Median.Az

Month: March 2026

  • Xameneinin ailəsində növbəti itki: Həyat yoldaşı da öldü

    İranın Ali Lideri Əli Xameneinin həyat yoldaşı Mənsurə Xocəstə zərbələrdən aldığı yaralar nəticəsində həyatını itirib.

    Bu barədə İranın “Al-Alam” telekanalı məlumat verib.

    Məlumata görə, o, Xameneinin və bir neçə ailə üzvünün ölümünə səbəb olan ABŞ-İsrail birgə hava hücumu zamanı ali lider ilə birlikdə iqamətgahda olub.

    Xatırladaq ki, Əli Xamenei fevralın 28-də səhər öldürülüb, lakin İran bu xəbəri yalnız ertəsi gün təsdiqləyib.

    Qeyd edək ki, daha əvvəl həmçinin Əli Xameneinin qızının, kürəkəninin, gəlininin və nəvəsinin də İran paytaxtına endirilən raket zərbələri zamanı öldükləri bildirilmişdi.

  • Sahibkar mağazasında ÖLÜ TAPILDI

    Abşeronda mağazadan meyit tapılıb.

    Median.Az Lent.az-a istinadən xəbər verir ki, hadisə rayonun Novxanı kəndində qeydə alınıb.

    Kənd sakini, 1962-ci il təvəllüdlü İsrail Əli oğlu Əliyevin üzərində zorakılıq əlamətləri görünməyən meyiti özünə məxsus mağazada aşkar edilib.

    Ölümün səbəbi hələlik məlum deyil.

    Faktla bağlı rayon Prokurorluğunda araşdırma aparılır.

  • Türkiyəli məşhurlar Dubaydan qayıda bilmirlər

    Türkiyənin məşhur aktyorları İlker Ayrık və Şevket Çoruh BƏƏ-nin Dubay şəhərindən çıxa bilmirlər.

    Bu barədə Median.Az məşhur aktyorların paylaşımlarına əsasən xəbər verir.

    İlker Ayrık paylaşımında yazıb:

    “Fevralın 27-də Dubaya “Bir Ata Hamlet” tamaşası üçün gəldik. Bu gün qayıtmağı planlaşdırırdıq. Lakin hamınızın bildiyiniz səbəblərə görə geri qayıda bilmirik. Ailəm də yanımdadır. Uşaqların bəzi dərsləri yoxdur. Ümid edirəm ki, müəllimləri inciməzlər. Zəng edən, soruşan və narahat olan hər kəsə çox təşəkkür edirəm. Hamımız sağ-salamatıq. Ümid edirəm ki, tezliklə qayıdacağıq”.

    Bundan başqa türkiyəli model İvana Sert də Dubayda qalan məşhurlar sırasındadır. O, hadisənin başladığı gün oğlu ilə birlikdə İstanbula qayıtmalı olduqlarını, lakin atılan raketlər səbəbindən uçuşların ləğv edildiyini açıqlayıb:

    “Qeyri-adi günlər yaşayırıq. Həyəcan siqnalları daim çalınır. Bu qorxuludur. Ən qısa müddətdə Türkiyəyə gəlmək istəyirik”.

  • Son bir neçə gündə Azərbaycan üzərindən əlavə 150-dən çox tranzit uçuş olub

    Yaxın Şərqdə tətbiq olunan müvəqqəti hava məkanı məhdudiyyətləri nəticəsində bir sıra qlobal aviadaşıyıcılar marşrutlarını yenidən planlaşdıraraq Azərbaycan üzərindən uçuş tezliyini yüksəldib.

    Median.Az “Report”a istinadla xəbər verir ki, xüsusilə son bir neçə gün ərzində ölkə üzərindən əlavə 150-dən çox tranzit uçuş həyata keçirilib.

    Hazırda Azərbaycan qlobal aviasiya sistemində əlverişli coğrafi mövqeyi ilə yanaşı, formalaşdırdığı müasir aeronaviqasiya infrastrukturu və idarəetmə potensialı ilə seçilir. Avropa – Asiya və Şimal – Cənub nəqliyyat axınlarının kəsişməsində yerləşən ölkə regional və qitələrarası uçuşlar üçün etibarlı hava körpüsü funksiyasını yerinə yetirir.

    “Azəraeronaviqasiya” Hava Hərəkəti İdarəsi (AZANS) Beynəlxalq Mülki Aviasiya Təşkilatının (ICAO) Qlobal Hava Naviqasiya Planına (GANP), eləcə də regional və Avropa proqramlarına uyğun olaraq hava hərəkətinin təhlükəsiz və səmərəli təşkili, müasir Hava Hərəkətinin İdarə Edilməsi (ATM) texnologiyalarının tətbiqi və rəqəmsal transformasiya istiqamətində ardıcıl inkişaf strategiyası reallaşdırır.

    Bu gün Azərbaycanın hava məkanından mütəmadi olaraq 200-dən artıq beynəlxalq aviadaşıyıcı müxtəlif istiqamətlər üzrə istifadə edir. 30-a yaxın aviadaşıyıcı uçuş marşrutlarını yenidən konfiqurasiya edərək Azərbaycan hava məkanına üstünlük verib. Onların sırasında “Aerologic”, “Air Arabia”, “Air Atlanta Europe”, “Air Cairo”, “Air France”, “ASL Airlines Belgium”, “Austrian Airlines”, “British Airways”, “DHL Air”, “Edelweiss Air”, “European Cargo”, “FlyDubai”, “GullivAir”, “ITA Airways”, KLM, “Polish Airlines”, “Lufthansa”, “Malaysia Airlines”, “My Freighter”, “Pegasus Airlines”, “Qantas”, “Singapore Airlines”, “SriLankan Airlines”, “Swiss International Air Lines”, “TUI Airways”, “Turkish Airlines”, “Utair”, “Uzbekistan Airways”, “Vietnam Airlines” və “Virgin Atlantic” yer alır.

    AZANS beynəlxalq standart və tövsiyələrə uyğun olaraq hava məkanının buraxıcılıq qabiliyyətinin artırılması, əməliyyat dayanıqlılığının gücləndirilməsi və artan trafik həcminin təhlükəsiz şəkildə qarşılanması istiqamətində fəaliyyətini davam etdirir.

  • Qəzaya uğrayan AZAL təyyarəsi ilə bağlı kompleks addımlar atılacaq

    Azərbaycan və Rusiya 2024-cü il dekabrın 25-də “AZAL” təyyarəsinin qəzaya uğraması nəticəsində yaranan problemlərin həlli üzrə yaxın vaxtlarda kompleks praktik addımlar atacaq.

    Bu barədə Prezident İlham Əliyevin Rusiya Hökuməti Sədrinin müavini, Hökumətlərarası Komissiyanın həmsədri Aleksey Overçuku qəbulunda bildirilib.

    Qeyd olunub ki, addımlar Azərbaycan və Rusiya liderlərinin 2025-ci il oktyabrın 9-da Düşənbədə keçirilən görüşündə əldə etdikləri razılaşmalara uyğun olaraq atılacaq.

  • Иордания частично закрывает свое воздушное пространство

    Власти Иордании приняли решение из-за обострения ситуации в регионе ежедневно закрывать свое воздушное пространство с 18:00 до 09:00 по местному времени (с 19:00 до 10:00 по бакинскому времени – ред.). Ограничения для всех воздушных судов вводятся с сегодняшнего вечера, сообщил представитель гражданской авиации.

    “Это решение будет действовать с сегодняшнего вечера до дальнейшего уведомления в целях обеспечения безопасности гражданской авиации в воздушном пространстве Иордании”, – приводит его заявление агентство Petra.

    Напомним, 28 февраля министр обороны Израиля Исраэль Кац заявил, что Армия обороны страны нанесла превентивный удар по Ирану. Название операции – “Рычание льва”. Обе страны закрыли свое воздушное пространство. Позже президент США Дональд Трамп заявил, что Соединенные Штаты также принимают участие в военной операции против Ирана. Как сообщил Пентагон, операция США против Ирана получила название “Эпическая ярость”. Иран, в свою очередь, запустил десятки баллистических ракет по Израилю. ЦАХАЛ подтвердил пуски, по всей стране звучат сирены, работают системы ПВО.

    Также Иран нанес удары по американским базам по всему Ближнему Востоку – в Катаре, ОАЭ, Бахрейне, Ираке, Саудовской Аравии и Иордании. Иран назвал свою операцию “Правдивое обещание 4”.

  • İordaniya səmasında uçuşlar müvəqqəti dayandırılıb

    Yaxın Şərqdə müşahidə olunan eskalasiya səbəbindən İordaniya hökuməti hava məkanının fəaliyyətini məhdudlaşdırmaq barədə qərar qəbul edib. Qadağa hər gün yerli vaxtla saat 18:00-dan 09:00-a qədər (Bakı vaxtı ilə 19:00-10:00) tətbiq ediləcək.

    Bu barədə “Petra” agentliyi məlumat yayıb.

    Məhdudiyyətlə bağlı qərar bu axşamdan qüvvəyə minir və növbəti göstərişə qədər bütün hava gəmilərinə aid ediləcək.

    Fevralın 28-də İsrailin müdafiə naziri İsrael Kats bəyan edib ki, ölkənin Müdafiə Qüvvələri İrana qarşı “Aslanın nərəsi” adlı əməliyyata başlayaraq qabaqlayıcı zərbələr endirib. Bu hadisədən dərhal sonra tərəflər öz hava məkanlarını uçuşlar üçün bağlayıblar. Qonşu ölkələr də hava məkanlarını bağladıqlarını bildiriblər.

  • Bakıda bu “Mall” bağlanır

    Bakı şəhəri, Yasamal rayonu ərazisində yerləşən “Mall”lardan biri bağlanır.
     
    Median.Az Milli.Az-a istinadən xəbər verir ki, Yasamal rayonunda, “Yeni Yasamal” kimi tanınan ərazidə yerləşən “Yasamal Mall” bağlanır.
     
    Tezliklə sözügedən ticarət mərkəzinin yerləşdiyi obyektdə supermarket şəbəkələrindən birinin açılması nəzərdə tutulur.

  • İsrail ordusu “Hizbullah”ın kəşfiyyat rəisini öldürdü

    İsrailin Beyruta hücumu nəticəsində “Hizbullah” hərəkatının hərbi qanadının kəşfiyyat rəisi Hüseyn Makled həlak olub.

    Bu barədə İsrail Müdafiə Qüvvələri (SAXAL) məlumat yayıb.

    Daha əvvəl Livan hökuməti “Hizbullah”ın ölkə daxilində silahlı fəaliyyətinə qadağa qoyulduğunu açıqlayıb.

    Qeyd edək ki, bu gün İsrail ordusu Livana qarşı yeni hücumlara başlayıb.

  • Azərbaycan Prezidenti Rusiya hökuməti sədrinin müavinini qəbul edib

    Azərbaycan Respublikasının Prezidenti İlham Əliyev martın 2-də Rusiya Federasiyası hökuməti sədrinin müavini, Hökumətlərarası Komissiyanın həmsədri Aleksey Overçuku qəbul edib.

    Median.Az AZƏRTAC-a istinadən xəbər verir ki, görüş əsnasında Rusiya tərəfi regionda mürəkkəb və gərgin şərait fonunda Rusiya vətəndaşlarının İran İslam Respublikasından təxliyəsində operativ köməyə görə Azərbaycan rəhbərliyinə səmimi təşəkkürünü bildirib.

    Azərbaycan-Rusiya münasibətlərinin gündəliyi ilə bağlı ətraflı fikir mübadiləsi aparılıb.

    Söhbət zamanı qeyd edilib ki, Azərbaycan və Rusiya liderlərinin 2025-ci il oktyabrın 9-da Düşənbədə keçirilən görüşündə əldə etdikləri razılaşmalara uyğun olaraq, tərəflər 2024-cü il dekabrın 25-də “AZAL” təyyarəsinin qəzaya uğraması nəticəsində yaranan problemlərin həlli üzrə yaxın vaxtlarda kompleks praktik addımlar atacaqlar.

    Azərbaycan ilə Rusiya arasında qarşılıqlı faydalı iqtisadi-ticari, investisiya, sənaye və nəqliyyat-logistika əməkdaşlığının gələcəkdə daha da inkişaf etdirilməsinə dair ortaq niyyətə diqqət yetirilib.

    Görüşdə regionda nəqliyyat əlaqələrinin inkişafı perspektivləri müzakirə edilib.

    “Şimal-Cənub” Beynəlxalq Nəqliyyat Dəhlizinin inkişafı üzrə işləri davam etdirmək üçün ortaq niyyət təsdiqlənib.

    Söhbət əsnasında bir sıra humanitar məsələlər də müzakirə edilib.