Sumqayıtda uçuq-sökük halda olan şəhid bulağı ilə bağlı tədbir görüləcək.
Bu barədə Oxu.Az-ın sorğusuna cavab olaraq, Sumqayıt Şəhər İcra Hakimiyyətindən məlumat verilib.
Qeyd olunub ki, şəhid bulağının bərpası istiqamətində aidiyyəti qurumlara təlimatlar verilib:
“Ərazi üzrə icra nümayəndəliyinə məlumat verilib. Şəhid bulağı yerləşən ünvana baxış keçirilib. Qısa zamanda bulağın bərpa edilməsinə başlanılacaq”.
***
Sumqayıtda şəhid bulağı baxımsız vəziyyətdədir.
Median.Az xəbər verir ki, bu barədə redaksiyamıza ünvanlanan müraciətdə qeyd olunub.
Söhbət şəhərin Nəriman Nərimanov küçəsi 20/47A ünvanında yerləşən bulaqdan gedir.
Sözügedən ünvanda yaşayan sakinlər 1992-ci ildə şəhid olmuş Ələsgər Cəmil oğlu Mustafayevin xatirəsini əbədiləşdirmək məqsədilə quraşdırılan bulağın yararsız vəziyyətdə olmasından təəssüfləndiklərini deyirlər:
“Şəhid bulağına suyun verilişi dayandırılıb. Bundan əlavə bulağın kənarları uçuq-sökük, su kranı isə qırılmış vəziyyətdədir. Şəhidlərimizin ruhuna hörmətsizlik etmək, onların adını daşıyan bulağa bu qədər laqeyd yanaşmaq nə qədər düzgündür?”//oxu.az
Həmin görüntüləri təqdim edirik:
Leave a Reply