Ağdaş rayonunda qohumlar arasında torpaq üstündə dava baş verib.
Bu barədə Oxu.Az-a hüquq-mühafizə orqanlarından məlumat verilib.
Ağdaş rayon Qaradeyin kənd sakini 1991-ci il təvəllüdlü Samir Məmişovla əmisi oğlu Paşa Məmişov arasında torpaq üstündə mübahisə yaranıb.
Nəticədə S.Məmişov P.Məmişova bıçaqla xəsarət yetirib. O, Mingəçevir Şəhər Xəstəxanasına yerləşdirilib.
S.Məmişov polis əməkdaşları tərəfindən keçirilən əməliyyat-axtarış tədbirləri nəticəsində saxlanılıb və istintaqa təqdim olunub.
Faktla bağlı cinayət işi açılıb və Ağdaş Rayon Polis Şöbəsi tərəfindən araşdırma aparılır.
Leave a Reply