Month: February 2019

İstənilən iqtisadiyyatın təməlində sabitlik dayanır. Dəyişən parametrlər şəraitində siz heç vaxt heç nəyi öncədən proqnozlaşdıra, və ya layihələndirə bilməzsiniz.

İstənilən sabitliyin kökündə milli valyutanın məzənnəsi durur. Bizdə bununla bağlı daima dəyişişiklik baş verir. Gah 70-i vurub keçir, gah 65-ə qədər enir.

Bunu “Komsomolski Pravda” nəşrinə Rusiyanın əslən azərbaycanlı iş adamı, “Krokus” şirkətinin prezidenti Araz Ağalarov deyib.

“Rusiyada ticarət balansının müsbət saldosu var. Hər gün valyuta bazarından valyuta alırıq. Rublun məzənnəsinin sabitliyini nəzərə alıb bunu etmək olar. Belə olan halda məzənnə sabitliyinə inflyasiya, Mərkəzi Bankın uçot dərəcəsi, işçilərin maaşları da bağlı olur.

İndi isə maaşlar dəyərdən düşən rublun məzənnəsi ilə ayaqlaşmır. Ötən il rubl 15 faizdən çox dəyərini itirib. Bütün bunlar neqativ ab-hava yaradır”, – deyə o bildirib.

A.Ağalarov qeyd edib ki, Rusiya iqtisadiyyatı indiki göstəricilərlə, yəni 190 milyardlıq müsbət saldo ilə zirehli qatar kimi sarsılmaz ola bilərdi:

“Hər şey ona uyğunlaşardı – həm maaşlar, həm məvaciblər, üstəlik, beynəlxalq investisiya da gələrdi.

Çünki onlar 60 məzənnə ilə daxil olduqlarına və həmin məzənnə ilə çıxdıqlarına əmin olardırlar. Məzənnə sabit olsa, bizim banklarda depozit yatırımları (hazırda 7-8 faiz civarındadır), ilə bağlı təkliflər valyutada olacaq.

Dünyanın hansı ölkəsində depozit əmanətə görə 7-8% faiz təklif olunur? Heç yerdə. Belə olan halda bizim depozitlərə pul yatırmaq istəyən xarici investorlar da ortaya çıxacaq”.
A.Ağalarov həmçinin Rusiya iqtisadiyyatının gücləndirilməsi ilə bağlı təkliflər də verib:

“Mənim təklifim belədir: heç nəyi dəyişmək, heç nə fikirləşib ortaya çıxarmaq lazım deyil. Sadəcə, çox bəsit düzəlişlər etmək lazımdır. Cərrahlar kəsib atır, axırının nə olacağı bilinmir. Türkəçarəçi isə otların köməyilə ora-burasını düzəldir və hər şey qaydasına düşür. Mən türkəçarə reseptləri verirəm”.

Sabaha gözlənilən hava şəraiti açıqlanıb.

Ekologiya və Təbii Sərvətlər Nazirliyinin Milli Hidrometeorologiya Departamentindən verilən məlumata görə, Bakıda və Abşeron yarımadasında fevralın 5-də havanın dəyişkən buludlu olacağı, arabir tutulacağı,

əsasən yağmursuz keçəcəyi gözlənilir. Gecə və səhər bəzi yerlərdə zəif duman, çiskin olacaq. Şimal küləyi gündüz mülayim cənub küləyi ilə əvəz olunacaq.

Havanın temperaturu Bakıda və Abşeron yarımadasında gecə 3-5, gündüz 7-9 dərəcə isti olacaq. Atmosfer təzyiqi normadan yüksək 775 mm civə sütunu, nisbi rütubət 70-80 faiz təşkil edəcək.

Azərbaycanın rayonlarında fevralın 5-də hava əsasən yağmursuz keçəcək. Lakin gecə və səhər bəzi yerlərdə duman, çiskin olacaq. Qərb küləyi əsəcək.

Havanın temperaturu gecə 2-6, gündüz 8-13 dərəcə isti, dağlarda gecə 0-5 dərəcə şaxta, gündüz 2-7 dərəcə isti təşkil edəcək.

Tibbi-meteoroloji proqnoza görə, fevralın 5-6-da Abşeron yarımadasında meteoroloji amillərin zəif və mülayim tərəddüdü gözlənilir ki, bu da meteohəssas insanlar üçün əsasən əlverişlidir.

Bərdə rayonunda Qazax rayonunun Kəmərli kənd sakini Yeganə Osmanova tərəfindən iki uşağın atılması faktı ilə əlaqədar Bərdə Rayon İcra Hakimiyyətinin Qəyyumluq və Himayəçilik komissiyası rəy verəcək.

Median.Az bildirir ki, bunu Trend-ə Ailə, Qadın və Uşaq Problemləri üzrə Dövlət Komitəsinin İnformasiya və Analitik araşdırmalar şöbəsinin müdiri Elgün Səfərov deyib.

Onun sözlərinə görə, araşdırmanın nəticələrinə uyğun olaraq, valideynlik hüququndan tam məhrumetmə, məhdudlaşdırma və ya inzibati cərimənin tətbiqi ilə bağlı qərar veriləcək: “Valideyn hüquqlarının məhdudlaşdırılması yerli icra hakimiyyətinin də qərarı ilə mümkündür. Hər bir halda istənilən qərar verilərkən uşaqların mövqeyi müdafiə edilməlidir. Amma qərarın verilməsi üçün, ilk növbədə, uşaqların təkbaşına saxlanılmasının səbəbləri üzə çıxarılmalıdır. Əgər valideynlik hüququndan sui-istifadə təsdiqini taparsa, onda məhkəmə 1-2 ay ərzində qərar verir”.

Bakıda qəbiristanlıqda kişi meyiti tapılıb.

Qaradağ rayon Prokurorluğundan verilən məlumata görə, fevralın 3-də Bakının Qaradağ rayonu, Lökbatan qəsəbəsində yerləşən qəbiristanlığn yaxınlığında naməlum kişi meyitinın aşkar olunması ilə bağlı prokurorluğa məlumat daxil olub.

Daxil olan məlumat əsasında polis və prokurorluq əməkdaşlarının iştirakı ilə hadisə yerinə və meyitə baxış keçirilib. Meyitin xarici müayinəsi zamanı onun üzərində hər hansı zorakılıq əlamətləri aşkar edilməyib. Polis və prokurorluq əməkdaşlarının birgə həyata keçirdikləri təxirəsalınmaz tədbirlər nəticəsində meyiti tapılan şəxsin, 1972-ci il təvəllüdlü Məmmədov Rasim Oruc oğlu olması müəyyən edilib.

Faktla bağlı Qaradağ rayon Prokurorluğu tərəfindən araşdırma aparılır.v

Bərdə rayonunda küçədən tapılan körpələrin anası tapılıb.

Median.Az report-a istinadən xəbər verir ki, hadisədən sonra Bərdə Rayon Polis Şöbəsinin əməkdaşları bu istiqamətdə əməliyyat axtarış tədbirlərinə başlayıblar.

Məlum olub ki, körpələrin anası Qazax rayonunun Kəmərli kənd sakini Yeganə Nemət qızı Osmanovadır.

Bərdə rayonunda işləyən Y.Osmanova report-a uşaqları maddi çətinlikdən saxlaya bilmədiyini və belə bir işi gördüyünü deyib: “Bir müddət kafedə və çay evlərində işlədim. Kirayə ev tapmışdım, günə 2 manat pul verirdim. Sonra işdən çıxdım və kirayə pulu da verə bilmədim. Bildim ki, ev yiyəsi bizi çıxaracaq, ona görə özüm gecə evdən çıxaraq qaçdım, uşaqları isə evdə saxladım. Sonra ev yiyəsi mənim gəlmədiyimi görüb uşaqlarımı bizi o aparan evə iş yoldaşıma verib”.

Faktla bağlı araşdıma aparılır.

Qeyd edək ki, Bərdə rayonunda yolun kənarından bacı-qardaş olan 2 azyaşlı uşaq tapılıb.

Yerli sakinlərin sözlərinə görə, körpələr tapılan zaman baxımsız vəziyyətdə olublar.