Sabirabad sakini olan 2 yaşlı uşaq dəqiqləşdirilməmiş pnevmoniya, tənəffüs çatışmazlığı, qıcolma səbəbindən vəfat edib.
Bu barədə oxu.az-ın sorğusuna cavab olaraq Tibbi Ərazi Bölmələrini İdarəetmə Birliyindən (TƏBİB) məlumat verilib.
“Noyabrın 29-da Sabirabad rayonu, Qarağac kənd sakini 2022-ci il təvəllüdlü uşaq ağır vəziyyətdə Şirvan Şəhər Mərkəzi Xəstəxanasına gətirilib. Ona dəqiqləşdirilməmiş pnevmoniya, tənəffüs çatışmazlığı, qıcolma diaqnozu təyin edilib. Həkimlərin səylərinə baxmayaraq, azyaşlının həyatını xilas etmək mümkün olmayıb”, – deyə məlumatda qeyd olunub.
* * * * *
Sabirabad sakini olan 2 yaşlı uşaq Şirvan xəstəxanasında ölüb.
APA-nın məlumatına görə, Sabirabad rayonunun Qaragüney kənd sakini 2 yaşlı (2022-ci il təvəllüdlü) T. B. pnevmaniya şübhəsi ilə ağır vəziyyətdə Şirvan xəstəxanasına çatdırılıb.
Həkimlərin intensiv terapiya cəhdlərinə baxmayaraq, azyaşlının həyatını xilas etmək mümkün olmayıb.