Median.Az

Month: April 2026

  • Fövqəladə hallar nazirinə iki yeni müavin təyin edildi

    Fövqəladə hallar nazirinə iki yeni müavin təyin olunub.

    Cəbrayıl Eldar oğlu Xanlarov və daxili xidmət general-mayoru Yusif Mahmud oğlu Nəbiyev Azərbaycan Respublikası fövqəladə hallar nazirinin müavinləri təyin ediliblər.

    Qeyd edək ki, Cəbrayıl Eldar oğlu Xanlarov 03.11.1972-ci ildə Bakı şəhərində anadan olub. Azərbaycan Dövlət İqtisad Universitetini bitirib, iqtisad elmləri namizədidir.

    Yusif Mahmud oğlu Nəbiyev 18.09.1982-ci ildə Bakı şəhərində anadan olub. Bakı Dövlət Universitetini bitirib, hüquq üzrə fəlsəfə doktorudur.

  • Azərbaycanda rezonans doğuran CİNAYƏT: Vüsal Şilderin qətlinin sifarişçisinin FOTOSU

    2013-cü ildə Qərb Universitetinin tələbəsi Vüsal Şilderin qətlini sifariş verən Xəyal Əli-Zadə ölkəmizə ekstradisiya edilib. Xüsusilə ağır cinayətdə ittiham olunan X.Əli-Zadə Bakıda istintaq təcridxanasına yerləşdirilib. Hələlik onun ittihama münasibəti məlum deyil.

    Median.Az “Qafqazinfo”ya istinadla xəbər verir ki, ilk dəfə Xəyal Əli-Zadənin fotoları yayımlanıb.

    Qeyd edək ki, sözügedən qətl 2013-cü ildə ölkədə rezonans doğurmuşdu. Qətlə yetirilən Vüsal Şilder Adolf bir zamanlar Bakıda “Mercedes-Benz”in Azərbaycan üzrə nümayəndəliyinin rəhbəri olmuş şəxsin oğlu idi. O, əslən azərbaycanlıdır. Belə ki, Almaniya vətəndaşı olan həmin şəxs Vüsalın anası ilə ailə qurub, onu övladlığa götürüb və Almaniya vətəndaşlığı almasına şərait yaradıb.

    Vüsalın qətlinin icraçıları Elman İsgəndərov və Seymur Talıbov 2014-cü ildə məhkum edilsələr də, sifarişçi X.Əli-Zadə ölkədən qaçmışdı. O, yalnız 13 il sonra – bir neçə gün əvvəl tutularaq Azərbaycana gətirilib.


    Mərhum Şilderin anası Mətanət Şilder həmişə ilahi ədalətə inandığını, haqq-ədalətin gec-tez yerini tapacağına inandığını deyib: “Əslində heç nə oğlumu geri qaytarmayacaq, amma yenə də oğlumun ölümündə əli olanların cəzalanmalarını görmək mənim arzum idi. Həmişə ölmədən bunu görmək istəmişəm”.

  • Salyana dolu düşüb

    Salyan rayonuna dolu düşüb.

    Dolu rayonun Kürsəngi kəndinə düşüb.

    Hələlik dolunun fəsadları barədə məlumat verilməyib.
    //unikal.az

  • 200-dən çox kişiyə ödənişli atalıq məzuniyyəti verilib

    Qanuna müvafiq dəyişiklərdən sonra 103 işəgötürən tərəfindən ümumilikdə 213 işçiyə uşağının doğulması ilə əlaqədar 14 təqvim günü müddətində ödənişli atalıq məzuniyyəti verilib.

    Bu barədə Əmək və Əhalinin Sosial Müdafiəsi Nazirliyi məlumat yayıb.

    Bildirilib ki, bu məzuniyyət uşağın doğulmasından əvvəlki və sonrakı dövrləri əhatə edir.

    İşçiyə ödənişli atalıq məzuniyyətinin verilməsi barədə əmr işəgötürən tərəfindən Əmək və Əhalinin Sosial Müdafiəsi Nazirliyinin “Əmək və Məşğulluq” altsistemində elektron qaydada rəsmiləşdirilir.

    Qeyd edək ki, əmək qanunvericiliyinə edilmiş son dəyişikliklərdən biri də uşağının doğulması ilə əlaqədar kişilərə 14 təqvim günü ödənişli məzuniyyət hüququnun verilməsidir.
    //oxu.az

  • Paytaxtın hansı küçələrində sıxlıq müşahidə olunur?

    Bakının bir sıra yollarında nəqliyyatın sıxlığı müşahidə olunur.

    Bu barədə Daxili İşlər Nazirliyinin (DİN) Nəqliyyatı İntellektual İdarəetmə Mərkəzi (NİİM) məlumat yayıb.

    Hazırda:

    1. Koroğlu Rəhimov küçəsi, akad. Həsən Əliyev küçəsi ilə kəsişmədən Heydər Əliyev prospekti istiqamətində;

    2. Fətəli xan Xoyski prospekti, “Gənclik” metro stansiyasının qarşısından Həsənoğlu küçəsi istiqamətində;

    3. Ziya Bünyadov prospekti, Müzəffər Nərimanov küçəsi ilə kəsişmədən “20 Yanvar” metro stansiyası istiqamətində;

    4. Ziya Bünyadov prospekti, Əhməd Rəcəbli küçəsi ilə kəsişmədən Atatürk prospekti ilə kəsişməyə qədər;

    5. Yusif Səfərov küçəsi, Heydər Əliyev prospekti istiqamətində;

    6. 8 Noyabr prospekti, Süleyman Əhmədov küçəsi ilə kəsişmədən Zığ şosesi istiqamətində;

    7. Dənizkənarı küçəsi, Bayraq Meydanının qarşısından “Azneft” dairəsi istiqamətində;

    8. Niyazi küçəsi, “Azneft” dairəsi istiqamətində;

    9. Üzeyir Hacıbəyli küçəsi, Azadlıq prospekti ilə kəsişməyə qədər;

    10. Tbilisi prospekti, “20 Yanvar” metro stansiyasından mərkəz istiqamətində;

    11. Əbdülvahab Salamzadə küçəsi, Ziya Bünyadov prospekti istiqamətində;

    12. Alı Mustafayev küçəsi, Ziya Bünyadov prospekti istiqamətində;

    13. Bakı-Sumqayıt şosesi, “Xırdalan” dairəsi istiqamətində;

    14. Koroğlu Rəhimov küçəsi, Mirzə Qədim İrəvani küçəsindən akad. Həsən Əliyev küçəsi istiqamətində;

    15. Tbilisi prospekti, İzmir küçəsi ilə kəsişmədən “20 Yanvar” metro stansiyası istiqamətində sıxlıq müşahidə olunur.

  • “Roşka”nın işi ilə bağlı əlavə görüntülər ekspertizaya təqdim olunacaq

    Sosial şəbəkələrdə “Roşka” ləqəbi tanınan Rövşən Süleymanzadənin cinayət işi üzrə növbəti məhkəmə iclası keçirilib.

    Bakı Ağır Cinayətlər Məhkəməsinin hakimi Roman Ələkbərlinin sədrliyi ilə keçirilən prosesdə Ədliyyə Nazirliyinin Məhkəmə Ekspertizasının ekspertləri tərəfindən vəsatətin məhkəməyə daxil olduğu elan edilib.

    Bildirilib ki, həmin ekspertizanın keçirilməsi üçün əlavə görüntülər də təqdim edilməlidir.

    Qısa müşavirədən sonra vəsatət təmin olunaraq, ekspertizaya əlavə tədqiqat obyektləri (videogörüntülər) göndərilməsi ilə bağlı qərar qəbul edilib.

    Məhkəmənin növbəti iclası mayın 5-nə təyin edilib.

    Qeyd edək ki, “Roşka” ləqəbli tiktoker Rövşən Süleymanzadə ötən ilin yanvar ayında həbs edilib.

    Onun barəsində ilkin olaraq Nəsimi Rayon Məhkəməsinin qərarı ilə 4 aylıq həbs qətimkan tədbiri seçilib.

    Daha sonra ibtidai istintaq yekunlaşdırılaraq Bakı Ağır Cinayətlər Məhkəməsinə göndərilib.

    Ona qarşı Cinayət Məcəlləsinin 234.1-1-ci (satış məqsədi olmadan qanunsuz olaraq narkotik vasitələri və ya psixotrop maddələri xeyli miqdarda əldə etmə, saxlama, hazırlama, emal etmə, daşıma, külli miqdarda törədildikdə) maddəsi ilə ittiham irəli sürülüb.
    //oxu.az

  • Qubanın Afurca kəndində torpaq sürüşməsi qeydə alındı

    Son günlər aramsız yağan güclü yağışlardan sonra Quba rayonunun bir sıra ərazilərində torpaq sürüşmələri qeydə alınıb.

    Median.Az APA-ya istinadən xəbər verir ki, rayonun Afurca kəndi ərazisindəki Sərtəng yaşayış məntəqəsində də sürüşmə olub. Sakinlərin sözlərinə görə, ərazidə baş verən torpaq sürüşməsindən sonra onların rayon mərkəzi ilə əlaqəsi kəsilib.

    Sakinlər əsasən yolun bağlanmasından şikayət edirlər.

    Quba rayon Fövqəladə Hallar Komissiyasından bildirilib ki, qeyd olunan yaşayış məntəqəsindəki vəziyyətdən xəbərdardılar və rayonun digər sürüşmə baş verən ərazilərində olduğu kimi, yaxın vaxtlarda Afurca kəndi ərazisində də müvafiq tədbirlər görüləcək.

  • Neft Daşlarının yaxınlığında balıqçı BATDI: Helikopter cəlb olundu – Video

    Neft Daşlarının yaxınlığında bir nəfər balıqçının dənizdə batıb.

    Bu barədə Fövqəladə Hallar Nazirliyi (FHN) məlumat yayıb.

    Bildirilib ki, hadisə ilə əlaqədar dərhal aidiyyəti qurumlar, o cümlədən Xəzər dənizində üzən gəmilər məlumatlandırılıb.

    Hazırda FHN-in Aviasiya dəstəsinin helikopteri və Xüsusi Riskli Xilasetmə Xidmətinin xilasediciləri cəlb olunmaqla dənizdə batdığı ehtimal olunan Rahim Ramiz oğlu Osmanovun axtarışları davam etdirilir.

    Əlavə məlumat veriləcək.

  • Silahlı hücumdan əvvəl belə xəbərdarlıq edibmiş… – Foto

    Bu gün Türkiyənin Şanlıurfa vilayətində liseydə baş verən silahlı hücumla bağlı yeni detallar məlum olub.

    Median.Az Türkiyə mediasına istinadən xəbər verir ki, hadisəni törədən 19 yaşlı Ömer Ket hücumdan bir neçə gün əvvəl sosial şəbəkələrdə təhdid xarakterli paylaşımlar edib.

    Belə ki, liseyin keçmiş məzunlarından olan Ö.Ket instaqram hesabındakı paylaşımlarında “Hazır olun, bu məktəbdə bir neçə gün sonra hücum olacaq”, “Maskanın altındakı təbəssümün real olduğunumu düşünürsünüz?” kimi ifadələr yer alıb.

    İnsidentlə bağlı araşdırmalar davam edir.

    Xatırladaq ki, Ömer Ket avtomatla liseyə daxil olaraq ətrafdakı insanlara atəş açıb. Hadisə zamanı aralarında şagird və müəllimlərin də olduğu 16 nəfər xəsarət alıb. Ö.Ket daha sonra eyni silahla özünə atəş açaraq intihar edib.

  • СМИ: Воздушное пространство Ирана останется закрытым ориентировочно до 18 апреля

    Иранское воздушное пространство останется закрытым ориентировочно до утра субботы, 18 апреля.

    Об этом ТАСС сообщил источник в авиадиспетчерских службах Ближнего Востока.

    “Небо над Ираном будет закрыто для полетов ориентировочно до 05:30 по всемирному времени (09:30 по Баку – ред.) субботы, 18 апреля”, – сказал собеседник агентства, сославшись на соответствующее решение авиационных властей страны. В качестве исключения, по его словам, авиавласти Ирана допускают полеты государственной, военной и санитарной авиации, а также рейсы в целях поиска и спасения.

    “Такие полеты могут выполняться по отдельным разрешениям органа управления гражданской авиацией”, – заметил собеседник агентства.

    Воздушное пространство Ирана было закрыто в первой половине дня 28 февраля после того, как США и Израиль начали военную операцию. Под удары попали крупнейшие иранские города, в том числе Тегеран.