Median.Az

Month: April 2026

  • Tiktoker “Roşka”nın videogörüntüləri ilə bağlı müəmma: Dövlət ittihamçısı dəyişdirildi

    “Roşka” ləqəbi ilə tanınan tiktoker Rövşən Süleymanzadənin cinayət işi üzrə növbəti məhkəmə iclası təxirə düşüb.

    Median.Az oxu.az-a istinadən xəbər verir ki, proses Bakı Ağır Cinayətlər Məhkəməsinin hakimi Roman Ələkbərlinin sədrliyi ilə baş tutacaqdı.

    Prosesin təxirə salınmasına təqsirləndirilən şəxsin vəkilinin məhkəməyə təqdim etdiyi videogöruntülərlə bağlı ekspertizanın yekun rəyinin məhkəməyə daxil olmaması səbəb göstərilib.

    Bununla yanaşı, cinayət işindəki dövlət ittihamçısı dəyişdirilərək, işə yeni prokuror kimi Elvin Mirzəyev qoşulub.
    Məhkəmənin növbəti iclası aprelin 21-nə təyin edilib.

    Qeyd edək ki, Rövşən Süleymanzadə ötən ilin yanvar ayında həbs edilib.

    Onun barəsində ilkin olaraq Nəsimi Rayon Məhkəməsinin qərarı ilə dörd aylıq həbs qətimkan tədbiri seçilib.

    Daha sonra ibtidai istintaq yekunlaşdırılaraq Bakı Ağır Cinayətlər Məhkəməsinə göndərilib.

    Ona qarşı Cinayət Məcəlləsinin 234.1-1-ci (Satış məqsədi olmadan qanunsuz olaraq narkotik vasitələri və ya psixotrop maddələri xeyli miqdarda əldə etmə, saxlama, hazırlama, emal etmə, daşıma, külli miqdarda törədildikdə) maddəsi ilə ittiham irəli sürülüb.

  • В Нидерландах цена на бензин побила рекорд

    Стоимость бензина в Нидерландах достигла почти 2.60 евро за литр, что является рекордным показателем.

    Об этом свидетельствуют данные потребительской организации United Consumers.

    По данным на вторник, стоимость бензина в Нидерландах выросла до 2.597 евро за литр, дизеля – до 2.811 евро за литр.

    Рекордного уровня в более 2.5 евро за литр бензин в Нидерландах достигал в июне 2022 года после начала войны в Украине из-за роста цен на нефть.

    Ранее правительство Нидерландов заявило, что пока не будет принимать мер для сдерживания роста цен на энергоносители на фоне напряженности на Ближнем Востоке при том, что бензин в стране является одним из самых дорогих в ЕС.

  • Niderlandda benzinin qiyməti rekord həddə çatdı

    Niderlandda benzin qiymətləri tarixi maksimuma yüksələrək, bir litr üçün təqribən 2.60 avro təşkil edib.

    Bu göstəricilər “United Consumers” istehlakçı təşkilatının hesabatında öz əksini tapıb.

    Çərşənbə axşamı olan məlumata əsasən, Niderlandda bir litr benzinin dəyəri 2.597 avroya, dizel yanacağının qiyməti isə 2.811 avroya qədər artıb.

    Xatırladaq ki, Ukraynadakı münaqişənin başlanması və neftin bahalaşması nəticəsində 2022-ci ilin iyununda da ölkədə benzinin litri 2.5 avronu keçərək rekord vurmuşdu.

    Avropa İttifaqı üzrə ən bahalı yanacaq qiymətlərindən birinin Niderlandda olmasına rəğmən, yerli hökumət Yaxın Şərqdəki gərginlik səbəbindən artan enerji dəyərlərinə qarşı hər hansı bir addım atmayacağını daha öncə bəyan etmişdi.

  • Alimlər dünyanın bütün dillərini idarə edən gizli qaydaları kəşf etdi

    Beynəlxalq alimlər qrupu göstərib ki, dünya dillərinin inkişafı təsadüfi deyil: “Dil universalları” adlanan qaydaların təxminən 1/3-i statistik olaraq təsdiqlənir.

    Qaynarinfo xəbər verir ki, tədqiqat “Nature Human Behaviour” jurnalında dərc olunub.

    Araşdırma Saar Universiteti və Maks Plank Cəmiyyətinin Təkamül Antropologiyası İnstitutunun alimləri tərəfindən, Annemarie Verkerk və Russell D. Gray-in rəhbərliyi ilə aparılıb. Tədqiqatçılar 1700-dən çox dili əhatə edən Grambank məlumat bazasından istifadə edərək 191 potensial universal qrammatik qaydanı analiz ediblər.

    Əvvəlki işlərdən fərqli olaraq bu dəfə bayes statistik analizi tətbiq edilib və bu yanaşma həm dillərin qohumluq əlaqələrini, həm də coğrafi təsirləri nəzərə alır.

    Nəticələr göstərib ki, bir çox dil xüsusiyyətləri dünyanın müxtəlif yerlərində müstəqil şəkildə formalaşır. Xüsusilə söz sırası ilə bağlı qanunauyğunluqlar təsdiqlənib: məsələn, “mübtəda–tamamlıq–fel” (SOV) quruluşuna malik dillərdə daha çox postpozisiyalar (sonqoşmalar) istifadə olunur.

    Eyni zamanda, 191 ehtimal olunan universaldan təxminən üçdə ikisi ciddi statistik yoxlamadan keçə bilməyib. Buna baxmayaraq, alimlər hesab edirlər ki, vacib nəticə odur ki, ümumi qanunauyğunluqlar mövcuddur və müxtəlif dil ailələrində təkrarlanır.

    “Bütün dillərin böyük müxtəlifliyinə baxmayaraq, onlar tamamilə təsadüfi şəkildə inkişaf etmir”, deyə Annemarie Verkerk bildirib.

    Tədqiqatçılar hesab edirlər ki, bu oxşarlıqlar insan beyninin idrak xüsusiyyətləri və ünsiyyət məhdudiyyətləri ilə bağlıdır. Yəni dillər fərqli olsa da, insan düşüncəsi və informasiya ötürmə prinsipləri oxşar nəticələrə gətirib çıxarır.

    Bu iş “həqiqi dil universalları”nın dairəsini daraldır və insan dilinin necə formalaşdığını anlamaq üçün yeni elmi baza yaradır.

  • AzTV-nin “Sabah”, “Telefilm” və “Kino” studiyaları birləşdiriləcək

    Azərbaycan Televiziyasının “Sabah”, “Telefilm” və “Kino” studiyaları birləşdiriləcək.

    Bu barədə AzTV-dən məlumat verilib.

    “QSC daxilində film istehsal edən 3 komanda var – “Sabah”, “Telefilm” və “Kino” studiyası. Hazırda QSC-nin strukturunun daha da təkmilləşdirilməsi, tamaşaçılara maraqlı kontent təqdim etmək istiqamətində növbəti addımlar atılır. Yaxın gələcəkdə müəyyən studiyaların birləşdirilməsi, daha kompakt idarəetmə sisteminin yaradılması nəzərdə tutulur. Bu məqsədlə bədii-sənədli filmlərin və tamaşaların istehsalı “Telefilm” adı altında birləşəcək”, – məlumatda qeyd olunub.

    Qeyd edək ki, Xalq artisti Ramiz Həsənoğlu 36 ildir fəaliyyət göstərən “Sabah” studiyasının bağlanması ilə bağlı məlumat paylaşıb.

  • 6 saylı cəzaçəkmə müəssisəsində yanğın olub: İki nazirlik birgə məlumat yaydı

    Bu gün saat 17:10-da Ədliyyə Nazirliyinin Penitensiar xidmətinin 6 saylı cəzaçəkmə müəssisəsinin ərazisində yanğın hadisəsi baş verib.

    Bu barədə Ədliyyə Nazirliyi və Fövqəladə Hallar Nazirliyinin mətbuat xidmətlərinin birgə məlumatında bildirilib.

    Qeyd edilib ki, hadisə yerinə dərhal Fövqəladə Hallar Nazirliyi Dövlət Yanğından Mühafizə və Xüsusi Riskli Xilasetmə xidmətlərinin qüvvələri cəlb olunub, yanğın qısa müddət ərzində nəzarətə götürülərək tam söndürülüb.

    Hadisə nəticəsində xəsarət alan olmayıb. Faktla bağlı araşdırma aparılır.

    Ədliyyə Nazirliyinin Penitensiar xidməti tərəfindən təhlükəsizlik tədbirlərinin gücləndirilməsi, məhkum və şəxsi heyətin təhlükəsizliyinin tam təmin olunması istiqamətində zəruri addımlar atılır.

  • Antonio Valensiya futbola qayıtdı

    “Mançester Yunayted”in keçmiş yarımmüdafiəçisi Antonio Valensiya karyerasını bərpa edib.

    40 yaşlı futbolçu İngiltərənin 9-cu divizionunda çıxış edən “Vaytenshave Vets” klubuna keçib.

    Bu barədə klubun mətbuat xidməti məlumat yayıb.

    Bu komandada tanınnmış futbolçulardan Emil Heski, Daniel Drinkuoter, Stiven Airlend, Coleon Leskott, və Papiss Sisse də çıxış edir.

    Qeyd edək ki, Valensiya 2021-ci ildə karyerasını başa vurmuşdu. Ekvador millisinin sabiq üzvü 2009-2019-cu illərdə “Mançester Yunayted”də çıxış edib.

  • Şabranda evi sel apardı – Video

    Son günlər yağan aramsız yağışlar leysan və daşqınlara səbəb olub.

    Selin ziyan vurduğu ərazilərdən biri də Şabran rayonudur. Belə ki, Surra kəndində güclü sel yaşayış evlərindən birini dağıdıb.

    Həmin anın görüntülərini təqdim edirik:

  • İranda radiasiya əleyhinə yod tabletləri paylanılır

    İranda radiasiya əleyhinə yod tabletlərinin paylanılmasına başlanılıb.

    “Unikal” İran mətbuatına istinadən xəbər verir ki, bu barədə Buşehr Tibb Elmləri Universiteti məlumat yayıb.

    Qeyd olunub ki, 12 günlük müharibədən əvvəl Buşehrdə yod tabletlərinin paylanması prioritet idi və atom elektrik stansiyasının ətrafındakı ərazilərə verilirdi.

    Böhran Vəziyyətlərinin İdarə Edilməsi Qərargahının qərarına əsasən, Buşehrdə 180 000 həb paylanıb.

    Qeyd olunub ki, ola biləcək radiasiya halında hadisədən 24 saat əvvəldən 4 saat sonraya qədər sözügedən həblər qəbul edilməlidir. Hər şəxsə bir həb verilir, lakin doza hər yaş üçün fərqlidir.

    Bir aydan kiçik körpələr üçün tabletin səkkizdə biri, bir aydan üç yaşa qədər uşaqlar üçün tabletin dörddə biri, üç yaşdan 12 yaşa qədər uşaqlar üçün yarım tablet, 12 yaşdan yuxarı böyüklər üçün isə bir bütöv tablet qəbul edilməlidir.

    Radiasiya qəzalarında adətən radioaktiv yod ifraz olunur və tiroid vəzi yod qəbul etməyə hazır olur. Bu həbdən istifadə etməklə tiroid vəzi yodla doyurulur və artıq bədən radioaktiv yod qəbul edə bilmir.
    //unikal.az

  • Tovuzda 3000 abonentin qazı olmayacaq

    Tovuz şəhərinin bir hissəsinin qaz təchizatında fasilə yaranacaq.

    Bu barədə “Azəriqaz” İB-dən məlumat verilib.

    Bildirilib ki, Şəmkir RQİİ-nin Tovuz Xidmət Sahəsi tərəfindən Tovuz rayonu Tovuz AQPS-dən qidalanan orta təzyiqli, diametri 108 mm olan qaz xəttində aşkar edilmiş sızmaların aradan qaldırılması, yeni abonentlərin şəbəkəyə qoşulması, eləcə də cari təmir-bərpa işlərinin aparılması ilə əlaqədar 08.04.2026-cı il tarixində saat 09:30-dan etibarən qaz verilişi müvəqqəti dayandırılacaq.

    Məlumata görə, işlər başa çatanadək şəhərin bir hissəsində, ümumilikdə 3000 abonentin qaz təminatında fasilə yaranacaq.