“British Airways” təyyarəsində tüstülənmə nəticəsində 19 sərnişin xəsarət aldı – VİDEO

Londonun Hitrou hava limanından Valensiyaya uçan “British Airways” aviaşirkətinə məxsus təyyarədə tüstülənmə baş verib.

Daily Mirror qəzeti xəbər verir ki, salonda tüstülənmə enişdən 10 dəqiqə əvvəl başlayıb.

Hadisə nəticəsində ən azı 19 sərnişin xəsarət alıb.

Təcili enişdən sonra təyyarəni hava limanında bir neçə yanğınsöndürən maşın və xilasetmə xidmətləri qarşılayıb. Sərnişinlər təyyarədən hava trapı ilə təxliyə edilib.

İlkin məlumata görə, tüstüdən zəhərlənən üç nəfər xəstəxanaya yerləşdirilib.