Masallı rayonunda azyaşlı uşaq ölüb.
Bu barədə oxu.az-a hüquq-mühafizə orqanlarından məlumat verilib.
Məlumatda bildirilir ki, ötən gün saat 17:30 radələrində Masallı rayonu Şıxlar kənd sakini, 2011-ci il təvəllüdlü Ə.Səmədov yaşadığı evin yaxınlığındakı Şıxlar kənd qəbiristanlığında oynayırmış. Bu zaman qəbir başdaşılarından biri uşağın üzərinə aşıb. Uşaq aldığı xəsarətlərdən ölüb.
Hüquq-mühafizə orqanları tərəfindən hadisə yerinə baxış keçirilib.
Faktla bağlı Masallı Rayon Prokurorluğunda Cinayət Məcəlləsinin 124.1-ci maddəsi (Ehtiyatsızlıqdan adam öldürmə) ilə cinayət işinə başlanılıb.
Leave a Reply