Median.Az

Month: April 2026

  • İsrailin İstanbul konsulluğu qarşısında atışma: Biri öldürldü, ikisi tutuldu

    İsrailin İstanbuldakı Baş Konsulluğunun qarşısında atışma baş verib.

    Median.Az “Haber Global”a istinadən xəbər verir ki, insident zamanı bir şübhəli öldürülüb, ikisi yaralı halda ələ keçirilib. hazırda onların şəxsiyyətinin müəyyənləşdirilməsi istiqamətində işlər davam etdirilir.

    Bundan başqa, iki polis əməkdaşı da hadisə zamanı yaralanıb.

    Hadisə yerinə çoxlu sayda polis əməkdaşları cəlb edilib.

    Silahlı insidentlə bağlı istintaq başlanılıb. Bu barədə Türkiyənin ədliyyə naziri Akın Gürlek sosial media hesabında yazıb.

    Onun sözlərinə görə, istintaq çərçivəsində baş prokurorun müavini və iki rayon prokuroru hadisə yerinə ezam olunub:

    “Onlar hadisə yerinə gedərək araşdırmalara başlayıb. Hadisənin bütün aspektləri ilə aydınlaşdırılması məqsədilə hüquq-mühafizə qurumları birgə işləri davam etdirir, istintaq diqqətlə və hərtərəfli şəkildə aparılır”.

  • В Москве 28 сотрудников театра госпитализировали с отравлением

    Показ спектакля “Бой с тенью” Красноярского музыкального театра, который должен был пройти 6 апреля на сцене московского Театра Моссовета в рамках 32 сезона театральной премии и фестиваля “Золотая маска” (Россия), был отменен из-за отравления 28 сотрудников театра.

    Как передает Median.Az, об этом сообщили ТАСС в пресс-службе премии и фестиваля “Золотая маска”.

    “28 сотрудников Красноярского музыкального театра были госпитализированы в Москве. К моменту появления первых сообщений в СМИ число участников коллектива с симптомами отравления не соответствовало действительности, но к полуночи их количество увеличилось. Все они под присмотром врачей. На данный момент точная причина не установлена. Специалисты занимаются ее выяснением”, – говорится в информации.

    Коллектив Красноярского музыкального театра на гастролях в Москве госпитализирован с подозрением на ротавирусную инфекцию. В больницу попали 28 человек, сообщили в свою очередь в пресс-службе театра.

    В связи с инцидентом показ спектакля “Бой с тенью”, запланированный на сцене Театра имени Моссовета, был отменен. Зрителям был произведен автоматический возврат средств за приобретенные билеты. “Мы сосредоточены на том, чтобы обеспечить всем необходимым коллег и создать условия для их скорейшего восстановления”, – отметили в пресс-службе.

    “Золотая маска” учреждена в 1993 году как профессиональная премия за лучшие работы сезона во всех видах театрального искусства (драма, опера, балет, современный танец, оперетта, мюзикл, театр кукол). Лауреаты премии определяются на ежегодном фестивале спектаклей-номинантов. Программу фестиваля дополняют внеконкурсные проекты.

    Победители получают приз – маску в квадратной раме, выполненную по эскизу сценографа народного художника РФ Олега Шейнциса. За основу художник взял маску венецианского карнавала, добавив к ней элемент российской государственной символики – двуглавого орла.

  • Moskvada teatr əməkdaşları zəhərləndilər: Tamaşa ləğv edildi

    Rusiyanın Krasnoyarsk Musiqili Teatrının 28 əməkdaşının kütləvi şəkildə zəhərlənməsi səbəbindən “Kölgə ilə döyüş” tamaşasının nümayişi təxirə salınıb. Tamaşa aprelin 6-da Moskvadakı “Mossovet” Teatrının səhnəsində, 32-ci “Qızıl maska” teatr mükafatı və festivalı çərçivəsində təqdim edilməli idi.

    Bu barədə TASS agentliyi məlumat yayıb.

    Rəsmi açıqlamada bildirilir ki, Krasnoyarsk teatrının 28 işçisi Moskvada xəstəxanaya yerləşdirilib. Mətbuatda yayılan ilkin xəbərlərdə zəhərlənmə əlamətləri olan şəxslərin sayı dəqiq olmasa da, gecəyə doğru bu rəqəm artıb. Hazırda onların hamısı həkim nəzarətindədir. Zəhərlənmənin dəqiq səbəbləri hələlik məlum deyil və mütəxəssislər hadisənin təfərrüatını araşdırırlar.

    Bildirilib ki, tamaşaya görə alınmış biletlər üçün ödənilən vəsaitlər tamaşaçılara avtomatik olaraq geri qaytarılıb. Mətbuat xidmətindən vurğulanıb ki, hazırda əsas diqqət həmkarların tezliklə sağalması üçün lazımi şəraitin yaradılmasına və onların hər cür ləvazimatla təmin edilməsinə yönəldilib.

    Qeyd edək ki, “Qızıl maska” 1993-cü ildə teatr sənətinin bütün növləri (dram, opera, balet, müasir rəqs, operetta, müzikl, kukla teatrı) üzrə mövsümün ən yaxşı işlərinə verilən peşəkar mükafat kimi təsis edilib. Qaliblər hər il keçirilən namizəd tamaşaların festivalında müəyyənləşir. Festival proqramına müsabiqədənkənar layihələr də daxildir. Qaliblərə Rusiya Federasiyasının Xalq rəssamı, səhnə quruluşçu rejissoru Oleq Şeyntsisin eskizi əsasında hazırlanmış, kvadrat çərçivədə yerləşdirilmiş maska təqdim olunur. Rəssam bu mükafatı yaradarkən Venesiya karnavalı maskasını əsas götürüb və ona Rusiyanın dövlət simvollarından olan ikibaşlı qartal elementini əlavə edib.

  • Lənkəranda məşhur restoranda mənşəyi məlum olmayan alkoqollu içkilər AŞKARLANDI

    Lənkəran şəhəri, Füzuli küçəsində fəaliyyət göstərən, Əli Hacıağa oğlu Ağayevə məxsus “Ağ Saray” şadlıq evində yoxlama keçirib.

    Bu barədə Qida Təhlükəsizliyi Agentliyindən məlumat verilib.

    Baxış zamanı normativ hüquqi aktların tələblərinin pozulduğu aşkarlanıb. Belə ki, qeydiyyatdan keçməmiş istehsalçı tərəfindən istehsal olunan və etiket məlumatlarına dair tələbləri pozulmuş “Organic Ultra” əmtəə nişanlı alkoqollu içkilərin toy şənliyində istifadə olunmasının qarşısı alınıb.

    Faktla bağlı inzibati protokol tərtib edilib, nümunələr götürülərək laborator müayinələrə cəlb olunub. Məhsulların istifadəsı məhdudlaşdırılıb, araşdırmalar davam etdirilir.

  • Adil Şükürov dörd oyunluq cəza aldı

    Azərbaycan I Liqasında çıxış edən “Səbail”in baş məşqçisi Adil Şükürov dörd oyunluq cəza alıb.

    Bu barədə AFFA İntizam Komitəsi qərar çıxarıb.

    Buna mütəxəssisin XX turda, “Baku Sportinq”lə oyunun 65-ci dəqiqəsində ikinci sarı vərəqəni aldıqdan sonra hakimləri təhqir etməsi səbəb olub. A.Şükürovun bu hərəkətinə görə kluba 3000 manat cərimə tətbiq edilib.

    Bundan əlavə, komandanın azarkeşləri də referilərin ünvanına kütləvi şəkildə təhqiramiz ifadələr səsləndiriblər. “Səbail” buna görə isə 1500 manat ziyana düşüb.

    “Mingəçevir” isə 1500 manat cərimələnib. Bölgə klubu “Şəfa” ilə görüşdən sonra meydana kənar şəxslərin daxil olmasına görə bu məbləği ödəməli olacaq. Bu hal cari mövsümdə ikinci dəfə təkrarlanıb.

    “Şəfa” isə beş futbolçusu sarı vərəqə aldığı üçün 210 manat cərimə olunub.

  • Keçmiş gəlinindən Məzahir Pənahova İTTİHAM: “Ona nüfuz önəmli deyil, zinət əşyalarımı qaytarmırlar”

    Mərkəzi Seçki Komissiyasının sədri Məzahir Pənahovun oğlu Məhəmməd Pənahov həyat yoldaşı Həlimə Ələsgərovaya Bakı Apellyasiya Məhkəməsində uduzsa da, ona aid əşyaları hələ də geri qaytarmayıb.

    Bu barədə H.Ələsgərova Musavat.com-a danışıb.

    O bildirib ki, məhkəmələrdə qalib gəlməsinə baxmayaraq, qanuni əşyaları ona geri verilməyib:

    “Qaytarmaq niyyətində də deyillər. 300 min məbləğində kompensasiyadan isə ümumiyyətlə söhbət getmir. Görünür, Məzahir Pənahov üçün nə ictimai rəy, nə də nüfuz önəmlidir, əsas odur ki, maliyyə öhdəliklərindən yayınsın.

    Məhkəmə zamanı qarşı tərəf əvvəlcə nə qızıl-zinət əşyalarının, nə cehizin, nə də geyimlərin mövcud olmadığını iddia edirdi. Daha sonra isə zinət əşyalarını sadəcə bijuteriya və ya sirkon kimi təqdim etməyə çalışdılar ki, onları qaytarmasınlar. Buna görə əgər zinət əşyaları qaytarılsa belə, onların əvəz olunmuş bijuteriya olması ehtimalını nəzərə alıram. Məhəmməd Pənahov barəsində cinayət işi başlanmalı və araşdırma aparılmalıdır. O, öz uşağının ölümündə məsuliyyət daşıyır”.

    Qeyd edək ki, Bakı Apellyasiya Məhkəməsi Məhəmməd Pənahovun xanımına aid 300 min manat dəyərində olan əşyaları geri qaytarmasına dair yekun qərar çıxarıb. Daha öncə mətbuatda Həlimə Ələsgərovanın həyat yoldaşı tərəfindən fiziki zorakılığa məruz qalmasına dair məlumatlar, fotolar yayılmışdı.

  • Oğul ona araq verməyən anasını döydü, min manat cərimələndi

    Qusar Rayon Məhkəməsində qəsdən sağlamlığa yüngül zərər vurmada təqsirləndirilən Fərəc Bəşirzadənin (adı, soyadı şərtidir) cinayət işi üzrə məhkəmə istintaqı başa çatıb.

    Median.Az Pravda.az-a istinadla xəbər verir ki, hakim Əli Cəlilovun sədrliyi ilə keçirilən prosesdə hökm oxunub.

    Məhkəmənin hökmü ilə o, 1000 manat cərimə cəzasına məhkum olunub.

    İttihama görə, hadisə 2026-cı ilin yanvar ayında saat 16:30-da təqsirləndirilən şəxsin yaşadığı Qusar rayonu ərazisində yerləşən mağazada baş verib.

    Belə ki, sərxoş vəziyyətdə olan Fərəc Bəşirzadə mağazada satıcı kimi çalışan anası, zərərçəkmiş Bəsti Bəşirzadədən (adı, soyadı şərtidir) spirtli içki almaq istəyib. Anasının buna etiraz etməsi nəticəsində aralarında mübahisə yaranıb. Mübahisə zamanı təqsirləndirilən şəxs qəsdən qadına qarşı fiziki zor tətbiq edərək onun üz nahiyəsinə yumruq zərbələri endirib. Nəticədə Bəsti Bəşirzadəyə sağ göz orbiti ətrafında və üst dodağın orta hissəsində qançırlar, burunun sol yan səthində sıyrıqlar, eləcə də üst dodağın selikli qişasında əzilmiş yara kimi xəsarətlər yetirilib.

    Məhkəmə-tibbi ekspertizasının rəyinə əsasən, qeyd olunan xəsarətlər sağlamlığın qısa müddətə pozulmasına səbəb olan yüngüldərəcəli bədən xəsarətləri kimi qiymətləndirilib.

    Məhkəmə istintaqı zamanı Fərəc Bəşirzadə Cinayət Məcəlləsinin 128-ci maddəsi ilə irəli sürülmüş ittiham üzrə özünü tam təqsirli bilib. O, ifadəsində deyib ki, hadisə günü səhər saatlarında qardaşına məxsus mağazadan spirtli içki alaraq qəbul edib. Daha sonra həmin gün yenidən mağazaya qayıdaraq spirtli içki almaq istəyərkən anası buna mane olub. Bu səbəbdən aralarında mübahisə yarandığını deyən təqsirləndirilən şəxs əsəbiləşərək anasına zərbə endirdiyini etiraf edib.

    O, həmçinin anası ilə barışdığını, törətdiyi əməldən peşman olduğunu və məhkəmədən barəsində yüngül cəza təyin olunmasını xahiş edib.

  • Bakıda yaşayış evi çökdü, xəsarət alan var – Video

    Fövqəladə Hallar Nazirliyinin “112” qaynar telefon xəttinə paytaxtın Sabunçu rayonu, Bakıxanov qəsəbəsi, Gəray Əsədov küçəsində fərdi yaşayış evində çökmə baş verməsi barədə məlumat daxil olub.

    Bu barədə FHN məlumat yayıb.

    Məlumatla əlaqədar dərhal FHN-in Xüsusi Riskli Xilasetmə Xidmətinin xilasediciləri çağırış üzrə cəlb olunub.

    Hadisə yerində əməliyyat şəraiti qiymətləndirilərkən, torpaq uçqunu səbəbindən fərdi yaşayış evinin bir hissəsinin çökməsi nəticəsində 1996-cı il təvəllüdlü Hüseynova Günel Etibar qızının müxtəlif dərəcəli bədən xəsarətləri alaraq dağıntı altında qaldığı müəyyən edilib.

    Xilasedicilər xüsusi vasitələrin köməyi ilə dağıntı altında qalan vətəndaşı xilas edərək təcili tibbi yardım briqadasına təhvil veriblər.

  • Bakıda mənzillərin satış və kirayə qiymətləri artıb – CƏDVƏL

    Bu ilin yanvar-mart aylarında Bakıda mənzil bazarında mərhələli və sabit artım trendi formalaşıb.

    Bu barədə Azərbaycan Qiymətləndiricilər Cəmiyyətindən (AQC) məlumat verilib.

    Məlumata görə, birinci rübdə yeni tikililərdə qiymətlər orta hesabla 3,6%, köhnə tikililərdə təxminən 2,4%, inşası davam edən layihələrdə isə (kotlovan) 4% civarında artıb.

    Bu dinamika göstərir ki, bazarın əsas hərəkətverici seqmenti yenə də yeni tikililər və ilkin satış mərhələsində olan layihələrdir. İnvestor marağı, tikinti xərclərinin artması və yeni layihələrin məhdudluğu bu seqmentlərdə qiymət artımını daha sürətli edir.

    Rayonlar üzrə isə, Səbail, Yasamal və Nəsimi rayonları ən yüksək artım tempinə malik mərkəzi bazar zonaları olub. Nərimanov və Xətai, Nizami, Binəqədi sabit və yüksək likvidliyə malik orta seqment bazarı hesab olunur. Suraxanı, Sabunçu, Qaradağ, Pirallahı və qismən Xəzər rayonları inkişaf edən, lakin qiymət artım tempinin daha aşağı olduğu periferik bazarlar kimi qeydə alınıb.

  • Bakıda 3 min ev su kollektorunun üzərində tikilib

    Bakıda 3 min ev su kollektorlarının üzərində tikilib.

    Median.Az xəbər verir ki, Sitat.info bu barədə məlumatı etibarlı mənbədən əldə edib.

    Bildirilib ki, Bakıda və Abşeronda ümumilikdə 3 min ev su kollektorlarının üzərində inşa edilib.

    Mənbə bildirib ki, bu hal əsasən son 10 il ərzində qeydə alınıb. Bu isə sıradan çıxan kollektorların təmir və bərpa edilməsini çətinləşdirib.

    Bugünlərdə isə kollektorların üzərində yerləşən evlərin söküntüsünə başlanılıb. Qeyd edək ki, Bakının Xətai rayonu, Rəşid Bağırov küçəsində üzərində evlər tikildiyinə görə diametri 1200 mm olan tullantı su kollektoru çöküb, ərazidəki evləri su basıb. Qəzaya səbəb olan ev sökülüb.