“Bakıda metronun “Qara Qarayev” stansiyasının yaxınlığında baş verən qəzada həyatını itirən şəxs 2004-cü il təvəllüdlüdür”.
Bu məlumatı oxu.az-a açıqlamasında Bakı Şəhər Dövlət Yol Polisi İdarəsinin əməkdaşı Rüstəm Əhmədli verib.
“Hadisə avqustun 28-i saat 22:55-də Nizami rayonu Nəsimi küçəsi ilə Qara Qarayev prospektinin kəsişməsində baş verib. “Mercedes-Benz” markalı 01-AG-269 dövlət nömrə nişanlı yük avtomobili motosiklet sürücüsünü vurub. Hadisə nəticəsində motosikletin sürücüsü, 2004-cü il təvəllüdlü İsa Fikrət oğlu Əliyev həyatını itirib. Faktla bağlı araşdırma aparılır”, – deyə məlumatda bildirilir.
* * * * *
Bakıda metronun “Qara Qarayev” stansiyasının yaxınlığında ağır yol-nəqliyyat hadisəsi baş verib.
Bu barədə görüntülər sosial şəbəkələrdə yer alıb.
Belə ki, motosiklet sürücüsü İsa Əliyev TIR-ın altında qalaraq ölüb.
Hadisənin necə baş verdiyi məlum deyil.
Leave a Reply