Bakının Yasamal rayonunda binalardan birindən iri şüşə parçası iki nəfərin üzərinə düşüb.
Median.Az oxu.az-a istinadən xəbər verir ki, hadisə Cəfər Cabbarlı küçəsində yerləşən “Globus Plaza”da qeydə alınıb.
Binanın pəncərəsindəki iri şüşə parçası qırılaraq səkiyə düşüb. Bu zaman yoldan keçən 1995-ci il təvəllüdlü Abdullayev Əşrəf Əhməd oğlu və 2001-ci il təvəllüdlü Qədirov Tunar Qabil oğlu xəsarət alıb.
Hər iki yaralı ağır vəziyyətdə xəstəxanaya aparılıb.
Hadisənin hansı səbəbdən baş verməsi araşdırılır.
Leave a Reply