Nuranə Məcidovanın paraşütlə atlanarkən yıxılaraq ölməsi faktı üzrə araşdırma aparılır.
Bu barədə Baş Prokurorluq məlumat yayıb.
Bildirilib ki, iyulun 7-də Bakı şəhər sakini 1989-cu il təvəllüdlü Nuranə Məcidovanın Siyəzən rayonu Zarat kəndində yerləşən Beşbarmaq dağından paraşüt vasitəsilə atlanarkən yıxılaraq ölməsi faktı üzrə Siyəzən Rayon Prokurorluğunda araşdırma aparılır:
“Hadisənin baş vermə səbəbi tam, hərtərəfli və obyektiv araşdırılmaqla nəticəsi barədə müvafiq qərarın qəbul edilməsi təmin olunacaq”.