Britaniyanın əfsanəvi “The Prodigy” texno-rok qrupunun vokalisti Kit Flit 49 yaşında dünyasını dəyişib.
Bu barədə “The Sun” nəşri məlumat yayıb.
Ekstravaqant müğənninin cansız bədəni martın 4-də Esseks qraflığındakı evində aşkarlanıb. Artistin ölümü barədə qohumları məlumatlandırılıb.
Ölüm səbəbi hələlik açıqlanmır. Bununla belə, Esseks polis idarəsinin rəsmisi, hüquq-mühafizə orqanları əməkdaşlarının hadisə yerində hər hansı şübhəli əlamət aşkarlamadığını bildirib.
“The Prodigy” 1990-cı ildə qurulmuş və elektron musiqi təmayüllü Britaniya musiqi kollektividir. Qrup “Fatboy Slim”, “The Chemical Brothers” və “Chrystal Method ilə yanaşı, 1990-2000-ci illərdə kifayət qədər populyar olan “biqbit” janrının pionerlərindən sayılır.
Leave a Reply