Median.Az

Month: April 2026

  • Azərbaycanda avtomobil icarəsi ilə bağlı yeni qaydalar hazırlanır

    Azərbaycanda avtomobil icarəsi şirkətlərinin fəaliyyətinin tənzimlənməsi və bu sahədə əməliyyatların rəqəmsallaşdırılması istiqamətində normativ hüquqi akt layihələri hazırlanır.

    Median.Az report-a istinadən xəbər verir ki, yeni yanaşma çərçivəsində avtomobil icarəsi xidmətlərinin daha şəffaf və effektiv təşkili, həmçinin bazarda vahid qaydaların tətbiqi nəzərdə tutulur.

    Layihələr üzrə sənədlərin Rəqəmsal İnkişaf və Nəqliyyat Nazirliyi ilə cari ilin sonuna qədər razılaşdırılması prosesi davam etdirilir.

    Gözlənilir ki, qəbul ediləcək yeni tənzimləmələr avtomobil icarəsi bazarında xidmət keyfiyyətinin artırılmasına, əməliyyatların rəqəmsal mühitə inteqrasiyasına və istifadəçi məmnuniyyətinin yüksəldilməsinə töhfə verəcək.

  • Bakıda 12000 manatlıq mobil telefon oğurlanıb

    Bakıda 12000 manatlıq mobil telefon oğurlanıb.

    Bu barədə Daxili İşlər Nazirliyindən məlumat verilib.

    Bildirilib ki, martın 29-da paytaxtın Xətai rayonunda yerləşən telefon mağazalarının birində oğurluq edilməsi ilə bağlı polisə məlumat daxil olub.

    Xətai Rayon Polis İdarəsinin əməkdaşlarının həyata keçirdikləri tədbir nəticəsində əməli törətməkdə şübhəli bilinən 20 yaşlı Ərrəhman Nadirov müəyyən edilərək saxlanılıb.

    Araşdırmalarla məlum olub ki, o mağazanın şüşəsini sındıraraq içəri daxil olub və oradan ümumi dəyəri 12000 manat olan mobil telefonları talayaraq hadisə yerindən uzaqlaşıb.

    Faktla bağlı Xətai RPİ-də araşdırmalar davam etdirilir.

  • Bu məktəbdə tədris dayandırıldı

    Mehdiabad qəsəbə 3 nömrəli tam orta ümumtəhsil məktəbinin binasında aparılan texniki baxış zamanı divarlarda çatların yarandığı müəyyən edilib.

    Bununla bağlı Abşeron-Xızı Regional Təhsil İdarəsi məlumat yayıb.

    Bildirilib ki, baş verə biləcək xoşagəlməz hadisələrin qarşısının alınması, məktəb binasının təhlükəsiz istismarının təmin edilməsi məqsədilə təxirəsalınmaz tədbirlərin görülməsi barədə göstəriş verilib.

    “Belə ki, aprelin 1-dən etibarən təhsil müəssisəsinin fəaliyyəti müvəqqəti olaraq dayandırılıb. Tədrisin fasiləsizliyinin təmin edilməsi məqsədilə şagirdlərin yaxınlıqda yerləşən digər ümumi təhsil müəssisələrinə yönləndirilməsi və dərs prosesinə cəlb olunması həyata keçirilir.

    Hazırda Abşeron-Xızı Regional Təhsil İdarəsi tərəfindən aidiyyəti qurumlarla birgə yaranmış vəziyyətin səbəblərinin araşdırılması və zəruri təmir-bərpa işlərinin həyata keçirilməsi istiqamətində tədbirlər davam etdirilir. Proses nəzarətdə saxlanılır. Görülən işlər barədə ictimaiyyətə əlavə məlumat ictimaiyyətə təqdim olunacaq”, – məlumatda vurğulanıb.

  • Masazırda çökən yolla bağlı RƏSMİ AÇIQLAMA

    Xırdalan–Masazır–Novxanı avtomobil yolundan ayrılaraq Zəngilan rayonundan olan qaçqın və məcburi köçkünlərin məskunlaşdığı şəhərciyə gedən yolda çökmə hadisəsi qeydə alınıb.

    Bu barədə Azərbaycan Avtomobil Yolları Dövlət Agentliyi tərəfindən açıqlama verilib.

    Hadisə qeydə alınan kimi dərhal əraziyə Agentliyin əməkdaşları cəlb olunub, əlavə təhlükəsizlik tədbirləri görülüb və hərəkətin təhlükəsiz təşkili təmin edilib.

    Aparılmış ilkin araşdırmalara əsasən, çökməyə səbəb kanalizasiya kollektorunda baş vermiş qəza nəticəsində suyun yol yatağını yuması olub.

    Baş vermiş hadisə ilə bağlı operativ tədbirlərin görülməsi və problemin aradan qaldırılması məqsədilə aidiyyəti quruma dərhal məlumat verilib.

    Hazırda ərazidə vəziyyətin tam stabilləşdirilməsi və qəzanın aradan qaldırlması üçün aidiyyəti qurum tərəfindən müvafiq addımlar atılır.

    * * * * *

    Abşeron rayonu Masazır qəsəbəsində “Zəngilan şəhərciyi” ərazisində yeni çəkilən yol qısa müddət sonra çöküb.

    Bu barədə Baku TV məlumat yayıb.

    Hazırda yolun bəzi hissələrində ciddi deformasiya müşahidə olunur.

    Çökmənin aramsız yağan yağışlarla əlaqədar olduğu bildirilir. Həmçinin qeyd olunub ki, yol 2 ay əvvəl çəkilibmiş.

  • Bakıda 12 min manatlıq telefon oğurladı – Video

    Martın 29-da paytaxtın Xətai rayonunda yerləşən telefon mağazalarının birində oğurluq edilməsi ilə bağlı polisə məlumat daxil olub.

    Xətai Rayon Polis İdarəsinin əməkdaşlarının həyata keçirdikləri tədbir nəticəsində əməli törətməkdə şübhəli bilinən 20 yaşlı Ərrəhman Nadirov müəyyən edilərək saxlanılıb. Araşdırmalarla məlum olub ki, o mağazanın şüşəsini sındıraraq içəri daxil olub və oradan ümumi dəyəri 12000 manat olan mobil telefonları talayaraq hadisə yerindən uzaqlaşıb.

    Faktla bağlı Xətai RPİ-də araşdırmalar davam etdirilir.

  • В Кельбаджаре на строительство будет потрачено более 7 млн манатов

    В селе Зар Кельбаджарского района будет осуществлено строительство наружного водоснабжения, канализационных сетей и сооружений.

    Как сообщает Oxu.Az, в связи с этим начата процедура.

    Так, предварительная предполагаемая сумма, которая будет потрачена на реализацию указанного процесса, составляет 7 181 133 маната.

  • Kəlbəcərdə tikintiyə yeddi milyon manatadək pul xərclənəcək

    Kəlbəcər rayonunun Zar kəndinin xarici su təchizatı, tullantı su şəbəkə və qurğularının tikintisi həyata keçiriləcək.

    Bununla bağlı prosedur başlayıb.

    Belə ki, sözügedən prosesin həyata keçirilməsinə xərclənəcək ilkin ehtimal olunan məbləğ 7 milyon 181 min 133 manatdır.
    //oxu.az

  • AFFA-dan “Qarabağ”la matça görə “Kəpəz”ə AĞIR CƏZA VERİLDİ

    AFFA İntizam Komitəsi “Kəpəz” klubunu cərimələyib.

    Bu barədə komitənin bu gün baş tutan iclasında qərar verilib.

    Buna Misli Premyer Liqasının XXV turunda “Qarabağ”la matçdan sonra meydana kənar şəxslərin daxil olması səbəb olub. Bu hal cari mövsümdə üçüncü dəfə təkrarlandığı üçün Gəncə təmsilçisi 6 500 manat ziyana düşüb.

    Xatırladaq ki, “Kəpəz” həmin oyunda “Qarabağ”ı 1:0 hesabı ilə məğlub edib.

  • Bodrumda qayıq batdı: Ölənlərin sayı 18 nəfərə çatdı – TƏFƏRRÜAT (Yenilənib)

    Türkiyənin Muğla bölgəsinin Bodrum akvatoriyasında qaçaq (qeyri-qanuni) mühacirləri daşıyan rezin qayığın batması nəticəsində ölənlərin sayı 18 nəfərə çatıb.

    Bu barədə “Anadolu” agentliyi Türkiyə Sahil Mühafizəsi Xidmətinin komandanlığına istinadən məlumat yayıb.

    “Bu gün səhər saatlarında Bodrum sahillərində miqrantları qanunsuz daşıyan çoxsaylı sürətli rezin qayıq aşkar edilib və hadisə yerinə Sahil Mühafizəsi Xidmətinin gəmisi göndərilib.

    Vizual və səsli xəbərdarlıqlara baxmayaraq, qayıq yüksək sürətlə ərazidən uzaqlaşmağa çalışıb. Bütün xəbərdarlıqlara məhəl qoymayan nəqliyyat vasitəsi dayanmayıb və dənizdə pis hava şəraiti səbəbindən batıb.

    Əraziyə helikopter və üç qayıq göndərilib. Axtarış-xilasetmə əməliyyatları nəticəsində 21 nəfər xilas edilib, 18 qaçaq mühacirin meyiti sudan çıxarılıb”, – deyə mühafizə xidmətindən bildirilib.

    Xəbərdə bildirilir ki, hadisə yerində axtarış-xilasetmə əməliyyatları davam edir.

    * * * * *

    Türkiyənin Muğla bölgəsinin Bodrum rayonu akvatoriyasında qaçaq (qeyri-qanuni) mühacirləri daşıyan rezin qayığın batması nəticəsində azı 11 nəfər ölüb.

    Bu barədə “Haber Global” informasiya yayıb.

    Məlumata görə, 11 nəfərin meyiti sudan çıxarılıb, 21 miqrant isə xilas olunub.

    Bölgədə hava və quru yolu ilə axtarış-xilasetmə əməliyyatları davam edir.

  • Azərbaycandan çıxışı qadağan edilən 582 nəfərin ölkəni tərk etməsinin qarşısı alınıb

    Mart ayı ərzində Azərbaycandan çıxışı qadağan edilən 582 nəfərin ölkəni tərk etməsinin qarşısı alınıb.

    Bu barədə Dövlət Sərhəd Xidməti məlumat yayıb.

    Bildirilib ki, cinayətkarlığa qarşı mübarizə tədbirləri nəticəsində hüquq-mühafizə оrqanları tərəfindən axtarışda оlan 322 nəfər saxlanılaraq aidiyyəti оrqanlara təhvil vеrilib, ölkədən çıxışı qadağan edilən 582 nəfərin ölkəni tərk etməsinin, girişi qadağan olan 11 nəfərin isə ölkəyə daxil olmasının qarşısı alınıb.

    Həmçinin vurğulanıb ki, qanunsuz miqrasiya ilə mübarizə tədbirləri nəticəsində saxtalaşdırılmış tarix möhürü və pasportla, özgəsinə məxsus sənədlə dövlət sərhədini keçməyə cəhd göstərən 6 nəfər saxlanılıb. Sərhəd rеjim qaydalarını pоzduqlarına görə 72 nəfər saxlanılaraq barələrində müvafiq tədbirlər görülüb.