Bakıda usta işlədiyi evdən 5700 dollar oğurladı

Bakıda evdən 5700 ABŞ dolları oğurlanıb.

Median.Az xəbər verir ki, bu barədə Daxili İşlər Nazirliyinin mətbuat xidməti məlumat yayıb.

Verilən məlumata görə, əməliyyat Yasamal rayon Polis idarəsinin 26-cı polis bölməsi əməkdaşları tərəfindən keçirilib.

Keçirilən əməliyyat-axtarış tədbirləri nəticəsində yanvarın 18-də rayon ərazisindəki evlərin birindəki seyfdən 5700 ABŞ dolları oğurlamaqda şübhəli bilinən, həmin evdə usta işləmiş Bakı şəhər sakini Elnur Nağıyev saxlanılıb.