Median.Az

Month: April 2026

  • Rusiyada müəllimin azərbaycanlı ailənin övladı barədə sözləri qalmaqal yaradıb – FOTO

    Rusiyada müəllimin azərbaycanlı ailənin övladı barədə sözləri qalmaqal yaradıb – FOTO

    Rusiyanın Yekaterinburq şəhərində Ural Federal Universitetinin müəllimi Yuliya Volkovanın açıqlamaları qalmaqala səbəb olub.

    Median.Az ura.ru-ya istinadən xəbər verir ki, maliyyə və kredit kafedrasının baş müəllimi sosial şəbəkədə tələbəsinin və onun övladının fotosunu paylaşaraq təhqiramiz şərhlər yazıb.

    O, qızın xarici görünüşü ilə bağlı “bütün azərbaycanlı ailələr məni bağışlasın, amma belə gözəl insanlardan niyə belə çirkin uşaqlar doğulur” ifadəsini işlədib və uşağın artıq çəkisinin olduğunu bildirib.

    Uşağın anası sosial şəbəkələrdə bildirib ki, məsələ ilə bağlı prokurorluğa müraciət edib. Onun sözlərinə görə, qızın səhhətində problemlər var və artıq çəki qəbul etməsi dərman qəbul etməsi ilə bağlıdır:

    “O, uşağın ən uğursuz fotosunu paylaşıb. Necə olur ki, başqasının uşağını paylaşaraq onun çirkin olduğunu yazır?”

    Ural Federal Universitetindən bildirilib ki, faktla bağlı araşdırma aparılır və nəticəyə uyğun qərar veriləcək.

  • В Ханкенди запускают городские автобусные маршруты

    В Ханкенди запускаются городские автобусные маршруты, которые обеспечат бесперебойное и качественное транспортное сообщение по ключевым направлениям города.

    Как сообщили в Агентстве наземного транспорта Азербайджана (AYNA), в рамках создания современной транспортной инфраструктуры разработан и уже внедряется новый план сети общественного транспорта.

    Отмечается, что маршруты охватят все важные точки города. В частности, маршрут №1 будет курсировать по направлению “Клиника Карабахского университета – Ханкендинская швейная фабрика”, маршрут №2 – “поселок Кяркиджахан – железнодорожно-автовокзальный комплекс”, а маршрут №3 – “Клиника Карабахского университета – 1-е кольцо”.

    Всего по линиям определены 62 автобусные остановки, где уже установлены соответствующие знаки.

    Перевозки будут осуществляться экологически чистыми электробусами компании BakuBus. На начальном этапе на линии выйдут 10 транспортных средств с интервалом движения 14-15 минут.

    Оплата проезда будет осуществляться исключительно в безналичной форме – с использованием BakıKart, QR-билетов, а также через NFC с помощью банковских карт и мобильных платежных систем, включая Google Pay и Apple Pay. Пополнение физических карт возможно через терминалы на территории города.

    В агентстве также сообщили, что движение автобусов будет контролироваться в режиме реального времени через мониторинговый центр AYNA.

  • ŞAD XƏBƏR: Xankəndidə şəhərdaxili avtobus marşrutları fəaliyyətə başlayır

    ŞAD XƏBƏR: Xankəndidə şəhərdaxili avtobus marşrutları fəaliyyətə başlayır

    Xankəndi şəhərində müasir nəqliyyat infrastrukturunun qurulması istiqamətində ardıcıl işlər aparılır. Bu çərçivədə şəhərin ictimai nəqliyyat şəbəkəsi planı hazırlanıb və yeni marşrut şəbəkəsi üzrə marşrutlar artıq istifadəyə verilir.

    Azərbaycan Yerüstü Nəqliyyat Agentliyindən (AYNA) verilən məlumata görə, yeni marşrut şəbəkəsi şəhərin bütün vacib nöqtələrini birləşdirərək sakinlər üçün fasiləsiz və keyfiyyətli nəqliyyat xidmətini təmin edəcək.

    Sakinlərin rahatlığını və şəhərin vacib nöqtələri arasında fasiləsiz gediş-gəlişi təmin etmək məqsədilə üç marşrut xətti müəyyən edilib:

    1 nömrəli avtobus: “Qarabağ Universitetinin Klinikası – Xankəndi Tikiş Fabriki”;

    2 nömrəli avtobus: “Kərkicahan qəsəbəsi – Dəmiryol və Avtovağzal kompleksi”;

    3 nömrəli avtobus: “Qarabağ Universitetinin Klinikası – 1-ci dairə”.

    Yeni marşrutlar üzrə ümumilikdə 62 dayanacaq məntəqəsi təşkil edilib və müvafiq nişanlarla təchiz olunub.

    Sərnişindaşımalar “BakuBus” MMC-yə məxsus ekoloji təmiz elektrik avtobusları vasitəsilə həyata keçiriləcək. İlkin mərhələdə 10 ədəd nəqliyyat vasitəsi 14-15 dəqiqəlik intervalla xidmət göstərəcək.

    Ödəniş sistemi tamamilə nağdsız qaydada tənzimlənir:

    – Fiziki “BakıKart”;

    – QR-biletlər;

    – NFC texnologiyası (istənilən bank kartı, “Google Pay” və “Apple Pay”).

    Sakinlər “BakıKart”ın balansını şəhərdə yerləşdirilən ödəniş terminalları vasitəsilə artıra bilərlər.

    AYNA-nın Monitorinq mərkəzi avtobusların hərəkətinə real vaxt rejimində nəzarət edəcək. Qeyd edək ki, “BakuBus”ın müasir standartlara cavab verən bu təcrübəsi artıq Bakı və Gəncə şəhərlərində də uğurla tətbiq olunur.

  • Ледяной обрыв заблокировал сотни альпинистов в базовом лагере на Эвересте

    Огромная ледяная глыба рухнула на пути к вершине Эвереста, из-за чего сотни туристов и проводников застряли в базовом лагере. Восхождение на главную гору мира пришлось отложить на неопределенный срок.

    Об этом пишет The Guardian со ссылкой на Департамент альпинизма Непала.

    Представитель ведомства Химал Гаутам пояснил, что ледовые глыбы между базовым и первым лагерями крайне нестабильны и опасны для людей. Власти вместе с организаторами экспедиций сейчас оценивают обстановку, но альпинисты вынуждены ждать.

    По официальным данным, разрешения на весенний сезон уже получили 410 иностранцев. Обычно дорогу прокладывают специальные “ледолазы” к середине апреля, но в этом году риски слишком высоки. Глава местного комитета Лама Кази Шерпа рассказал, что они ждут, пока опасный серак растает сам.

    Этот участник ледопада Кхумбу размером с десятиэтажку считается самым коварным. В 2014 году из-за отколовшейся части льда погибли 16 проводников-шерпов. Ожидается, что основная волна восхождений начнется в следующем месяце при улучшении погоды.

  • Everestdə buzlaq çökdü: Yüzlərlə turist baza düşərgəsində qaldı

    Everestdə buzlaq çökdü: Yüzlərlə turist baza düşərgəsində qaldı

    Everest zirvəsinə gedən marşrutda böyük buz kütləsi uçub, nəticədə yüzlərlə səyahətçi və bələdçi baza düşərgəsində mühasirədə qalıb. Yer kürəsinin ən hündür dağına yürüşlər qeyri-müəyyən vaxtadək dayandırılıb.

    Bu barədə “The Guardian” nəşri Nepalın Alpinizm Departamentinə istinadla məlumat paylaşıb.

    Qurumun təmsilçisi Himal Qautamın sözlərinə görə, baza düşərgəsi ilə birinci düşərgə arasındakı buz təbəqələri kəskin dərəcədə qeyri-sabitləşib və insan həyatı üçün böyük risk yaradır. Mövcud şərait rəsmi orqanlar və ekspedisiya rəhbərləri tərəfindən diqqətlə yoxlanılır, buna baxmayaraq, alpinistlər hələ ki, gözləmə mövqeyindədirlər.

    Rəsmi statistikaya əsasən, yaz mövsümündə dırmanmaq üçün 410 xarici vətəndaş artıq lisenziya əldə edib. Qaydalara görə, xüsusi buzqıran qruplar marşrutu aprel ayının ortalarınadək təmizləməlidirlər, ancaq bu il təhlükə səviyyəsi həddindən artıqdır. Yerli komitə rəhbəri Lama Kazi Şerpa isə qeyd edib ki, hazırda riskli buzlağın təbii yolla əriməsini gözləməkdən başqa çarə yoxdur.

    Xumbu buzlağının təxminən onmərtəbəli bina hündürlüyündə olan bu zonası ən təhlükəli ərazi kimi tanınır. Xatırladaq ki, 2014-cü ildə qopan buz kütləsi 16 bələdçinin həyatına son qoymuşdu. Yürüşlərin əsas mərhələsinin gələn ay, hava şəraiti nisbətən normallaşdıqdan sonra başlaması proqnozlaşdırılır.
    //oxu.az

  • Kassa çekləri sağlamlıq üçün təhlükəlidir – Professor açıqladı

    Kassa çekləri sağlamlıq üçün təhlükəlidir – Professor açıqladı

    “Kassa çeklərində istifadə olunan kağızlarda insan orqanizmi üçün zərərli olan maddələr var”.

    Bunu Qaynarinfo-ya açıqlamasında professor Adil Qeybulla kassa çeklərinin sağlamlıq üçün təhlükəli olması ilə bağlı məlumata aydınlıq gətirərkən deyib.

    Onun sözlərinə görə, bunlardan biri də “Bisfenol A”dır:

    “Həmin maddə dəri ilə təmasda olduqda allergiya yaradır, sonra oradan orqanizmə keçərək müxtəlif xətəliklərə səbəb ola bilər. Təəssüflər olsun ki, bunlar günümüzün bir hissəsini təşkil edir. Bu cür risk faktorları çoxdur. Məsələn, plastik qablar və onlarda saxlanılan suların hamısı ziyanlıdır. Onların arasında da müxtəlif toksiki maddələr var. Həmin maddələr orqanizmə su ilə daxil olur. Bundan əlavə plastik qablarda, Çindən gələn kuklalarda, uşaq oyuncaqlarında xeyli toksiki maddələr var”.

    Adil Qeybulla xatırladıb ki, dünyada plastik qabların qadağan edilməsi ilə bağlı qərar var:

    “Bu barədə iş gedir və çeklərlə bağlı xəbərdarlıq var. Hesab edirəm ki, insanlar özləri diqqətli olmalıdır. Bunların hansısa formada dəyişdirilməsi daha məqsədəuyğundur”.

    Qeyd edək ki, kassa çeklərinin sağlamlıq üçün təhlükəli olduğu ilə bağlı məlumat yayılıb.

  • İran bu şəhərlərə uçuşları bərpa edir

    İran bu şəhərlərə uçuşları bərpa edir

    İran üç paytaxt şəhərinə sərnişin reyslərinə başlayır.

    Bu barədə “Pars Today” məlumat yayıb.

    Tehran-İstanbul, Tehran-Maskat, eləcə də Tehran-Pekin arasında sərnişin reysləri 26 apreldə bərpa olunacaq. Yük reysləri də adi qaydada həyata keçiriləcək.

    Tehran Maskat və İstanbula beynəlxalq reysləri də bərpa edir.

  • “Beşiktaş”ın sabiq futbolçusu vəfat etdi

    “Beşiktaş”ın sabiq futbolçusu vəfat etdi

    Nigeriya millisinin və “Beşiktaş”ın sabiq futbolçusu Maykl Eneramo vəfat edib.

    Bu barədə Nigeriya Futbol Federasiyası məlumat yayıb.

    40 yaşlı veteran futbolçunun ürəktutmasından dünyasını dəyişdiyi bildirilib.

    Qeyd edək ki, Maykl Eneramo Nigeriya millisinin heyətində 10 oyunda 3 qolla yadda qalıb. O, 2018-ci ildə peşəkar futbolla vidalaşıb.

  • Göygöldə təcili yardım maşını qəzaya düşdü

    Göygöldə təcili yardım maşını qəzaya düşdü

    Göygöldə təcili tibbi yardım avtomobili ilə minik maşını toqquşub.

    “Unikal”ın məlumatına görə, hadisə rayonun mərkəzi küçələrindən birində baş verib. Hərəkətdə olan Mercedes markalı təcili tibbi yardım avtomobili ilə “VAZ 2106” markalı minik maşını toqquşub. Qəza zamanı xəsarət alan olmasa da, avtomobillərə ciddi ziyan dəyib.

    Məlumata görə, təcili tibbi avtomobili xəstə gətirən zaman qəzaya uğrayıb.

    Hadisə yerinə polis əməkdaşları cəlb edilib.

    Fakt araşdırılır.

  • “Son zəng” tədbirləri ilə bağlı təlimat: Şagirdlər məktəbli formasında olmalıdır

    “Son zəng” tədbirləri ilə bağlı təlimat: Şagirdlər məktəbli formasında olmalıdır

    Azərbaycanda “Son zəng” tədbirinin keçirilməsi ilə bağlı bütün məktəblərə təlimat göndərilib.

    Təlimata əsasən, məktəblərdə “Son zəng” tədbirinin təşkil edilməsinə ümumi təhsil müəssisəsinin direktoru rəhbərlik edir, tədbir zamanı, tədbirdən sonra ümumi təhsil müəssisəsində baş verən hər hansı neqativ hadisəyə məsuliyyət daşıyır.

    Tədbir isə məktəbin həyətində, həyətyanı sahəsi olmayan müəssisələrdə isə idman və ya akt zalında təşkil olunmalıdır.

    Tədbir tədris prosesinə mane olmadan keçirilməli və təhlükəsiz şərait təmin edilməlidir.

    “Son zəng” tədbiri 13 iyun 2026-cı il tarixində səhər saat 9:00-da başlamalı və ən gec 2 saat ərzində bitməlidir.

    “Son zəng” tədbirində aşağıdakı şəxslər iştirak edə bilər:

    1-ci və 11-ci sinif şagirdlərinin valideynləri (qəyyum/himayəçi);

    Təhsili idarəetmə orqanlarının nümayəndələri (ETN, MÜTDA, BŞTİ, RTİ);

    Asayişi qorumaq üçün əvvəlcədən müəyyən edilmiş polis nümayəndələri, yerli icra hakimiyyətinin nümayəndələri, şəhid ailələrinin üzvləri və qazilər, məktəbin ictimai-sosial həyatında xüsusi rolu olan valideynlər.

    Təlimatda şagird geyimi, nizam-intizam və etik davranış tələbləri də var. Belə ki, şagirdlər tədbirdə məktəbli formasında olmalı, məzunların xarici görünüşü təhsil müəssisəsinin nizam-intizam qaydalarına uyğun və səliqəli olmalıdır. Bayraq müşayiəti ilə səsləndirmə yol verilməlidir.

    Tədbir üçün milli-mənəvi dəyərlərə uyğun hazırlanmış, rəsmi və bədii hissədən ibarət ssenari olmalı, ssenari müəssisə rəhbəri tərəfindən imza və möhürlə təsdiqlənməlidir. Tədbirin açılışı Azərbaycan Respublikasının Dövlət Himni ilə başlamalı, daha sonra şəhidlərin xatirəsi 1 dəqiqəlik sükutla yad edilməlidir.

    Bundan əlavə, xüsusi tələb və qeydlər də var. Belə ki, tədbirdə təşkilat və idarələrin nümayəndələri üçün xüsusi hazırlıq işləri aparılmamalı, masada yalnız içməli su olmalıdır. Həmin şəxslərə hədiyyə və gül dəstələrinin təqdim olunması qadağandır. Tədbirin bədii hissəsi yalnız məktəbin daxili imkanları əsasında təşkil olunmalıdır.

    MÜTDA təlimatda qeyd edilən tələbləri təsdiq edib. “Son zəng” tədbirinin keçirilməsi qaydalarını tənzimləyən təlimatdan irəli gələn məsələlərlə bağlı şagird, müəllim və valideynlərlə müvafiq söhbətlər aparılır.