraqlı olan kiminlə danışsanız, illərdir “hər şey daxil” sistemindən şikayətlənir. Hotel sahibi, vətəndaş cəmiyyəti qurumları, agentliklər, kiçik biznes sahibləri, bələdiyyə sədrləri, siyasətçilər, hətta nazirlər belə… İş düyməni basmağa gələndə isə ətraf birdən-birə boşalır. Bir zamanlar “hər şey daxil”dən qazanc əldə edən Türkiyə artıq yeni imkanları nəzərdən keçirməlidir. Üstəlik, bəlkə də bunun vaxtıdır… Niyə? Çünki bu il turizm obyektlərinin doluluq dərəcələrində problem var”, – deyə o əlavə edib.
//oxu.az

Türkiyənin Diyarbəkir vilayətinin Kulp rayonunda qalmaqallı hadisə baş verib.

Məsciddə imam olaraq çalışan H.A.-nın evdar qadın olan arvadını başqa bir məscidin imamı Şanlıurfaya qaçırıb.

Bu barədə Median.Az “Sondakika.com”a istinadən məlumat verir.

Məlumata görə, hadisə bölgədə böyük əks-səda doğurub. Həmçinin qadının ailəsi qızlarını qaçıran imamın öldürülməsini istəyib.

“Qızımızı da, qaçıranı da güllələyəcəksən”, – deyə qadının ailəsi onun əri olan imamdan tələb edib.

İşə bölgənin nüfuzlu şəxsləri qarışıblar və bundan sonra vəziyyət hələlik sakitləşib.

Lakin məhəllə muxtarı Zeynel Şeker arvadı qaçırılan imamın nüfuzuna xələl gəldiyini və qadının pis nümunə olduğunu, bu səbəbdən də onun bu məhəllədə işləməyə davam etməsinin məqbul olmadığını bildirib və vəzifəsindən getməsi üçün müftiliyə müraciət edəcəklərini deyib.

“İmam H.A.-nın məhəlləmizdə işləməyə davam etmək kimi bir ehtimalı yoxdur. O, yaxşı insan idi. Çox da sevirdik. İmamın arvadı məhəlləmizə pis nümunə oldu. İmamımız olduqca kədərlidir, öz kəndinə getdi, amma qayıtdı. Etibarı zədələnib. İmamın bir günahı yoxdur. Lakin biz müftiliyə müraciət edəcəyik ki, bizim məhəllədə işləməsin. Bu belə olmalıdır”, – deyə muxtar qeyd edib.
//oxu.az

Türkiyənin Aralıq dənizi sahilində yerləşən vilayətində 4,6 maqnitudalı zəlzələ qeydə alınıb.

Bu barədə ölkənin Fəlakət və Fövqəladə Halların İdarə Olunması İdarəsi (AFAD) məlumat yayıb.

Bildirilir ki, yeraltı təkanlar Adananın Kozan yaşayış məntəqəsində yerli vaxtla 05:32-də qeydə alınıb.

Zəlzələ 7 km dərinlikdə baş verib.

İtki və dağıntılar barədə məlumat yoxdur.

Türkiyənin nəqliyyat və infrastruktur naziri Abdulkadir Uraloğlu “Instagram” sosial media platformasının açılıb-açılmayacağı ilə bağlı yeni təfərrüatdan danışıb.

Bu barədə Median.Az “Sondakika”ya istinadən bildirir.

Uraloğlu açıqlamasında məsələ ilə bağlı ciddi irəliləyiş əldə olunduğunu, tələblər yerinə yetirildikdən sonra girişin təmin ediləcəyini deyib. Nazirin bu sözləri insanlar tərəfindən gurultulu alqışlarla qarşılanıb.

Qeyd edək ki, daha əvvəl Türkiyə Prezidenti Administrasiyasının Kommunikasiya İdarəsinin rəhbəri Fahrettin Altun HƏMAS Siyasi Bürosunun rəhbəri İsmayıl Haniyənin Tehranda öldürülməsindən sonra paylaşılan başsağlığı mesajlarının “Instagram” tərəfindən senzuraya məruz qaldığını bildirmişdi. Altunun açıqlamasından bir neçə dəqiqə sonra isə İnformasiya Texnologiyaları və Rabitə İdarəsi avqustun 2-dən etibarən milyardlarla üzvü olan məşhur “Instagram”a girişi bloklamışdı.

“Tam olaraq istədiyimiz nəticəni ala bilməmişik, izləyirik və fəal şəkildə danışıqlar aparırıq”, – deyə Abdulkadir Uraloğlu “Instagram” rəsmiləri ilə baş tutan iclasdan sonra açıqlama verib. Onun sözlərinə görə, META şirkəti müdafiəsində ABŞ-nin HƏMAS-ı terror təşkilatı olaraq qəbul etdiyini və paylaşımların alqoritmlər tərəfindən bloklandığı ifadə edib.

“Instagram”a girişi niyə dayandırdıq? Kataloq cinayətləri ilə bağlı istədiyimiz addımları atmadılar. İki görüş keçirildi. Qarşı tərəfə həssas olduğumuz məqamları izah etdik. Burada bir məqamı diqqətdənkənar qoymamalıyıq, bir şirkət düşünün, onun qanunları olduğu kimi, bizim ölkənin də öz qanunları var. Bizim bəzi tələblərimizə “Şirkətimizin qanunları var” deyirlər. Amma siz bu ölkədə fəaliyyət göstərirsiniz. Bu ölkənin qanunları yoxdurmu? Əlbəttə, var. Siz də bunlara əməl etmək məcburiyyətindəsiniz. Hətta İsmayıl Haniyə ilə bağlı başsağlığı yazılarına belə icazə verilmir. Lakin ciddi irəliləyiş əldə etmişik. Tələblər yerinə yetirildikdə maneə aradan qaldırılacaq. Düşünürəm ki, çox keçmədən bizim həssaslığımızı nəzərə alacaqlar”, – deyə Uraloğlu bildirib.