Median.Az

Month: April 2026

  • “Bitcoin”in qiyməti son dörd həftənin ən yüksək səviyyəsinə çatdı

    “Bitcoin” (BTC) son dörd həftə ərzində qeydə alınan ən yüksək qiymət həddinə çatıb. Belə ki, aprelin 14-də səhər saatlarında kriptovalyutanın dəyəri martın 17-dən bəri ilk dəfə 74 933 dollar səviyyəsinədək artıb.

    Bu barədə “Coinmarketcap” paylaşıb.

    Bakı vaxtı ilə saat 11:45 üçün aparıcı kriptovalyutanın ticarət qiyməti təqribən 74 500 dollar təşkil edir.

    Son sutka ərzində “Bitcoin”in dəyərində 5.5% artım müşahidə olunub. Sözügedən müddətdə kriptovalyuta bazarının ümumi kapitallaşması isə 4.5% böyüyərək 2.53 trilyon dollara bərabər olub.

    İlk 100-lükdə yer alan kriptovalyutalar arasında ən yüksək artımı 34%-lə “RaveDAO” (RAVE) nümayiş etdirib. Ən böyük ucuzlaşma isə 9%-lik göstərici ilə “Sabit”də (STABLE) qeydə alınıb. “Ethereum” (ETH) 8.5% bahalaşıb və əsas altkoinin qiyməti 2 370 dollar civarında dəyişib.

    Aprelin 13-də ABŞ-nin spot “Bitcoin” birja ticarət fondlarına (ETF) 291 milyon dollarlıq xalis vəsait daxil olub. “SoSoValue” platformasının məlumatına əsasən, həmin gün “Ethereum” ETF-yə daxil olan vəsait 9.4 milyon dollar təşkil edib.

  • Qatarlara 18 dəfə daş atılıb

    2026-cı ilin birinci rübündə “Azərbaycan Dəmir Yolları” QSC-nin (ADY) sərnişin və yük qatarlarına hərəkətdə olarkən 18 dəfə daş atılıb.

    ADY-dən verilən məlumata görə, nəticədə sərnişinlərin və qatar heyətinin həyatı təhlükə altına düşür; qatara ciddi zərər dəyir; maşinist qatarı təcili saxlamalı olur, nəticədə hərəkət cədvəlində gecikmələr yaranır.

    Məlumata görə, bu cür qanunsuz və məsuliyyətsiz hərəkəti edənlər müvafiq qaydada tapılır və qanunvericiliyə uyğun olaraq cərimələnirlər.

    “Qatarlara daş atanların əsasən azyaşlılar olduğunu nəzərə alaraq, valideynlərdən xahiş edirik ki, uşaqları ilə bu barədə müntəzəm maarifləndirici söhbətlər aparsınlar”, – məlumatda qeyd olunur.

    Xatırladırıq ki, dövlət əmlakı hesab edilən qatarlara daş atmaq cinayətdir.

  • İsmayıllıda taksi sürücüsünə hücum edib, avtomobili qaçırdılar

    İsmayıllıda taksi sürücüsünə qarşı quldurluq etməkdə şübhəli bilinən şəxslər saxlanılıb.

    Naməlum şəxslər müştəri qismində mindikləri taksi sürücüsünə xəsarət yetirərək onun nəqliyyat vasitəsini ələ keçirib və hadisə yerindən uzaqlaşıblar.

    DİN-in Mətbuat Xidmətinin regional qrupundan bildirilib ki, tədbirlərlə həmin avtomobil digər ərazidə tərk edilmiş vəziyyətdə aşkarlanıb.

    Polis əməkdaşları tərəfindən cinayət əməlini törətməkdə şübhəli bilinən, əvvəllər məhkum olunmuş 49 yaşlı Pünhan Qurbanov və 44 yaşlı Tərlan Yusubov paytaxt ərazisində gizləndikləri yer müəyyən edilərək saxlanılıblar.

    Faktla bağlı cinayət işi başlanılıb, araşdırmalar davam etdirilir.

  • “Qarabağ”dan xanım azarkeşlərinə növbəti jest

    “Qarabağ” futbol klubu xanım azarkeşlərinə növbəti dəfə jest edib.

    Bu barədə klubun mətbuat xidməti məlumat yayıb.

    Aprelin 18-də Misli Premyer Liqasının XXVIII turu çərçivəsində “Sabah”la keçiriləcək qarşılaşmada tribunadan komandaya dəstək olmaq istəyən qadınlar stadiona heç bir ödəniş etmədən daxil ola biləcəklər.

    Bununla belə stadiona biletsiz girişin mümkün olmadığı da vurğulanıb. Xanımların biletlərini mütləq şəkildə 16, 17 və 18 aprel tarixlərində stadionun kassalarından və ya “Park Bulvar” AVM-in 2-ci mərtəbəsində yerləşən fan-şopdan əldə etmələri vacibdir.

    Qeyd edək ki, “Sabah”la baş tutacaq oyun Tofiq Bəhramov adına Respublika stadionunda keçiriləcək. Matç saat 19:30-da başlayacaq.

    Xatırladaq ki, Ağdam təmsilçisi bənzər təşəbbüsü aprelin üçündə də “Sabah”a qarşı oyunda reallaşdıraraq xanım azarkeşlərini sevindirmişdi.

  • Gəncədə “Changan” yük maşını ilə toqquşdu

    Gəncədə “Ford” markalı yük maşını ilə minik maşını toqquşub.

    “Unikal”ın məlumatına görə, hadisə şəhərin Heydər Əliyev prospekti ilə Əkbər Babayev küçəsinin kəsişməsində qeydə alınıb. Hərəkətdə olan “Changan” markalı minik maşını ilə Ford Tranzit markalı yük avtomobili toqquşub. Qəza zamanı 1986-cı il təvəllüdü S.Kərimov xəsarət alıb. Yaralı xəstəxanaya yerləşdirilib, vəziyyətinin kafi olduğu bildirilir.

    Hadisə yerinə polis əməkdaşları cəlb edilib.

    Fakt araşdırılır.

  • Qoca Səmədovun oğlu azadlığa buraxıldı

    Yevlaxın sabiq icra başçısı Qoca Səmədovun tanışını güllələməkdə ittiham olunan oğlu Zaur Səmədov azadlığa buraxılıb.

    Median.Az qafqazinfo-ya istinadən xəbər verir ki, bu barədə qərar qəbul edilib.

    Z.Səmədovun silah tətbiq etməklə xuliqanlıq etməsi sübuta yetirilməyib. Həmin maddə ilə ona bəraət verilib. Qəsdən sağlamlığa zərərvurma maddəsi ilə cinayət işinə isə tərəflər arasında barışıq olduğu üçün xitam verilib. Nəticədə mərhum icra başçısının oğlu azadlığa buraxılıb.

    Qeyd edək ki, hadisə 3 ay əvvəl rayonun İsmayılabad kəndində baş verib. İlkin məlumatda deyilirdi ki, Zaur Səmədov mübahisə zəminində tanışına ov tüfəngindən atəş açmaqla xəsarət yetirib.

    Z.Səmədovun atası Qoca Səmədov Yevlaxın icra başçısı işləyib. O, korrupsiya cinayətlərində təqsirli bilinərək məhkum edilib. Şərti azadlığa buraxılandan qısa müddət sonra vəfat edib.

  • Tiktoker Nahid Nəsirovun həbs müddəti uzadıldı

    Tiktoker Nahid Nəsirov yenidən hakim qarşısına çıxarılıb.

    Nərimanov Rayon Məhkəməsində onunla bağlı qərar qəbul edilib.

    Qərara əsasən, tiktokerin həbs müddəti daha bir ay da uzadılıb.

    Xatırladaq ki, ilk olaraq Nərimanov Məhkəməsində tiktoker Nahid Nəsirov barəsində 4 ay müddətinə həbs qətimkan tədbiri seçilmişdi. Daha sonra isə Apellyasiya Məhkəməsində keçirilən prosesdə onun barəsində qərar qüvvədə saxlanıb.

    Ona qarşı Cinayət Məcəlləsinin 182.3.2-ci (hədə-qorxu yolu ilə külli miqdarda əmlak əldə etmək məqsədi ilə törədildikdə) maddəsi ilə ittiham irəli sürülüb.

    Bu maddənin sanksiyasında 10 ildən 15 ilədək azadlıqdan məhrumetmə cəzası nəzərdə tutulur.
    //unikal.az

  • Milli Məclisin Aparat rəhbərinin yeni müavini kimdir? – DOSYE

    Xəbər verdiyimiz kimi, Şahin Həsən oğlu Həsənov Milli Məclisin Aparat rəhbərinə yeni müavin təyin olunub.

    Müavin təyin edilən Həsənov 1969-cu il avqustun 18-də Göyçay şəhərində anadan olub.

    1992-ci ildə Sankt-Peterburq Dövlət Texniki Universitetini bitirərək mühəndis-sistem texniki ixtisasına yiyələnib.

    1992–1993-cü illərdə Mingəçevir Energetika İnstitutunun “Ali riyaziyyat və informatika” kafedrasının müəllimi olub, 1993–1998-ci illərdə N. Nərimanov adına Neft və Qaz Çıxarma İdarəsində mühəndis-proqramçı vəzifəsində işləyib.

    1998-ci ildə Azərbaycan Respublikası Milli Məclisi Aparatının İnformasiya təminatı şöbəsi müdirinin müavini, az sonra şöbə müdiri vəzifəsinə təyin edilib, 8 il həmin vəzifədə işləyib, 2006-cı ildən 2026-cı ilədək Milli Məclis Aparatının İnformasiya resursları və texnologiyaları şöbəsinin müdiri vəzifəsində çalışıb. 2026-cı il aprelin 9-da Milli Məclis Aparatı rəhbərinin müavini vəzifəsinə təyin edilib.

    2-ci dərəcə dövlət müşaviridir.

  • Двое детей выписаны из больницы после отравления угарным газом в Сумгайыте

    Двое детей, отравившихся угарным газом в доме в посёлке Гаджи Зейналабдин города Сумгайыт, выписаны на амбулаторное лечение.

    Об этом в ответ на запрос Oxu.Az сообщили в Объединении по управлению медицинскими территориальными подразделениями (TƏBİB).

    Напомним, что 1 апреля шесть членов одной семьи отравились угарным газом. Первоначально все пострадавшие были отпущены домой, однако впоследствии двухлетняя девочка скончалась. Спустя еще один день четверо детей были повторно госпитализированы в Детскую больницу Сумгайытского медицинского центра. Состояние двоих из них оценивалось как тяжёлое, двое других находились в стабильным состоянии.

    В TƏBİB сообщили, что один из детей в тяжёлом состоянии был эвакуирован в Детскую клиническую больницу имени А.Ф.Гараева при Республиканском педиатрическом центре, и ему был поставлен диагноз менингоэнцефалит.

  • Dəm qazından zəhərlənən uşaqlardan ikisi xəstəxanadan evə buraxıldı

    Hacı Zeynalabdin qəsəbəsində dəm qazından zəhərlənən iki uşaq ambulator müalicə üçün xəstəxanadan evə buraxılıb.

    Bu barədə Oxu.Az-ın sorğusuna cavab olaraq Tibbi Ərazi Bölmələrini İdarəetmə Birliyindən (TƏBİB) məlumat verilib.

    Xatırladaq ki, aprelin 1-i Sumqayıt şəhəri Hacı Zeynalabdin qəsəbəsində bir ailənin 6 üzvü dəm qazından zəhərlənib, sonradan onların hamısı evə buraxılsa da, uşaqlardan biri – iki yaşlı qız dünyasını dəyişib. Daha bir gün sonra Sumqayıt Tibb Mərkəzinin Uşaq Xəstəxanasına 4 uşaq geri qaytarılıb: onlardan iki nəfərin vəziyyəti ağır, digər iki nəfərin vəziyyəti isə stabil olub.

    TƏBİB-dən bildirilib ki, vəziyyəti ağır olan uşaqlardan biri Respublika Pediatriya Mərkəzinin nəzdindəki Ə.F.Qarayev adına Uşaq Klinik Xəstəxanasına təxliyə olunub və ona meninqoensofalit diaqnozu təyin edilib.