Bakıda uşaq poliklinikasında tüstülənmə – YENİLƏNİB

Bakı şəhəri, Nizami rayonu, Q.Qarayev prospektində yerləşən uşaq poliklinikasında yanğın olduğuna dair məlumat yayılıb.

Məsələ ilə bağlı Tibbi Ərazi Bölmələrini İdarəetmə Birliyindən (TƏBİB) Oxu.Az-a verilən məlumata görə, onlara yanğınla bağlı heç bir məlumat daxil olmayıb.

FHN-dən verilən məlumata görə isə sözügedən uşaq poliklinikasında yüngün tüstülənmə qeydə alınıb. Hadisə ilə bağlı müvafiq təhlükəsizlik tədbirlər görülüb.

* * * * *

Bakıda yanğın hadisəsi baş verib.

Report-un xəbərinə görə, hadisə paytaxtın Nizami rayonu ərazisində yerləşən 17 saylı uşaq poliklinikasında qeydə alınıb.

Məlumata görə, hazırda Fövqəladə Hallar Nazirliyinin (FHN) yanğınsöndürən maşınları və canlı qüvvəsi əraziyə yollanıb.