Bu gün Azərbaycanın daha üç cüdoçusu Macarıstanın paytaxtı Budapeştdə keçirilən dünya çempionatında mübarizəyə qoşulacaq.
Kişilərin yarışında Nicat Şıxəlizadə və Orxan Səfərov (hər ikisi -66 kq), qadınlardan isə Gültac Məmmədəliyeva (-52 kq) tatami üzərinə çıxacaq.
Şıxəlizadənin ilk rəqibi Lusian Dumitresku (Rumıniya) olacaq. Səfərov isə mübarizəyə İrlandiya təmsilçisi Naton Börnsə qarşı görüşlə start verəcək.
Məmmədəliyeva isə ilk qarşılaşmasında Tatyana Levitskaya-Şukvani (Gürcüstan) ilə üz-üzə gələcək.
Qeyd edək ki, yarışın ilk günündə 60 kq-da çıxış edən Kəramət Hüseynov bürünc medal qazanıb.
Leave a Reply