Avropa Liqasının pley-off mərhələsinin oyunlarından sonra UEFA-nın reytinq siyahısı açıqlanıb.
Azərbaycan “Qarabağ”ın dünən “Şerif” üzərindəki qələbəsi sayəsində aktivindəki xallarını 18,500-ə yüksəldib.
Aktivinə daha 0,250 xal əlavə etsə də, Azərbaycan yenə 26-cı pillədə qalıb.
Bununla belə, ölkəmiz 25-ci pillədə olan İsrail (18,625) və 22-ci yerdə gedən Polşanı (19,250) keçmək üçün yaxşı imkan əldə edib. Belə ki, bu iki ölkənin avrokuboklarda təmsilçisi qalmayıb.