İlk dəfə: İki azərbaycanlı Britaniyanın fəxri mükafatına layiq görüldü (VİDEO)

İki Azərbaycan vətəndaşı ilk dəfə olaraq Böyük Britaniyanın fəxri mükafatı – Müqəddəs Mixail və Georgi Ordeni ilə təltif olunub.

Bununla bağlı Böyük Britaniyanın ölkəmizdəki səfirliyinin sosial media hesabında paylaşım edilib.

Belə ki, bp-nin Xəzər regionu üzrə vitse-prezidenti Bəxtiyar Aslanbəyli Böyük Britaniya-Azərbaycan münasibətlərinin inkişafında göstərdiyi xidmətlərə görə Britaniya İmperiyası ordeninin fəxri zabiti mükafatını alıb.

İsveçrə Siyasi Elmlər Assosiasiyası Empirik Metodlar İşçi qrupunun direktoru Nərgiz Hacıyeva isə təhsil sahəsində, eləcə də Böyük Britaniya-Azərbaycan münasibətlərinin möhkəmləndirilməsində göstərdiyi xidmətlərə görə Britaniya İmperiyası ordeninin fəxri üzvü olub.