Median.Az

Month: March 2026

  • Üzərliklə bağlı daha bir qurumdan – Çağırış

    Dövlət Dəniz və Liman Agentliyi Rusiyanın Xarici İşlər Nazirliyi tərəfindən ölkəmizin Rusiyadakı Səfirliyinə daxil olan notaya əsasən dənizçilərə çağırış edib.

    Median.Az xəbər verir ki, notada harmala (üzərlik) bitkisinin narkotik tərkibli bitkilər siyahısına daxil edildiyi və Rusiya ərazisində nəzarətə götürüldüyü qeyd olunub.

    Həmçinin sözügedən bitkinin qanunsuz dövriyyəsi, saxlanılması və ya qaçaqmalçılığının Rusiya qanunvericiliyinə uyğun olaraq inzibati və cinayət məsuliyyəti daşıdığı da bildirilib.

    Dövlət Dəniz və Liman Agentliyi qeyd olunanları nəzərə alaraq dənizçilərə xarici dövlətlərin, xüsusilə Rusiyanın ərazisinə giriş və çıxış zamanı müvafiq ölkələrin qanunvericiliyinə ciddi riayət etməyi, habelə harmala (üzərlik) bitkisi də daxil olmaqla bir sıra ölkələrdə qadağan edilmiş maddələrin siyahısı ilə əvvəlcədən tanış olmağı, həmin maddələrin istifadəsindən, daşınmasından və saxlanılmasından qəti şəkildə çəkinməyi tövsiyə edib.

  • Bu universitetdə yeni təyinatlar OLDU – FOTO

    Azərbaycan Texnologiya Universitetində yeni təyinatlar olub.

    Elmir Cəfərov Elektron Xidmətlərin Təşkili və İnformasiya Mərkəzinin direktoru, Arzu Əsgərov Keyfiyyətin təminatı şöbəsinin, Abdulla Fərzəlizadə isə Təsərrüfat və təchizat şöbəsinin müdiri vəzifələrinə təyin ediliblər.


    Elmir Saleh oğlu Cəfərov 08.03.1982-ci ildə Gəncə şəhərində anadan olub. 2003-cü ildə Azərbaycan Universitetinin beynəlxalq münasibətlər, 2005-ci ildə Gəncə Dövlət Universitetinin (GDU) Azərbaycanın yeni və ən yeni tarixi ixtisasını bitirib. 2005-2008-ci illərdə GDU-da Vətən tarixi ixtisası üzrə aspirantura təhsili alıb, tarix üzrə fəlsəfə doktorudur. Elmlər doktoru proqramı üzrə 5312.01 “Sahə iqtisadiyyatı” ixtisasında dissertantura təhsili alır.

    2008-2011-ci illərdə Təhsil Respublika İdman Mərkəzinin Gəncə filialında məsləhətçi vəzifəsində əmək fəaliyyətinə başlayıb. 2011-ci ildən Azərbaycan Texnologiya Universitetində baş müəllim, dosent və elmi işlər üzrə dekan müavini vəzifələrində çalışıb. Hazırda İdarəetmə kafedrasının dosentidir.


    Arzu Taryel oğlu Əsgərov 14.08.1996-cı ildə Goranboy rayonunun Xoylu kəndində anadan olub. 2013-cü ildə Azərbaycan Texnologiya Universitetinin dövlət və bələdiyyə idarəetməsi ixtisasının bakalavr, 2019-cu ildə isə regional idarəetmə ixtisasının magistratura səviyyəsini fərqlənmə diplomu ilə bitirib.
     
    Həmçinin, mübadilə proqramı çərçivəsində Türkiyənin Qaradəniz Texniki Universitetində təhsil alaraq “Student Certificate of Attendance”, “Dijital Ekonomi Zirvesi 19” sertifikatlarına layiq görülüb.
     
    2020-ci ildən Azərbaycan Texnologiya Universitetinin İnzibati idarəetmə və kommersiya kafedrasında assistent vəzifəsində fəaliyyətə başlayıb, hazırda baş müəllimdir. 2023-cü ilin yanvar ayında Elektron Xidmətlərin Təşkili və İnformasiya Mərkəzinin direktoru vəzifəsinə təyin edilib.
     

    Abdulla Arif oğlu Fərzəlizadə 15.04.1991-ci il tarixində Zaqatala rayonunda anadan olub. 2013-cü ildə Azərbaycan Dövlət Aqrar Universitetinin dizayn ixtisası üzrə məzunu olub.
     
    2017-2022-ci illərdə Əmlak Məsələləri üzrə Dövlət Komitəsinin Gəncə şəhər 3 saylı Kadastr və Yer Quruluşu Layihə-Tədqiqat Mərkəzində VII dərəcəli mühəndis vəzifəsində çalışıb. 2022-ci ildən əmək fəaliyyətini Azərbaycan Texnologiya Universitetində Təchizat şöbəsinin müdiri, daha sonra Təsərrüfat və təchizat şöbəsinin müdir müavini vəzifəsində davam etdirib.

  • Türkiyədə zəlzələ oldu

    Türkiyədə zəlzələ olub.
     
    Median.Az xəbər verir ki, zəlzələ Malatya bölgəsində baş verib.
     
    Yerli vaxtla 17:52-də baş verən zəlzələnin maqnitudası 4.3 olub.
     
    Yeraltı təkan 8.94 km dərinlikdə baş verib.

  • İran raketlərlə bağlı yenilik tətbiq etdi

    İran raketlərdə partlayıcı olan yeni döyüş başlıqlarından istifadə edib.
     
    Median.Az xəbər verir ki, bu barədə “Tasnim” agentliyi məlumat yayıb.
     
    Məlumata görə, İran raketlərinin döyüş başlıqlarındakı partlayıcı maddənin növü dəyişib. İndi 500 kiloqram ağırlığında olan döyüş başlığı əvvəlki bir tonluq döyüş başlıqlarına bərabərdir.
     
    Buna görə də İranın son günlərdəki hücumlarının həm həcminə, həm də keyfiyyətinə görə 12 günlük müharibədən fərqləndiyi vurğulanıb./publika

  • “TikTok”da açıq-saçıq videosunu paylaşan QIZ HƏBS EDİLDİ

    Qubada çəkdirdiyi açıq-saçıq görüntülərlə bağlı 27 yaşlı tiktoker xanım  polis tərəfindən saxlanılıb. Daha sonra isə məhkəmənin qərarı ilə inzibati qaydada həbs olunub.
     
    Median.Az xəbər verir ki, 1999-cu ildə Bərdə rayonunda anadan olmuş Aysun Bayramova barəsində İnzibati Xətalar Məcəlləsinin 510.2-ci maddəsi ilə (internet resurslarında yayılması qadağan edilən informasiyanın yerləşdirilməsi) protokol tərtib edilib.
     
    İşə məhkəmədə baxılıb. Məlum olub ki, Aysun Bayramova açıq-saçıq geyimdə olan görüntüləri 2024-cü ildə Quba rayonunda çəkib. Digər açıq görüntüləri isə “TikTok” platformasında paylaşmayıb, yalnız həmin proqram vasitəsilə çəkərək münasibətdə olduğu şəxsə göndərmək məqsədilə hazırlayıb.
     
    Onun əvvəllər məhkum olunmadığı bildirilib. A.Bayramova məhkəmədən bu halların nəzərə alınmasını və bir daha belə hərəkətlərə yol verməyəcəyini qeyd edib.
     
    Məhkəmənin qərarı ilə, o, İnzibati Xətalar Məcəlləsinin 510.2-ci maddəsi üzrə təqsirli bilinərək 15 sutka müddətinə inzibati həbs edilib. (Qaynarinfo)

  • Qazax idman paytaxtı seçildi: Şəhər bu statusa nə dərəcədə hazırdır?

    Baku TV-nin “İdmanda nə baş verir?” podkastının yeni buraxılışında Qazaxın idman paytaxtı elan olunması məsələsi ətrafında geniş müzakirə aparılıb.

    Qazax niyə idman paytaxtı seçildi?

    Şəhər bu statusa nə dərəcədə hazırdır?

    Qazaxda hansı idman yarışlarının keçirilməsi daha məqsədəuyğundur?

    Quba və Qəbələ idman paytaxtı seçildikdən sonra həmin şəhərlərdə hansı real dəyişikliklər baş verdi?

    İdman jurnalisti Elmar Rza proqramda bu və digər suallara aydınlıq gətirib.

  • Испания запретила США использовать свои военные базы для атаки на Иран

    Испания запретила использовать свои военные базы для атаки на Иран, а также выслала танкеры Военно-воздушных сил США.

    Об этом сообщает El Pais.

    В публикации отмечается, что Мадрид отказался поддерживать военные действия США и Израиля против Ирана.

    Также Испания дистанцировалась от позиции Франции, Германии и Великобритании, которые выразили готовность предпринять “соразмерные наступательные действия” в ответ на нападение Тегерана на страны Персидского залива и Кипр.

    По словам министра иностранных дел страны Хосе Мануэля Альбареса, голос Европы должен быть голосом баланса и умеренности, который направлен на деэскалацию и возвращение к переговорам.

  • İspaniya ABŞ-yə hərbi bazalarından istifadə etməyə qadağa qoyub

    İspaniya ABŞ Prezidenti Donald Trampa İrana hücum etmək üçün öz hərbi bazalarından istifadə etməyi qadağan edib, həmçinin ABŞ Hərbi Hava Qüvvələrinin tankerlərini ölkədən çıxarıb.

    Median.Az bu barədə “El Pais” nəşrinə istinadən xəbər verir.

    Nəşrdə qeyd olunur ki, Madrid ABŞ və İsrailin İrana qarşı hərbi əməliyyatlarını dəstəkləməkdən imtina edib. Həmçinin İspaniya Tehranın Fars körfəzi ölkələrinə və Kiprə hücumuna cavab olaraq “mütənasib hücum hərəkətləri” etməyə hazır olduqlarını bildirən Fransa, Almaniya və Böyük Britaniyanın mövqeyindən uzaqlaşıb.

    Ölkənin xarici işlər naziri Xose Manuel Albaresin sözlərinə görə, Avropanın səsi gərginliyin azaldılmasına və danışıqlara qayıtmağa yönəlmiş balans və mülayimlik səsi olmalıdır.

  • Ceyhun Bayramov iordaniyalı həmkarı ilə Yaxın Şərqdəki mövcud vəziyyəti müzakirə edib

    2 mart 2026-cı il tarixində Azərbaycan Respublikasının xarici işlər naziri Ceyhun Bayramov ilə İordaniya Haşimilər Krallığının Baş nazirinin müavini, xarici işlər naziri Ayman Əl-Səfadi arasında telefon danışığı aparılıb.

    Bu barədə Xarici İşlər Nazirliyi məlumat yayıb.

    Telefon danışığı zamanı Yaxın Şərq regionunda mövcud hərbi-siyasi vəziyyət və artan gərginlik müzakirə olunub.

    Tərəflər regional təhlükəsizlik mühitinin daha da pisləşməsinin yolverilməz olduğunu qeyd edərək, mövcud fikir ayrılıqlarının beynəlxalq hüququn norma və prinsiplərinə uyğun olaraq, dialoq və diplomatik vasitələrlə aradan qaldırılmasının vacibliyini vurğulayıblar.

    Nazirlər mülki əhalinin təhlükəsizliyinin təmin olunmasının və humanitar vəziyyətin ağırlaşmasının qarşısının alınmasının prioritet əhəmiyyət daşıdığını bildirib, regionda sabitliyin və təhlükəsizliyin bərqərar olunması istiqamətində beynəlxalq səylərin gücləndirilməsinin zəruriliyini diqqətə çatdırıblar.

    Telefon danışığı zamanı həmçinin qarşılıqlı maraq doğuran digər məsələlər ətrafında fikir mübadiləsi aparılıb.

  • Dubay aeroportları fəaliyyətlərini qismən bərpa edir

    Dubay aeroportları martın 2-si axşam saatlarından etibarən işini bərpa edəcək. Lakin ilkin mərhələdə hava limanları məhdud sayda reysə xidmət göstərəcəklər.

    Median.Az bu barədə hava limanlarının operatoru “DubaiAirports”un saytına istinadən xəbər verir.

    “DubaiAirports” təsdiq edir ki, bu gün – 2 mart tarixindən etibarən əməliyyatların məhdud şəkildə bərpasına start veriləcək. Dubay Beynəlxalq Hava Limanı (DXB) və Əl-Maktum Beynəlxalq Hava Limanından (DWC) az sayda reysin yerinə yetirilməsinə icazə verilib”, – deyə operatorun bəyanatında bildirilir.

    Buna baxmayaraq, operator sərnişinlərə mühüm xəbərdarlıq edib. Bildirilib ki, əgər aviaşirkət uçuşun baş tutacağını birbaşa təsdiqləməyibsə, sərnişinlərin hava limanlarına gəlməmələri tövsiyə olunur.

    Qeyd edək ki, Birləşmiş Ərəb Əmirliklərinin (BƏƏ) ən böyük şəhəri olan Dubayın hava limanları İsrail, ABŞ və İran arasındakı hərbi-siyasi münaqişənin kəskinləşməsi və regionda yaranan təhlükəsizlik riskləri səbəbindən fəaliyyətini müvəqqəti dayandırmışdı.