Bakıda bədii gimnastika üzrə Avropa çempionatı başladı

Bakıda bədii gimnastika üzrə Avropa çempionatına start verilib.

Çempionatda 35 ölkədən gimnastlar iştirak edirlər.

Dörd gün davam edəcək çempionatın fərdi proqramında böyük gimnastlar, qrup hərəkətləri proqramında isə gənc komandalar çıxış edəcəklər.

Turnirin açılışı zamanı Azərbaycan Gimnastika Federasiyasının baş katibi Fərid Qayıbov çıxış edib. Bundan sonra Sevda Ələkbərzadə Azərbaycan himnini ifa edib.

Qeyd edək ki, Bakı 2007-ci, 2009-cu və 2014-cü illərdə də bədii gimnastika üzrə Avropa çempionatına ev sahibliyi edib.