Median.Az

Month: April 2026

  • В отношении Семена Слепакова завели уголовное дело

    В России возбудили уголовное дело в отношении юмориста и исполнителя Семена Слепакова.

    Об этом сообщает прокуратура Москвы в своем Telegram-канале.

    Согласно информации, за год артиста дважды привлекали к административной ответственности за нарушение порядка деятельности иностранного агента. По версии следствия, Слепаков распространил в интернете материалы без плашки иноагента и продолжал это делать после того, как его оштрафовали. Слепакова обвинили по ч. 2 ст. 330.1 УК РФ. Максимальное наказание по этой статье – лишение свободы сроком до двух лет. Расследование контролирует прокуратура Москвы.

    Как сообщает РБК, прокуратура потребовала завести дело против Слепакова в феврале 2026 года. Слепаков был включен Минюстом в реестр иностранных агентов в апреле 2023 года. Основанием для этого решения, по данным ведомства, послужили получение артистом финансирования из-за рубежа, его антивоенная позиция в отношении событий в Украине, а также негативные высказывания в адрес российских граждан. В ноябре 2024 года Верховный суд отклонил жалобу Слепакова с требованием исключить его из списка иноагентов. По данным прокуратуры, комик до сих пор проживает за границей.

    Семен Слепаков – российский и израильский юморист, актер, сценарист, продюсер, автор-исполнитель, поэт; кандидат экономических наук (2003). Лауреат кинопремии “Ника” (2019). В прошлом – капитан команды КВН “Сборная Пятигорска”.

  • Semyon Slepakova qarşı cinayət işi açılıb

    Rusiyalı komik Semyon Slepakova qarşı cinayət işi açılıb.

    Bu barədə Moskva prokurorluğu məlumat yayıb.

    Bildirilir ki, o, sosial şəbəkə paylaşımları ilə “xarici agent” barədə qanunu pozmaqda ittiham olunur. Bu səbəbdən Slepakov barəsində cinayət işi başlanıb. Onu iki ilədək azadlıqdan məhrumetmə cəzası gözləyir.

    Qeyd edək ki, Semyon Slepakov rusiyalı və israilli yumorist, aktyor, ssenarist, prodüser və müəllif-ifaçıdır. O, 2019-cu ildə “Nika” kino mükafatına layiq görülüb və vaxtilə KVN-in “Pyatiqorsk yığması” komandasının kapitanı olub. Hazırda Rusiya hüdudlarından kənarda yaşayır.

  • Gəncədə qadın sürücü piyadanı vurdu

    Gəncədə piyadanın avtomobil vurub.

    Hadisə şəhərin Huseyn Cavid küçəsində baş verib. Hərəkətdə olan “KİA” markalı minik avtomobili yolu qarşı tərəfə keçmək istəyən orta yaşlı qadını vurub. Piyada xəstəxanaya yerləşdirilib, vəziyyətinin ağır olduğu bildirilir.

    Qeyd edək ki, piyadanı vuran avtomobilin sürücü qadın olub. Hadisə yerinə polis əməkdaşları cəlb edilib.

    Faktla bağlı araşdırma aparılır.

  • Yaylaqlara köçlə bağlı qeydiyyata başlanılır – Fermerlərin nəzərinə!

    Qoyunçuluq və arıçılıq təsərrüfatlarını işğaldan azad edilmiş ərazilərdə yerləşən yaylaqlara aparmaq istəyən fermerlərin qeydiyyatına başlanılır.

    Qeydiyyat prosesi Elektron Kənd Təsərrüfatı İnformasiya Sistemi vasitəsilə (eagro.az) həyata keçirilir.

    Təsərrüfatlarını azad olunuş ərazilərdəki yaylaqlara aparmaq istəyən, Şərqi Zəngəzur və Qarabağ iqtisadi rayonlarından, yaxud İmişli, Beyləqan, Ağdaş, Yevlax, Mingəçevir, Ucar, Zərdab və Samux rayonlarından birində qeydiyyatda olan fermerlər eagro.az portalına öz təsərrüfatları haqqında məlumatları daxil edərək 13 aprel, saat 10:00-dan etibarən qeydiyyatdan keçə bilərlər.

    Fermerlərə yaylaq sahəsi portal vasitəsilə seçdiyi ərazi üzrə ayrılacaq.

    2026-cı il yaylaq mövsümü dövründə arıçılıq təsərrüfatlarının Qubadlı, Zəngilan, Cəbrayıl, Xocavənd, Füzuli, Laçın və Kəlbəcər rayonları ərazisinə, qoyunçuluq təsərrüfatlarının isə Laçın və Kəlbəcər yaylaqlarına köçürülməsinə icazə verilir.

    Fermerlərin köç portalına daxil etdikləri məlumatların tələblərə uyğunluğu yoxlandıqdan sonra təsdiq ediləcək.

    Fermerlərə portalda qeydiyyat zamanı göstərdikləri mobil nömrəyə köç tarixinə dair SMS bildirişi göndəriləcək.

    Köç prosesində iştirak etmək istəyən fermerlərin öz təsərrüfatlarındakı iribuynuzlu və xırdabuynuzlu heyvanları identifikasiya etməsi və identifikasiya ilə bağlı məlumatları EKTİS-ə daxil etməsi tövsiyə olunur.

    Fermerlər əlavə məlumat üçün Dövlət Aqrar İnkişaf Mərkəzlərinə müraciət edə bilərlər.

  • Bu yollarda gecə saatlarında təmir işləri aparılacaq

    Bakıda vətəndaşların rahat və təhlükəsiz hərəkətinin təmin olunması, həmçinin Ümumdünya Şəhərsalma Forumu XIII Sessiyası (WUF13) ilə əlaqədar hazırlıq işləri çərçivəsində Bakı şəhərinin bəzi yollarında təmir işləri həyata keçiriləcək.

    Median.Az bu barədə Azərbaycan Avtomobil Yolları Dövlət Agentliyinə istinadən xəbər verir.

    Məlumata görə, bu istiqamətdə yol örtüyünün istismar vəziyyəti nəzərə alınaraq aşağıdakı ərazilərdə təmir işlərinin aparılması planlaşdırılır:

    – Heydər Əliyev prospektindən Babək prospektinə gedən yolötürücü üzərində;

    – Ziya Bünyadov prospektində (“Koroğlu” metro stansiyası istiqamətində).

    İşlərin icra tarixi və müddəti 9 aprel saat 23:00-dan 10 aprel saat 07:00-a qədər və 10 aprel saat 23:00-dan 11 aprel saat 07:00-a qədərdir

    Göstərilən tarixlərdə Heydər Əliyev prospektindən Babək prospektinə gedən yolötürücü üzərində nəqliyyat vasitələrinin hərəkəti tam məhdudlaşdırılacaq, Ziya Bünyadov prospektində isə (“Koroğlu” metro stansiyası istiqamətində) nəqliyyat vasitələrinin hərəkəti qismən məhdudlaşdırılacaq.

    “Sürücülərdən aparılan işlərə anlayışla yanaşmaları və əvvəlcədən hərəkət istiqamətlərinə uyğun alternativ yollardan istifadə etmələri xahiş olunur”, – deyə agentlik bəyan edib.

  • Mario Adorf vəfat etdi

    “Tənəkə təbil” və “On zənci balası” filmlərindəki rolları ilə məşhurlaşan aktyor Mario Adorf 95 yaşında vəfat edib.

    Median.Az xarici mətbuata istinadən xəbər verir ki, aktyorun ölümünü onun meneceri və “Reinholz” kino agentliyinin nümayəndələri təsdiqləyib.

    “Bild”in məlumatına görə, aktyor aprelin 8-də qısa sürən xəstəlikdən sonra Parisdəki mənzilində vəfat edib.

    Mario Adorf 1930-cu il sentyabrın 8-də İsveçrədə anadan olub. O, kino karyerasına 1954-cü ildə başlayıb. Aktyor 200-dən çox filmdə (“Tənəkə təbil” (1979), “Balaca lord” (1996), “İnsan ovu” (1972), “Pinokkio” (2013) və s.) çəkilib.

  • Paşinyan yenidən Putinlə görüşəcək

    Ermənistanın Baş naziri Nikol Paşinyan Rusiya Prezidenti Vladimir Putinlə iyunun ikinci yarısında yüksək səviyyəli görüş keçirmək barədə razılığa gəldiyini açıqlayıb.

    Bu barədə “Sputnik Armenia” məkumat yayıb.

    Qeyd olunur ki, Paşinyan hökumıtin bugünki iclasında yennidən Putinlə görüşəcəyini açıqlayıb:

    “İyunun ikinci yarısı da daxil olmaqla, yüksək səviyyəli görüş keçirmək barədə razılığa gəldik”.

    O, bir daha 1 apreldə Moskvaya səfərini “çox uğurlu” adlandırıb və əlavə edib ki, “hər kəs öz qiymətləndirmələrini verməkdə sərbəstdir”. Ermənistanın baş naziri Rusiya lideri ilə təmaslarının davam edəcəyini qeyd edib.
    //unikal.az

  • Motosiklet və moped sürücülərinin təqsiri səbəbindən üç nəfər ölüb

    Cari ilin ilk üç ayı ərzində Azərbaycanda motosiklet və moped sürücülərinin təqsiri səbəbindən baş verən beş yol-nəqliyyat hadisəsində üç nəfər həyatını itirib.

    Bu barədə Baş Dövlət Yol Polisi İdarəsindən məlumat verilib.

    Bildirilib ki, birinci rübdə sözügedən səbəbdən iki nəfər xəsarət alıb.

    Həmçinin təkcə ötən gün xəsarətlə nəticələnən 5 yol-nəqliyyat hadisəsindən 3-ü motosiklet sürücülərinin iştirakı ilə baş verib. Yasamal, Xətai və Abşeron rayonları ərazisində qeydə alınan bu hadisələrin hər biri toqquşma ilə nəticələnib.

  • Adam öldürməyə cəhd etdi – 14 il 3 ay həbs yatacaq

    Adam öldürməyə cəhddə təqsirləndirilən Şəmsi Məmmədlinin cinayət işi üzrə məhkəməsi yekunlaşıb.

    Bakı Ağır Cinayətlər Məhkəməsinin hakimi Aytən Əliyevanın sədrliyi ilə keçirilən prosesdə ona hökm oxunub.

    Hökmə əsasən, 14 il 3 ay müddətinə azadlıqdan məhrum edilib.

    Xatırladaq ki, dövlət ittihamçısı məhkəməyə təqsirləndirilən şəxsin 15 il 6 ay müddətinə azadlıqdan məhrum edilməsini təklif etmişdi.

    Qeyd edək ki, hadisə ötən ilin dekabr ayında Bakının Binə qəsəbəsindəki “Südçülük sovxozu”nun ərazisində baş verib. Rəvan Nuriyev Şəmsi Məmmədliyə onun dostu Pərviz İbrahimovun narkotik satıcısı olduğunu deyib. Şəmsi Məmmədli məsələnin aydınlaşdırılması məqsədi ilə R.Nuriyevi danışmağa çağırıb. Yaranmış mübahisə nəticəsində Ş. Məmmədli R. Nuriyevə şillə vurub. R. Nuriyev bu barədə qardaşı B. Nuriyevə məlumat verib. Bundan sonra Babək Nuriyev Şəmsi Məmmədlini söhbətə çağırıb. Yaranmış mübahisə zəmnində Ş. Məmmədli B. Nuriyevə ard-arda bıçaq zərbəsi endirib.

    Faktla bağlı cinayət işi başlanılıb, Şəmsi Məmmədli Cinayət Məcəlləsinin 128 (Qəsdən sağlamlığa yüngül zərər vurma) 29 120.2.2 (xuliqanlıq niyyəti ilə adam öldürməyə cəhd) 29 120.2.4 (xüsusi amansızlıqla və ya ümumi təhlükəli üsulla adam öldürməyə cəhd)maddələri ilə təqsirləndirilərək məsuliyyətə cəlb olunub.
    //unikal.az

  • Sabah 22 dərəcə isti olacaq

    Sabah Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir.

    Milli Hidrometeorologiya Xidmətindən verilən məlumata görə, şimal-qərb küləyi gündüz mülayim cənub-qərb küləyi ilə əvəz olunacaq.

    Havanın temperaturu gecə 8-10° isti, gündüz 14-17° isti olacaq. Atmosfer təzyiqi 763 mm civə sütunundan 760 mm civə sütununa enəcək. Nisbi rütubət 60-70 % olacaq. Azərbaycanın rayonlarında hava şəraitinin bəzi yerlərdə arabir yağıntılı olacağı gözlənilir.

    Ayrı-ayrı yerlərdə qısamüddətli intensivləşəcəyi, şimşək çaxacağı, dolu düşəcəyi, bəzi dağlıq ərazilərdə qar yağacağı ehtimalı var. Axşam yağıntılar tədricən kəsiləcək. Bəzi yerlərdə arabir duman. Mülayim şərq küləyi əsəcək.

    Havanın temperaturu gecə 6-9° isti, gündüz 17-22° isti, dağlarda gecə 1-6° isti, gündüz 10-15° isti olacaq.