Median.Az

Month: April 2026

  • Macarıstanda ilk dəfə görmə məhdudiyyətli siyasətçi nazir təyin edilib

    Macarıstanda ilk dəfə görmə məhdudiyyətli siyasətçi nazir təyin edilib

    Macarıstanda parlament seçkisində qalib gəlmiş “Tisa” partiyasının lideri Peter Madyar ölkə tarixində ilk dəfə görmə qabiliyyətini itirmiş siyasətçi Vilmoş Katai-Nemeti sosial və ailə məsələləri üzrə nazir təyin edib.

    Bu barədə “Bloomberg” məlumat yayıb.

    Madyarın sözlərinə görə, onun məqsədi hər bir vətəndaşın – doğulduğu yerindən və mənşəyindən asılı olmayaraq – keyfiyyətli səhiyyə və təhsilə çıxışını təmin etməkdir.

    Qeyd olunub ki, Madyar aprelin 24-də hökumətində təhsil naziri vəzifəsinə qadın namizədin də təyin olunacağını açıqlayıb. Son günlər o, parlament sədri, xarici işlər naziri və “Tisa” partiyasının fraksiya rəhbəri vəzifələrinə də qadın namizədlər irəli sürüb.

    Bundan əvvəl “Tisa” lideri Macarıstanın Avropa İttifaqı və NATO ilə tamhüquqlu iştirakını bərpa edəcəyini vəd etmişdi. O bildirib ki, partiya demokratiya və dövlətin müstəqilliyini təmin edən institutların fəaliyyətini yenidən quracaq.
    //unikal.az

  • Sərnişinlərin NƏZƏRİNƏ: Bakıda bəzi marşrutların hərəkət istiqaməti dəyişdirilir

    Sərnişinlərin NƏZƏRİNƏ: Bakıda bəzi marşrutların hərəkət istiqaməti dəyişdirilir

    Paytaxtın əsas küçə və prospektlərində aparılacaq təmir işləri ilə əlaqədar bir sıra marşrut avtobuslarının hərəkət istiqaməti dəyişdirilir.

    Azərbaycan Yerüstü Nəqliyyat Agentliyindən (AYNA) verilən məlumata görə, 24-27 aprel tarixlərində Səməd Vurğun və Rəşid Behbudov küçələrində, eləcə də Heydər Əliyev prospektinin əsas və kənar yollarında (şəhər istiqaməti) təmir işləri aparılacaq.

    Tətbiq ediləcək məhdudiyyətlərlə əlaqədar aşağıdakı marşrutların hərəkəti alternativ küçələrlə təşkil olunacaq:

    Səməd Vurğun küçəsindən keçən:

    61 nömrəli marşrut: Azadlıq prospekti ilə;

    88A nömrəli marşrut: Rəşid Behbudov və Salatın Əsgərova küçələri ilə.

    Rəşid Behbudov küçəsindən keçən:

    4 nömrəli marşrut: Puşkin küçəsi, Azadlıq prospekti və Füzuli küçəsi ilə;

    5, 20, 61 və 88 nömrəli marşrutlar: Xaqani, Puşkin və Füzuli küçələri ilə.

    Heydər Əliyev prospekti üzrə:

    H1 nömrəli marşrut: Əsas yoldan kənar yola yönləndiriləcək.

    Qurumdan o da bildirilib ki, Heydər Əliyev prospektinin qismən məhdudlaşdırılan kənar yolundan keçən 1, 13, 38 və M8 nömrəli marşrutların hərəkət intervallarında sıxlıqla bağlı artım ola bilər.

  • Россия и Украина обменялись пленными по формуле “193 на 193”

    Россия и Украина провели обмен пленными по формуле “193 на 193”.

    Об этом сообщает пресс-служба Минобороны РФ.

    “24 апреля с подконтрольной Украине территории возвращены 193 российских военнослужащих. Взамен переданы 193 военнопленных ВСУ”, – говорится в сообщении.

    На данный момент российские военные находятся на территории Беларуси: им оказывают медицинскую и психологическую помощь. Позже их привезут в РФ для прохождения лечения и реабилитации в медицинских учреждениях оборонного ведомства.

    Предыдущий обмен состоялся 11 апреля: тогда с подконтрольной Киеву территории вернулись 175 российских военнослужащих, и столько же человек было передано украинской стороне. Посредническую роль в гуманитарной части процесса сыграли Объединенные Арабские Эмираты.

  • Rusiya və Ukrayna arasında növbəti əsir mübadiləsi: Hər iki tərəfə 193 hərbçi qaytarıldı

    Rusiya və Ukrayna arasında növbəti əsir mübadiləsi: Hər iki tərəfə 193 hərbçi qaytarıldı

    Rusiya və Ukrayna arasında “193×193” formulu üzrə əsir mübadiləsi həyata keçirib.

    Bu barədə Rusiya Müdafiə Nazirliyi məlumat yayıb.

    “Aprelin 24-də Ukrayna ərazisindən 193 rusiyalı hərbçi geri qaytarılıb. Əvəzində Ukrayna Silahlı Qüvvələrinin 193 hərbçisi qarşı tərəfə təhvil verilib”, – deyə məlumatda bildirilib.

    Məlumata görə, hazırda rusiyalı əsirlər Belarus ərazisində yerləşiblər. Onlara tibbi və psixoloji yardım göstərilir. Sonradan onlar müalicə və reabilitasiya keçmək üçün Rusiyaya gətiriləcəklər.

    Qeyd edək ki, əvvəlki əsir mübadiləsi aprelin 11-də baş tutub. Həmin vaxt tərəflər qarşılıqlı olaraq 175 hərbi əsiri dəyişdiriblər. Prosesdə vasitəçilik rolunu Birləşmiş Ərəb Əmirlikləri oynayıb.

  • Sumqayıtda Ailə Sağlamlıq Mərkəzinin binası vətəndaşlar üçün təhlükə yaradır? – Sakinlərdən ŞİKAYƏT

    Sumqayıtda Ailə Sağlamlıq Mərkəzinin binası vətəndaşlar üçün təhlükə yaradır? – Sakinlərdən ŞİKAYƏT

    Sumqayıt Tibb Mərkəzinin tabeliyində olan 1 saylı Ailə Sağlamlıq Mərkəzinin (ASM) binası yararsız vəziyyətə düşüb.

    Bunu Oxu.Az-a Sumqayıt şəhər sakinləri bildiriblər.

    Qeyd edilib ki, ASM-in yerləşdiyi binanın divarlar çatlayıb, pəncərələr qırılıb:

    “ASM-in otaqlarının qapıları yararsız vəziyyətdədir. Qapını bağlamaq üçün tutacağına əski parçası bağlayıblar, oturacaqlar qırılıb-sökülüb, tavandan keçən elektrik kabelləri qopub, havada asılı vəziyyətdə qalıb. Həmin kabellər yapışqanla bağlanıb ki, bu da mərkəzə müraciət edənlərin həyatı üçün təhlükə yaradır”.

    Məsələ ilə bağlı Sumqayıt Tibb Mərkəzinə sorğu verilib.

  • Qazinin atasına qarşı DƏLƏDUZLUQ: qadın biznesmenə cinayət işi AÇILDI

    Qazinin atasına qarşı DƏLƏDUZLUQ: qadın biznesmenə cinayət işi AÇILDI

    Balakəndə qazi atasına qarşı dələduzluq edilib.

    MMC-lərdən birinin direktoru olan 39 yaşlı qadın Balakən rayon sakini olan qazini işə düzəltmək üçün atasından pul alıb. Lakin verdiyi sözü tutmayıb.

    İttiham aktına görə, təqsirləndirilən şəxs Səlimə Bağırova (ad və soyad şərtidir) zərərçəkən Firdovsiyə (şərti adla) söz verib ki, qazi olan oğlunu 3000 manat Qullar kənd 3 saylı məktəbində gözətçi vəzifəsinə düzəldəcək. Sonradan o, Firdovsidən 500 manat da alıb. Lakin qadın biznesmen verdiyi sözü yerinə yetirə bilməyib və pulu qaytarmayıb.

    Zərərçəkənin müraciəti əsasında Səlimə Bağırova saxlanılıb və barəsində dələduzluq maddəsilə cinayət işi açılıb.

    Təqsirləndirilən şəxsin sözlərinə görə, Firodovsinin oğlunu işə düzəltməyi zərərçəkənin həmkəndlisi olan şəhid atası ondan xahiş edib. Belə ki, Səlimə və şəhid atası bir ictimai birliyin üzvü olduqları üçün bir-birini tanıyıblar. Səlimə Bağırova zərərçəkəndən aldığı 3500 manatı tam ödədiyini və azyaşlı övladlarının olduğunu deyərək, barəsində amnistiya aktının tətbiq olunmasını istəyib.

    Zərərçəkən şəxs bildirib ki, Qullar kənd 3 saylı məktəbinin gözətçisi mart ayında pensiya çıxacaqdı. Buna görə də 3-cü qrup əlil olan qazi oğlunu həmin işə düzəltmək istəyib. Bunun üçün həmkəndlisi olan şəhid atasının vasitəsilə Səlimə Bağırova ilə tanış olub və onun bank kartına 3500 manat pul göndərib. Lakin mart ayı gələndə məktəbdə gözətçi işinə başqa adamın çıxdığını görüb. Bunu Səliməyə deyəndə, qadın bəhanə gətirərək həmin şəxsin gözətçi yeri boş qalmasın deyə müvəqqəti işə çıxarıldığını bildirib. Amma sonradan təqsirləndirilən şəxs nə pulu qaytarıb, nə də ki, zərərçəkənin oğlunu işə düzəldib.

    İstintaq zamanı isə qadın zərərçəkəndən dələduzluq yolu ilə aldığı 3500 manatı geri qaytarıb.

    Məhkəmənin qərarı ilə Səlimə Bağırova barəsində amnistiya aktı tətbiq olunub və o, cinayət məsuliyyətindən azad edilib.
    //lent.az

  • Dostunun yasında vəfat etdi

    Dostunun yasında vəfat etdi

    Tovuz rayonunda yas yerinə gedən kişi vəfat edib.

    “Qafqazinfo” xəbər verir ki, 1969-cu il təvəllüdlü Aşağı Quşçu kənd sakini İlqar Məmmədov dostunun yas mərasimində olarkən vəziyyəti ağırlaşıb.

    Nəticədə o, vəfat edib. Hadisə yerinə polis və prokurorluq orqanı əməkdaşları cəlb olunub.

    Faktla bağlı Tovuz Rayon Prokurorluğunda araşdırma aparılır.

  • Bakıda məktəbli yoldaşına xəsarət yetirdi – Araşdırma başladı (Yenilənib)

    Bakıda məktəbli yoldaşına xəsarət yetirdi – Araşdırma başladı (Yenilənib)

    Bakının Sabunçu rayonu, Bakıxanov qəsəbəsində yerləşən 80 nömrəli məktəbdə bıçaqlanma olduğu iddia edilir.

    Median.Az Bakuplus.az-a istinadən xəbər verir ki, 11-ci sinif şagirdlərindən biri digərini bıçaqlayıb.

    Hadisə yerinə polis əməkdaşları gəlib, hazırda faktla bağlı araşdırma aparılır.

    Direktor polis şöbəsinə çağırılaraq dindirilib.

    Məsələ ilə bağlı Bakı Şəhəri üzrə Təhsil İdarəsinə və Daxili İşlər Nazirliyinə sorğu ünvanlanıb.

    Bakı Şəhəri üzrə Təhsil İdarəsindən sorğumuza cavab olaraq bildirilib ki, aprelin 23-də Bakı şəhəri 80 nömrəli tam orta ümumtəhsil məktəbində XI sinif şagirdlərindən biri digərinə (müvafiq səbəbdən şagirdlərin adı qeyd olunmur) yüngül xəsarət yetirib.

    “Məktəb rəhbərliyi tərəfindən aidiyyəti qurumlara müraciət olunub. Valideynlər məktəbə dəvət edilib, onlara övladlarının davranışlarına diqqətin artırılması və bu istiqamətdə məktəblə əməkdaşlığın gücləndirilməsi yönündə tövsiyələr verilib. Məktəb psixoloqu tərəfindən uşaqlarla bağlı müvafiq dəstəkləyici tədbirlərə başlanılıb. Məktəbdə şagird davranış qaydalarına əməl olunmasına diqqət artırılıb, təlim-tərbiyə prosesinə uyğun olmayan hallara qarşı maarifləndirmə işi genişləndirilib. Məsələ aidiyyəti qurumlar tərəfindən nəzarətə götürülüb, araşdırmalara başlanılıb. Həmçinin hüquq-mühafizə orqanları tərəfindən müvafiq araşdırma aparılır. İctimaiyyətdən araşdırma aparıldığını nəzərə alaraq, məsələyə daha həssas yanaşılması, hadisə barədə rəsmi qurumların açıqlamalarına istinad edilməsi xahiş olunur”, – deyə məlumatda qeyd edilib.

    * * * * *

    Əldə etdiyimiz məlumata görə, Sabunçu rayonu ərazisində 17 yaşlı yeniyetməyə kəsici alətlə xəsarət yetirilməsi barədə polisə məlumat daxil olub.

    Əməli törətməkdə şübhəli bilinən həmyaşıdı polis əməkdaşları tərəfindən müəyyən edilib. Həmin şəxs valideynləri ilə birgə polis orqanına dəvət olunaraq izahatı alınıb. Xəsarətin dərəcəsini müəyyən etmək məqsədi ilə müvafiq ekspertiza təyin edilib.

    Araşdırma aparılır.

  • Küləyin sürəti 28 m/s-dək güclənir – FAKTİKİ HAVA

    Küləyin sürəti 28 m/s-dək güclənir – FAKTİKİ HAVA

    Azərbaycanın bəzi yerlərində küləkli hava şəraiti davam edir.

    Bu barədə Milli Hidrometeorologiya Xidmətinin aprelin 24-ü saat 16:00-a olan məlumatında qeyd edilib.

    Bir sıra ərazilərdə şimal-qərb küləyi əsir.

    Küləyin maksimal sürəti Naftalanda 28, Goranboyda 27, Tərtər, Bərdədə 22, Mingəçevir, Gəncə, Ağstafada 20, Lerikdə 19, Ağdamda 18, Yardımlı, Şəki, Xızıda 15 m/s-dək güclənir.

  • Suriyadan gətirilən daha 5 nəfər dəstək prosesinə cəlb edilib

    Suriyadan gətirilən daha 5 nəfər dəstək prosesinə cəlb edilib

    Suriyadan Azərbaycana repatriasiya olunmuş 2-si qadın, 3-ü uşaq olmaqla daha 5 vətəndaş üçün psixososial dəstək tədbirləri başlayıb.

    Bu barədə Əmək və Əhalinin Sosial Müdafiəsi Nazirliyi məlumat yayıb.

    Repatriasiya olunmuş şəxslərə ilkin tibbi və sosial-psixoloji yardım göstərilib.

    Vətəndaşların reabilitasiya prosesi başa çatdıqdan sonra onlar evlərinə yola salınacaqlar.