Median.Az

Month: April 2019

  • XƏBƏRDARLIQ: Tərkibində mənşəyi bilinməyən qatqılar olan yağlar satılır – VİDEO

    İsmayıllı sakini təxminən ay yarım bundan avvəl kərə yağı adı ilə aldığı yağı əridəndə yağın rəngi dəyişərək qaralmışdı. Vətəndaş bu səbəbdən Qida Təhlükəsizliyi Agentliyinin Şamaxı Regional bölməsinə müraciət etmişdi. Artıq nümunələrin cavabı məlumdur.

    Median.Az-ın məlumatına görə, Agentliyin Regional şöbəsindən Xəzər TV-yə bildirilib ki, vətəndaşın kərə yağı adı ilə aldığı məhsul fiziki-kimyəvi, mikrobioloji və yağ turşularının analiz edilməsi üçün laborator müayinəyə göndərilib. Laboratoriya nəticələrinə əsasən nümunədə mikrobioloji zərərli orqanizimlər aşkar edilməyib. Lakin analiz zamanı məhsulda uyğunsuzluqlar aşkar edilib. Məlum olub ki, tərkibində mənşəyi bilinməyən digər yaglar var və istifadəyə yararlı hesab edilmir.

    Sakinlər də tərkibi bilinməyən yağlardan istifadə etməyi məsləhət bilmirlər.

    Məhsulu satan mağazanın sahibi verdiyi izahatda satdığı məhsulun saxlanma şərtlərinə və mal qonşuluğu prinsiplərinə əməl etdiyini və məhsulu kərə yağı kimi satmadığını bildirib.

    Qida Təhlükəsizliyi Agentliyinin Regional bölməsindən bildirilib ki, istehsalçı şirkətinin istehsal obyektində araşdırma aparılması, yağın keyfiyyətinin yoxlanması təqdim edilmiş nümunəyə müdaxilə olunub-olunmaması və müvafiq tədbirlər görülməsi üçün aidiyyəti üzrə müraciət edilib.

  • Elşad Miri: Bu gələcəyimizə qoyulan atom bombasıdır – VİDEO

    BAKU.WS-in bugünkü müsahibi ilahiyyatçı Elşad Miridir.

    Elşad Miri ötən gün Dini Qurumlarla İş üzrə Dövlət Komitəsinin orta və ali məktəblərdə dini dərslərin yükünün artırılması haqda məsələyə münasibət bildirib. “Din dərslərinin yükünün fakültətiv dərs olaraq tədrisinə müsbət yanaşıram. Ancaq burda müəyyən sual doğuran məsələlər var. Bu dərsləri kim keçəcək? Bütün bunları nəzərə alaraq mən hələ gözləmə mövqeyindəyəm”.

    O, həmçinin “İslamda Yoxdur” adlı kitabının adıçəkilən Komitə tərəfindən Azərbaycanda qadağan edilməsi faktına da aydınlıq gətirib.

    Elşad Miri Quranın ilk kəlməsi olan “oxu”nun nə səbəbə dinin 5 vacibatına salınmasının səbəbinə də aydınlıq gətirib.

    İlahiyyatçı ilə müsahibəni təqdim edirik:

  • В Азербайджане открыли дело против должностного лица

    Возбуждено уголовное дело в отношении директора Исмаиллинского олимпийского спортивного комплекса Тофика Гумбетова.

    Как передает Median.Az со ссылкой на Report, против него выдвинуто обвинение по ст. 34,312 (дача взятки) и 178 (мошенничество) УК.

    Предварительное следствие уголовного дела в отношении Т.Гумбетова завершилось, дело передано в Гянджинский суд по тяжким преступлениям.

    Уголовное дело передано в производство судьи Фаика Махмудова. Время подготовительного заседания суда пока не названо.

    Пресс-секретарь министерства молодежи и спорта Самайя Мамедова отметила об обращении на прошлой неделе Т.Гумбетова по поводу освобождения от занимаемой должности: «Его заявление рассмотрено».

    Отметим, что Т.Гумбетов занимает должность директора Исмаиллинского олимпийского спортивного комплекса с 2017 года.

  • Messi ordenlə mükafatlandırıldı

    “Barselona”nın futbolçusu Lionel Messi mükafatlandırılıb.

    Median.Az komanda.az-a istinadən xəbər verir ki, argentinalı hücumçu Kataloniya hökuməti tərəfindən “La Creu de Sant Jordi” (“Müqəddəs Jordi Xaçı”) ordeninə layiq görülüb. Bu barədə klubun rəsmi saytı məlumat yayıb.

    “La Creu de Sant Jordi” mükafatı 1981-ci ildən etibarən, hər il verilən ordendir. Mükafat mədəni və sosial həyatda Kataloniya adının yüksəldilməsində xidmət göstərmiş şəxslərə verilir.

    Messinin mükafatlandırma mərasiminin may ayında keçiriləcəyi bildirilir.

  • Keşikçi Dağı ilə bağlı məsələ Gürcüstan parlamentində – Vitse-spikerdən AÇIQLAMA

    Gürcüstan və Azərbaycan arasında sərhəd məsələsi həll olunmalı və demarkasiya işləri aparılmalıdır.

    Median.Az xəbər verir ki, bunu jurnalistlərə Gürcüstan parlamentinin vitse-spikeri Gia Volski deyib.

    O, Gürcüstan Prezidenti Salome Zurabişvilinin Keşikçi Dağı Məbəd-Kompleksi ətrafında yaranmış vəziyyətdə günahlandırılmasını əsassız hesab edir: “Salome Zurabişvili Gürcüstanın dövlət maraqlarına xidmət edir və bu da Azərbaycanın maraqlarına zidd deyil. Gürcüstan və Azərbaycanın maraqları üst-üstə düşür. İki ölkə arasında sərhəd məsələsi həll olunmalıdır”.

    Qeyd edək ki, S.Zurabişvili aprelin 20-də Azərbaycanla sərhəddə yerləşən Keşikçi Dağı Məbəd-Kompleksinə baş çəkib. O, sərhədçilərlə görüşdən sonra bildirib ki, Gürcüstan-Azərbaycan sərhədinin müəyyən edilməsi üzrə məsələni tezliklə həll etmək lazımdır. Prezidentin sözlərinə görə, bu məsələni təxirə salmaq olmaz.//yenicag.az

    ***

    Gürcüstan parlamentinin bugünkü iclasında deputat Savalan Mirzəyev son günlər Keşikçi Dağı Məbəd-Kompleksi ətrafında yaranmış vəziyyətlə bağlı çıxış edib.

    Deputat Gürcüstan və Azərbaycan xalqlarının əsrlər boyu dostluq və qardaşlıq şəraitində yaşadığını bildirib.

    Onun sözlərinə görə, iki xalq arasında mehriban qonşuluq münasibətləri bundan sonra da davam edəcək. S.Mirzəyev məbəd-kompleksi ətrafında yaranmış vəziyyətin birgə səylərlə mütləq həll olunacağını bildirib.

    Çıxışının sonunda o, Gürcüstanın hazırkı və keçmiş siyasətçilərini məbəd ətrafında yaranmış vəziyyəti gərginləşdirməməyə çağırıb.//report.az

  • Alimlərdən bəd xəbər – Xərçəngdən tam sağalmaq mümkün deyil

    Əksər hallarda insan orqanizmində bütün xərçəngli hüceyrələri məhv etmək mümkün olmur. Xərçənglə mübarizədə daha effektiv metod metastazların inkişafını əngəlləməkdir. “Lock-‘n’-block” adlandırılan yeni yanaşma artıq heyvanlar üzərində uğurlu şəkildə sınaqdan keçirilib.

    Median.Az oxu.az-a istinadən bildirir ki, bunu ABŞ-ın Perdyü Universitetinin tibbi kimya və molekulyar əczaçılıq kafedrasının dosenti Maykl Vendt bildirib.

    Onun sözlərinə görə siçanlar üzərində aparılan sınaqların nəticəsi, fostamatinib (immun trombositopeniyanın müalicəsi üçün nəzərdə tutulan peroral dərman preparatı – red.) ikinci dərəcəli şişli ocaqların, yəni sadə dillə desək metastazların meydana gəlməsinin qarşını alır. O metastazlı hüceyrələrin tərkibində olan xüsusi zülalalı – SYK tirozinkinazını inhibasiya (boğmaq, kimyəvi reaksiyaların sürətini azaltmaq – red.) edə bilir.

    İlkin ocaqda qan damar sistemi ilə digər bədən üzvlərinə yayılan bu hüceyrələr uzun illər davam edə bilən lanentlik dövründən keçir və terapiyaya güclü davamlılıq göstərir.

    Alimlər süd vəzisinin bədxaxssəli şişlərinin biolüminesent lüsiferaz zülalını hasil etməsi üçün onları modifikasiya edib, daha sonra dördhəftəlik gəmiricilərin orqanizminə yeridib. Şiş 200 kub millimetr ölçüyə çatanda, onu cərrahi müdaxilə yolu ilə kənarlaşdırıblar, ardınca heyvanları fostamatiniblə müalicə ediblər.

    Lüsiferaz alimlərin metastazlı hüceyrələrin yayılma aktivliyini və çevrəsini müşahidə etməsinə imkan verib. Araşdırma göstərib ki, fostamatinib metastazların aktivləşməsinin qarşısını alır və ya ona əngəl yaradır.

    Alimlərin sözlərinə görə, döş vəzi xərçəngi hazırda müalicəsi olmayan xroniki xəstəlik kimi nəzərdən keçirilir. Hətta ilkin şiş uğurlu şəkildə kənarlaşdırılanda belə, 10-20 ildən sonra ikinci dərəcəli ocaqlar meydana gələ bilir.

  • Тунзале Агаевой вручен сертификат Звездного посла II Евроигр – ФОТО

    30 апреля в посольстве Беларуси в Азербайджане состоялась торжественная церемония вручения сертификата Звездного посла II Европейских игр 2019 года известной певице, композитору и Заслуженной артистке Азербайджана Тунзале Агаевой.

    Как передает Median.Az со ссылкой на Report, в приветственной речи посол Беларуси в Азербайджане Геннадий Ахрамович высоко оценил заслуги певицы как в творческой, так и спортивной жизни страны и выразил надежду, что ее авторитет и опыт помогут в деле продвижения и популяризации предстоящих Игр в Минске. Посол особо поблагодарил азербайджанскую сторону за оказанную консультационную помощь в процессе подготовки к II Европейским играм 2019 года, а также пригласил всех азербайджанцев посетить Беларусь во время их проведения.

    Заместитель генерального секретаря Национального Олимпийского комитета Азербайджана, вице-президент Федерации тяжелой атлетики Азер Алиев подчеркнул, что Тунзаля Агаева уже носила титул Звездного посла I Европейских игр, IV Игр исламской солидарности и гонок «Формула-1» в Баку. Она на высоком уровне представляла Олимпийское движение в Азербайджане и достойно справилась с возложенной на нее ответственностью. Азер Алиев пожелал новому Звездному послу успехов в предстоящей деятельности.

    В свою очередь, Тунзаля Агаева поблагодарила за оказанное высокое доверие и отметила, что для нее это назначение – одновременно большая честь и ответственность. Также она выразила уверенность в том, что Евроигры в Минске пройдут на достойном уровне, заверив, что для этого она со своей стороны приложит максимальные усилия.

  • İnternet nəhəngləri əllərinin uzandığı bütün ölkələrdə vergi ödəyəcək

    İqtisadi Əməkdaşlıq və İnkişaf Təşkilatının (OECD) baş katibi Angel Gurria, qısaca olaraq GAFA adı verilən “Google”, “Apple”, “Facebook” və “Amazon” kimi internet nəhənglərinin 2020-ci ilin sonuna qədər qanuni şəkildə vergiyə cəlb ediləcəyini açıqlayıb.

    Median.Az Sputnik Azərbaycan-a istinadla xəbər verir ki, Gurrianın sözlərinə görə, bundan sonra inkişaf etməkdə olan ölkələr bu günə qədər toplaya bilmədikləri vergini toplaya biləcək: “İlin bitməsinə hələ 8 ay var və layihənin üzərində işlər davam edir. Dünya ölkələrinin iqtisadiyyatları, cəmiyyətləri və ölkələri bir araya gələrək eyni kriteriyaların necə idarə ediləcəyinə dair razılığa gəlməlidir. Bunun üzərində çalışırıq. Çox çətin və qarışıq işdir. Ancaq buna baxmayaraq, böyük irəliləyiş müşahidə edirik”.

    Gurria, həmçinin bildirib ki, beynəlxalq vergi qaydaları mövzusunda Fransa, Almaniya, ABŞ və Türkiyə kimi ölkələrin maliyyə nazirləri başda olmaqla, hər kəs bu məsələnin OECD səviyyəsində həll edilməsini istəyir.

    Qeyd edək ki, bu gün rəqəmsal iqtisadiyyatın nəhənglərinin, sadəcə öz mərkəzi ofislərinin yerləşdiyi ölkədə vergi ödəməsi narazılıqlara yol açır.

  • Orta məktəb müəllimi oğurlanıb… – Beyləqanda şok olayın TƏFƏRRÜATI

    Azərbaycanda adam oğurluğunda təqsirli bilinən 1991-ci il təvəllüdlü Lənkəran şəhər sakini Ruslan Məcidzadə və 1970-ci il təvəllüdlü Yevlax rayon sakini Vasif Hüseynovun cinayət işi üzrə məhkəmə prosesi başa çatıb.

    Median.Az Teleqraf.com-a istinadən xəbər verir ki, Ruslan Məcidzadə və Vasif Hüseynov cinayət işi ayrı icraatda araşdırılan şəxslərlə 21 fevral 2017-ci il tarixdə Beyləqan rayonunun Eyvazalılar kənd sakini Əsmər Abbasovanın oğurlanması ilə bağlı razılığa gəliblər. Onlar bununla Ağdam rayon Prokurorluğunda ibtidai istintaqı aparılan təqsirləndirilən şəxslərin cinayət məsuliyyətindən azad edilməsinə nail olmaq istəyiblər.

    Müəyyən pul mükafatı müqabilində Əsmər Abbasovanı təkrar oğurlayaraq Eldəniz Mehdiyevlə bir müddət gizli ər-arvad münasibətlərində yaşatmaq, təqsirləndirlən şəxslər barəsində şikayət və tələbinin olmadığını təsdiqləyən ərizə almaq, ərizəni hüquq-mühafizə orqanlarına göndərməsini təmin etmək barədə sövdələşiblər.

    Ruslan Məcidzadə və Vasif Hüseynov mütəşəkkil dəstənin digər üzvlərinin sifarişi ilə 29 may 2017-ci il tarixdə “Mercedes-Benz” markalı avtomobillə Lənkəran şəhərindən Beyləqan rayonuna gəliblər.

    Əsmər Abbasovanın yaşadığı Beyləqan rayonunun Eyvazalılar kəndinin girəcəyinə yaxınlaşıblar. Orada Əsmərin evdən çıxıb məktəbə getməsini gözləyiblər.

    Əsmər Abbasova evdən çıxıb, piyada məktəbə doğru getdikdə dəstə üzvləri onun arxasınca hərəkət ediblər, zorla onu avtomobilə mindiriblər.

    Adam oğruları müəlliməni Ağcabədi rayonuna gətiriblər.

    Əsmər Abbasovanı həmin yerdə gözləyən Elxan Abzarovun idarə etdiyi “KİA RİO” markalı avtomobilə mindiriblər, Vasif Hüseynovun qohumuna məxsus, həmin vaxt heç kimin yaşamadığı Yevlax şəhərindəki evə aparıblar.

    Əsmər Abbasovanı Eldəniz Mehdiyevə təhvil verib, bunun müqabilində qrupun digər üzvündən hər birinə 795 manat alıblar.

    İstintaq orqanı tərəfindən Ruslan Məcidzadə və Vasif Hüseynovun barəsində Cinayət Məcəlləsinin 144.2.3-cü (bir qrup şəxs, qabaqcadan əlbir olan bir qrup şəxs və ya mütəşəkkil dəstə və ya cinayətkar birlik (cinayətkar təşkilat) tərəfindən adam oğurluğu) və 144.2.6-cı (tamah məqsədi ilə və ya sifarişlə adam oğurluğu törətmək) maddələri ilə ittiham elan edilib.

    Cinayət işinə Lənkəran Ağır Cinayətlər Məhkəməsində hakim Asim Hacıyevin sədrlik etdiyi kollegiyada araşdırılıb.

    Məhkəmənin hökmü ilə Ruslan Məcidzadə və Vasif Hüseynovun hər biri 2 il müddətinə azadlıqdan məhrum edilib.

    Hökmdən narazı qalan hər iki təqsirləndirilən şəxs apelyasiya şikayəti veriblər. Onlar barələrində Cinayət Məcəlləsinin 70-ci (şərti məhkum etmə) maddəsinin tətbiq edilməsini istəyiblər.

    Hər iki təqsirləndirilən şəxsin şikayəti araşdırılması üçün Şirvan Apelyasiya Məhkəməsinə göndərilib. Hakim Fuad Soltanovun sədrliyi ilə baş tutan prosesdə apelyasiya şikayətinin dəlilləri araşdırılıb, sonda qərar elan edilib.

    Apelyasiya şikayətləri təmin olunub.

    Ruslan Məcidzadənin cəzası 10 aya, Vasif Hüseynovun cəzası isə 4 aya qədər endirilib.

    Qeyd edək ki, mütəşəkkil dəstənin digər üzvlərinin barəsində olan cinayət işi ayrıca icraatda araşdırılıb.

  • Azərbaycanın “Eurovision 2019″dakı təmsilçisinin beş bek-vokalçısı olacaq – VİDEO

    “Eurovision 2019” mahnı müsabiqəsində təmsilçimizin beş bek-vokalçısı olacaq.

    İTV-dən verilən məlumata görə, səhnəyə yad sayılmayan bu şəxslər olduqca peşəkardırlar.

    Belə ki, Pernille Leeloo bu il Danimarkanın milli seçimləri olan “Dansk Melodi Grand Prix”ə qatılıb. Digər bek-vokalçı Sara Linnea 2012-ci ildə “Melodifestivalen” finalına qədər yüksəlib. Peter Simpson isə “Eurovision 2018”də Avstriya təmsilçisi ilə birgə çalışıb. İfaçı və bəstəkarlar Patrik Jean və Cedrik Hammar “Truth”a həyat verməyə və onu insanlarla bölüşməyə kömək edəcəklər.

    “Mən çox xoşbəxtəm ki, bu cür istedadlı və peşəkar insanlar Təl-Əvivdəki çıxışım üçün bizim komandaya qoşulublar. Musiqi prodüserimiz İsa Məlikov və ifaçılıq müəllimi Aleks Panayi, eləcə də “Truth” mahnısının müəllifi Borislav Milanovla birlikdə biz bir çox ifaçılarının profilini nəzərdən keçirdik ki, komandamıza qoşulacaq şəxsləri seçək. Əminik ki, komandamıza öz şəxsi toxunuşlarını gətirəcək və çıxışımızı daha rəngarəng edəcək səsləri seçmişik. İlk məşqimiz çox əla keçib və komandamızda çox gözəl harmoniya var”, – Çingiz Mustafayev bek-vokalçıları haqqında fikirlərini bölüşüb.

    Qeyd edək ki, Azərbaycan təmsilçisi Çingiz Mustafayev mayın 16-da “Eurovision 2019” mahnı müsabiqəsinin ikinci yarımfinalında 18-ci nömrə altında səhnəyə çıxacaq.//report.az