“Formula 1” üzrə SOCAR Azərbaycan Qran-prisində sıralama turuna yekun vurulub.
Median.Az-ın report-a istinadən məlumatına görə, “Mercedes” komandasının pilotu Valtteri Bottas ən yaxşı göstəriciyə imza atıb. Onun komanda yoldaşı Luis Hamilton ikinci, “Ferrari”dən Sebastyan Fettel isə üçüncü olub.
Qeyd edək ki, “Formula 1”də əsas yarış aprelin 28-də olacaq və saat 16:00-da başlayacaq.
Neftçalada ölümlə nəticələnən yol qəzası baş verib.
Median.Az report-a istinadən xəbər verir ki, hadisə rayonun Sübh adasında, Xəzər dənizi yaxınlığında qeydə alınıb.
Belə ki, “Mercedes” markalı minik avtomobilinin sürücüsü nəqliyyat vasitəsinə idarəetməni itirib. Nəticədə avtomobil aşıb. Hadisə zamanı Qırmızı Şəfəq kənd sakini, 1971-ci il təvəllüdlü Ələkbərov Vüqar Əliabbas oğlu ölüb.
Faktla bağlı araşdırma aparılır.
Azərbaycan Respublikasının Prezidenti İlham Əliyevin Çin Xalq Respublikasına işgüzar səfəri aprelin 27-də başa çatıb.
Median.Az xəbər verir ki, bu barədə Prezidentin Mətbuat xidməti məlumat yayıb.
Bakıda gənc qızın külli miqdarda pul vəsaiti mənimsənilib.
Median.Az-ın qafqazinfo-ya istinadən məlumatına görə, 1993- cü il təvəllüdlü Arifə Muradlı bu barədə Yasamal rayon 27- ci polis bölməsinə ərizə ilə müraciət edib.
O, bildirib ki, 2014-2018-ci illərdə yaşadığı ünvanda tanışları İsak və Həsənağa adlı şəxslərə 85.800 funt sterlinq və 11.800 ABŞ dolları məbləğində pul vəsaiti verib.
Lakin həmin şəxslər onu aldadıraq pul vəsaitini mənimsəyib.
Hazırda fakt üzrə polis bölməsində araşdırma aparılır.
Bakıda itkin düşən məktəbli qız tapılıb.
Median.Az bildirir ki, Bakı Şəhər Baş Polis İdarəsi və şəhər prokurorluğundan Trend-ə verilən məlumata görə, Nəsimi rayonunun polis və prokurorluq əməkdaşları tərəfindən görülmüş tədbirlər nəticəsində rayon ərazisində itkin düşmüş məktəbli tapılaraq ailəsinə təhvil verilib.
Xatırladaq ki, aprelin 26-da Bakı şəhər sakini, 2006-cı il təvəllüdlü Əliyeva Aydan Valeh qızının təhsil aldığı Bakı şəhəri 5 nömrəli məktəbdən çıxaraq naməlum istiqamətə getməsi barədə Nəsimi RPİ-nin 19-cu PŞ-nə edilmiş müraciət daxil olub.
Müraciət əsasında həyata keçirilmiş əməliyyat-axtarış tədbirləri nəticəsində A.Əliyeva aprelin 27-də tapılaraq ailəsinə təhvil verilib.
———
14:46
Bakıda ötən gün itkin düşən məktəbli qızla bağlı bəzi təfərrüatlar məlum olub.
Median.Az Trend-ə istinadən bildirir ki, məktəblinin yaxınları deyib ki, Aydan sonuncu dəfə məktəbin yaxınlığında olan mağazanın kameralarında görüntülənib.
Sinif yoldaşlarının sözlərinə görə, qız məktəbdən çıxarkən harasa tələsirmiş.
Qeyd edək ki, 2004-cü il təvəllüdlü Aydan Əliyeva ötən gün saat 13 radələrində təhsil aldığı məktəbdən çıxaraq mağazaya gedib.
Aydan Əliyeva Nəsimi rayonu, 4-cü mikrorayonda yerləşən 5 saylı məktəbin 7-ci sinif şagirdidir.
———–
13:21
Bakıda dünən itkin düşən Nəsimi rayonunda yerləşən 5 saylı orta məktəbin VII sinif şagirdi Aydan Əliyevanın axtarışları hələ də bir nəticə verməyib.
Median.Az bildirir ki, Aydanın anası Təranə Yusifova baku.ws-ə açıqlamasında Aydan itkin düşəndən bəri fasiləsiz olaraq qızını axtardığını deyir:
“Dünəndən küçələrdə qızımı axtarıram. Hər kəsə yalvarıram, qızımı kim görübsə, gecikmədən mənə xəbər versin. Aydan evdən çıxanda başında qırmızı rəngdə bandana vardı. Əynində yaşıl gödəkçə, ayağında ağ-qara krassovka, ağ rəngli köynək, tünd göy ətək, jaket və eyni rəngdə kalqotka geyinmişdi. Mən qızımı 1 saat nəzarətsiz qoymamışam. Bəlkə də belə davranmaqla səhv etmişəm”.
Məktəbin deirektoru Nərminə Gündüzlü Aydanın nümunəvi şagird olduğunu söylədi:
“Çox yaxşı şagirddir. Oxumağı da, tərbiyəsi də. Qiymətləri 4-5 idi. Özünü heç vaxt qeyri-adekvat aparmayıb. Yəni risk qrupuna daxil uşaq deyildi. Özünə qapalı uşaq deyildi, ünsiyyətcil idi. Gülüb-danışan qız idi.
Neçə ildir o məktəbdə işləyirəm, o ailə haqqında mənfi heç nə eşitməmişəm. Anası Aydanı nəzarətdə saxlayırdı, bütün valideyn iclaslarına gəlirdi. Uşağının hər addımı ilə maraqlanırdı.
Uşaq itkin düşən kimi anasına mən məsləhət gördüm ki, polisə müraciət etsin”.
Qeyd edək ki, A.Əliyeva dünən 26 apreldə dərsləri bitdikdən sonra – saat 13.00 radələrində məktəbi tərk edib, lakin evə gedib çıxmayıb. Tanışları onu sonuncu dəfə 13.14-də Zərifə Əliyeva adına Göz Klinikasının yanında görüblər.
Aydanın təhsil aldığı 5 saylı orta məktəb 4-cü mikrorayonda yerləşir. Özü isə anası ilə birlikdə 9-cu mikrorayonda yaşayır.
Aydanın üstündə mobil telefon olmayıb.
Ailəsi onu qohumların, rəfiqələrinin və ümumiyyətlə, əlaqəsi olduğu hər bir kəsin evində axtarıblar, amma heç yerdə tapılmayıb.
Valideynləri onun itkin düşməsilə bağlı polisə müraciət ediblər. Nəsimi Rayon 19-cu Polis Bölməsindən bildirdilər ki, Aydan Əliyevanın axtarışları davam edir. Hələlik heç bir nəticə yoxdur.
Aydanı görənlərdən DİN-nin 102 qaynar xəttinə və ya (55) 207-81-11 nömrəsinə zəng edərək məlumat vermək xahiş olunur.
———
12:06
Bakıda 13 yaşlı məktəbli qız itkin düşüb.
Median.Az baku.ws-ə istinadən xəbər verir ki, 4-cü mikrorayonda yerləşən 5 saylı orta məktəbin VII sinif şagirdi Aydan Əliyevadan dünəndən xəbər yoxdur.
O, dərsləri bitdikdən sonra – saat 13.00 radələrində məktəbi tərk edib, lakin evə gedib çıxmayıb.
Tanışları onu sonuncu dəfə 13.14-də Zərifə Əliyeva adına Göz Klinikasının yanında görüblər.
Aydan ailəsi ilə birlikdə 9-cu mikrorayonda yaşayır.
Aydanın üstündə mobil telefon olmayıb.
Ailəsi onu qohumların, rəfiqələrinin və ümumiyyətlə, əlaqəsi olduğu hər bir kəsin evində axtarıblar, amma heç yerdə tapılmayıb.
Valideynləri onun itkin düşməsilə bağlı polisə müraciət ediblər. Nəsimi rayon 19-cu Polis Bölməsindən bildirdilər ki, Aydan Əliyevanın axtarışları davam edir. Hələlik heç bir nəticə yoxdur.
Aydanı görənlərdən DİN-nin 102 qaynar xəttinə və ya (55)207-81-11 nömrəsinə zəng edərək məlumat vermək xahiş olunur.
Вчера ночью в Ичеришехере, закрытом из-за «Формулы 1», у женщины начались родовые схватки.
Об этом в интервью изданию «Советский спорт» рассказал исполнительный директор Операционной компании «Бакинское городское кольцо» Ариф Рагимов.
Старый город, как известно, полностью окружен трассой «Формулы», а потому въезд туда закрыт.
Однако, по словам Арифа Рагимова, машина «скорой помощи» смогла подъехать и забрать роженицу.
«Все прошло хорошо. Скорая помощь спокойно к ней приехала. Доехали нормально до больницы, там родила двойняшек», – отметил промоутер.
“Formula-1”ə görə bağlı olan İçərişəhərdə ötən gecə qadının doğum sancısı tutub.
Bu barədə “Sovetski sport” nəşrinə müsahibəsində Bakı Şəhər Halqası (BŞH) Əməliyyat Şirkətinin icraçı direktoru Arif Rəhimov danışıb.
Qədim şəhər, məlum olduğu kimi, “Formula” ilə əlaqədar tamamilə bağlıdır və buna görə də ora girmək mümkün deyil.
Ancaq Arif Rəhimovun sözlərinə görə, təcili yardım maşını əraziyə daxil olub və hamilə qadını götürüb.
“Hər şey yaxşıdır. Qadın xəstəxanaya çatdırılıb və orada əkizlər dünyaya gəlib”, – icraçı direktor bildirib.
London Universitet Kollecinin tədqiqatçıları siqaret çəkməyən insanlar arasında ağ ciyər xərçənginin meydana gəlmə səbəbini açıqlayıb.
Bu haqda “Journal of the Royal Society of Medicine” nəşrində məqalə dərc olunub.
Alimlərin sözlərinə görə, istehsalat sahələrində zərərli maddələrlə təmas, həmçinin şəhərlərdə havanın çirklənməsi və passiv siqaret çəkmə ağ ciyər xərçəngi inkişafının əsas səbəblərindəndir.
Kollecin onkoloji tədqiqatlar mərkəzinin direktoru – professor Mik Rik əmin edir ki, siqaret çəkməyən əksər insanlar onlarda belə bir onkoloji xəstəliyin meydana gələ biləcəyinə inanmır.
Onun dediyinə görə, vaxtında xəstəxanalara müraciət etmədiklərinə görə, sağalma şansları əhəmiyyətli dərəcədə aşağı düşür.
Dünyanın ən xöşbəxt ölkələri Paraqvay və Panama imiş. ABŞ-ın “Gallup” şirkətinin 2018-ci ilə dair tərtib etdiyi reytinq belə deməyə əsas verib.
Dünyanın 143 ölkəsində 150 min insan arasında keçirilmiş sorğuya əsasən, dünyanın ən nikbin və müsbət emosiyalara sahib insanları Latın Amerikasının sakinləridirlər.
Dünyanın ən xoşbəxt ölkələri siyahısına Qvatemala, Meksika, Salvador, Honduras, Ekvador, Kosta – Rika və Kolumbiya daxil olub.
Dünyanın ən bədbəxt insanları isə Afrika və Yaxın Şərq ölkələrində yaşayır.
“Xəzər” telekanalında Bədii Şura yaranıb.
Median.Az “Ölkə.Az”ın əldə etdiyi məlumata görə, Bədii Şuraya xalq artisti Nazpəri Dostəliyeva, xalq yazıçısı Elmira Axundova, bəstəkar Novruz Aslan, millət vəkili Siyavuş Novruzov, xalq artisti Həmidə Ömərova, kinoşünas Ayaz Salayev, kulturoloq Fuad Məmmədov, telejurnalist Həmid Herisçi üzv seçiliblər.
Qeyd edək ki, bu gün Bədii Şuranın ilk iclası keçirilib.