В Сумгайыте в общежитии, в котором размещались вынужденные переселенцы, произошел пожар, сообщает в пятницу МЧС Азербайджана.
Согласно сообщению, в поселке Гаджи Зейналабдин на площади 250 м² сгорели конструкции, подверженные горению.
Остальная часть зданий была защищена от огня. Возгорание было потушено пожарными бригадами.
Как сообщает Median.Az, сотрудники 21-го отделения полиции Насиминского РУП в результате оперативно-розыскных мер задержали жителя столицы, ранее судимого М.Шабанова, который 30-го марта украл деньги из автомобиля марки “Mitsubishi”, принадлежащего иностранному гражданину.
Ведется расследование.
Median.Az xəbər verir ki, Nəsimi RPİ 21-ci polis bölməsi əməkdaşlarının keçirdikləri əməliyyat-axtarış tədbirləri nəticəsində martın 30-da əcnəbi vətəndaşın “Mitsubishi” markalı avtomobilindən pul oğurlayan Bakı şəhər sakini, əvvəllər məhkum olunmuş M.Şabanov saxlanılıb.
Araşdırma aparılır.
Azyaşlı qıza qarşı seksual xarakterli hərəkətlər etməkdə təqsirləndirilən İsmayılov Vüqar İlqar oğlu Ali Məhkəməyə müraciət edib.
Bakı Ağır Cinayətlər Məhkəməsinin qərarından apelyasiya şikayəti verən V.İsmayılov qərarın dəyişdirilməməsindən sonra kasasiya şikayəti verib. İşə hakim Tahir Kazımovun sədrliyi ilə baxılacaq.
Qeyd edək ki, V. İsmayılov Cinayət Məcəlləsinin 150.3.3-cü (seksual xarakterli hərəkətlər törətmək, on dördü yaşına çatmyan şəxs barəsində törədildikdə) maddəsi ilə ittiham verilib.
İttiham görə, Vüqar İsmayılov 14 yaşına çatmayan qıza qarşı seksual xarakterli zorakılıq hərəkətləri törədib. Zərərçəkənin valideynlərinin şikayəti əsasında Vüqar İsmayılov həbs edilib. Onun barəsində məhkəmə tərəfindən həbs qətimkan tədbiri seçilib.
///News24.az
Bərdə rayonunda 4 uşaq anası intihar edib.
Median.Az “Report”a istinadən xəbər verir ki, hadisə rayonun Seyidyusifli kəndində baş verib.
Belə ki, 1973-cu il təvəllüdlü Ərəbova Şəraitə Dadaş qızı şirkə turşusu içərək özünü öldürüb.
Yerli sakinlərin verdiyi məlumata görə, Ş Ərəbova Bakı şəhər sakinidir. Ağdərə rayon sakini ilə ailə həyatı quraraq Seyidyusifli kəndində yaşayır. Dörd uşaq anası olan qadının həyat yoldaşı xəstə olduğundan psixoloji sarsıntılar keçirib. Bu səbəbdən də 46 yaşlı qadın intihar edib. Qadın Bakı şəhərində yerləşən xəstəxanaların birinə çatdırılsada həkimlər onun həyatını xilas edə bilməyib.
Faktla bağlı araşdırma aparılır.
Şübhə yoxdur ki, Vüqar Mahmudov bütün bunları sabiq nazirin göstərişi və razılığı əsasında gerçəkləşdirib.
Xəbər verildiyi kimi, keçmiş milli təhlükəsizlik naziri Eldar Mahmudovun əmisi oğlu Vüqar Mahmudovun cinayət işi üzrə məhkəmənin hazırlıq iclası mayın 1-nə təyin olunub. Cinayət işinin materialları artıq Bakı Hərbi Məhkəməsinə daxil olub və hakim Elbəy Allahverdiyevin icraatına verilib. Cinayət işi üzrə zərərçəkənlərin sayı da bəllidir. V.Mahmudov 2017-ci il noyabr ayının əvvəlində həbs edilib.
Ona Cinayət Məcəlləsinin 179.3.1-ci (mütəşəkkil dəstə tərəfindən mənimsəmə və ya israf etmə), 179.3.2-ci (külli miqdarda mənimsəmə və israf etmə), 182.3.1-ci (külli miqdarda əmlak əldə etmək məqsədi ilə hədə-qorxu yolu ilə tələb etmə), 182.3.2-ci (külli miqdarda əmlak əldə etmək məqsədi ilə hədə-qorxu yolu ilə tələb etmə), 302.1-ci (əməliyyat-axtarış fəaliyyətini həyata keçirmək səlahiyyətinə malik olmayan şəxslər tərəfindən belə tədbirlərin keçirilməsi, habelə əməliyyat-axtarış fəaliyyətini həyata keçirmək səlahiyyətinə malik olan şəxslər tərəfindən həmin tədbirlərin qanunvericiliklə müəyyən edilmiş əsaslar olmadan keçirilməsi şəxsin hüquq və qanunla qorunan mənafelərinin əhəmiyyətli pozulmasına səbəb olduqda), 302.2-ci (eyni əməllər gizli qaydada informasiya alınması üçün nəzərdə tutulmuş texniki vasitələrdən istifadə edilməklə törədildikdə) və 341.2.1-ci (bir qrup şəxs tərəfindən, ağır nəticələrə səbəb olmaqla hakimiyyətdən sui-istifadə etmə) maddələri ilə ittiham irəli sürülüb.
2004-cü ildə işə qəbul olunan Vüqar Mahmudov NTN-in Antiterror Mərkəzinin şöbə rəisinin müavini vəzifəsində işləsə də, faktiki olaraq nazirin köməkçisi funksiyasını həyata keçirib. Onun adı “MTN işi”nin istintaqı başlayandan dərhal sonra gündəmə gəlib. Vəzifədə olduğu dövrdə V.Mahmudovun MTN-də hətta nazir müavinlərindən də səlahiyyətli şəxs olduğu heç kimə sirr deyildi. Belə iddialar da vardı ki, MTN-çilərin qeyri-qanuni yığdıqları pullar V.Mahmudova verilib ki, bu səbəbdən də onu “qara kassa” adlandırırdılar. V.Mahmudovun nazirin adından danışmaq, əmr vermək və cəzalanacaq iş adamlarının siyahısını hazırlamaq kimi səlahiyyətlərinin olması xəbərləri də təkzib olunmur.
Sabiq milli təhlükəsizlik naziri Eldar Mahmudovun əmisi oğlu Vüqar Mahmudovun ölkədən çıxardığı pulun miqdarı açıqlanıb.
Teleqraf.com-un əldə etdiyi məlumata görə, 2004-cü ildən Eldar Mahmudovun köməkçisi olmuş Vüqar Mahmudov 2012-ci ilin iyununda 17944 və 50139, 2013-cü ilin yanvarında 50.418 və 129.646, 2013-cü ilin fevralında 18.440, 2013-cü ilin martında 20,385, 2013-cü ilin mayında 17.718, 2013-cü ilin oktyabrında 113.969 manat və 50.085 ABŞ dollarından ibarət cəmi 423.744 ABŞ dollarını sürücüsü Nail İbrahimovun, 2012-2014-cü illər ərzində 794.316 ABŞ dolları məbləğində isə “Kaspian Kristal” MMC-in rəhbəri olan qohumu Fuad Hacıyevin vasitəsilə “AGBank” ASC-dən Azərbaycan Respublikasının hüdudlarından kənarda fəaliyyət göstərən ayrı-ayrı hüquqi şəxslərin xarici ölkə banklarındakı hesablarına köçürülməsini təmin edib.
Vüqar Mahmudov ümumilikdə qeyri-qanuni yollarla 1.218.060 ABŞ dollarını ölkədən çıxarıb. Şübhə yoxdur ki, bütün bunlar sabiq nazirin göstərişi və razılığı əsasında baş tutub.
Mənbə: Yeni Musavat
Bakıda kişi sevgilisini bıçaqlayıb.
Median.Az-ın Lent.az-a istinadla verdiyi məlumata görə, hadisə ötən gün Suraxanı rayonu, Bülbülə qəsəbəsində qeydə alınıb.
Qəsəbə sakini 1978-ci il təvəllüdlü Firəngiz Abdullayeva onunla eyni evə qeyri-rəsmi ər-arvad münasibətində olduğu 1987-ci il təvəllüdlü Rəşad Mirzəyev tərəfindən bıçaqlanıb.
Qadın xəstəxanaya çatdırılıb. Onun həyatını xilas etmək mümkün olub.
Faktla bağlı Cinayət Məcəlləsinin 126.1-ci (qəsdən sağlamlığa ağır zərər vurma) maddəsi ilə cinayət işi başlanıb.
Salyanda mikroavtobus qəzasında xəsarət alanların adları məlum olub.
Median.Az Trend-ə istinadən xəbər verir ki, rayonun Noxudlu kəndində sərnişin mikroavtobusu ilə “Mercedes” markalı minik avtomobilinin toqquşması nəticəsində 9 nəfər xəsarət alıb.
Xəsarət alanlar – Salyan rayon sakinləri 1979-cu il təvəllüdlü Muradov Elməddin Yunis oğlu sol said sümüyünün sınığı, 1977-ci il təvəllüdlü İsmayılov Zaur Adil oğlu sol bud sümüyünün sınığı, Masallı rayon sakini 1965-ci il təvəllüdlü Zeynalova Xumnaz Feyruz qızı sol qulaq və alt dodağın əzilməsi və Cəlilabad rayon sakini 1952-ci il təvəllüdlü Soltanov Məmmədqulu Hətəm oğlu qarının və üzün sol tərəfinin küt əzilməsi xəsarətləri ilə Salyan rayon Mərkəzi Rayon Xəstəxanasına yerləşdiriliblər.
Qəzada xəsarət alan 1988-ci il təvəllüdlü Allahverdiyev Tanrıverdi Elnur oğlu, 1962-cil təvəllüdlü Əmənova Əzizə Əmir qızı, 1999-cu il təvəllüdlü Kərimov Bilal Nazim oğlu, 2001-ci il təvəllüdlü Əliyeva Şəfəq Famil qızı, onun qardaşı 2004-cü il təvəllüdlü Əliyev Nicat Famiq oğlu və 1987-ci il təvəllüdlü Abbasov Anar Azər oğlu ilkin tibbi yardım göstərildikdən sonra ambulator müayinəyə göndəriliblər.
Bakıda İsveçrə qızıl külçələrini saxtalaşdıran cinayətkar dəstə peyda olub. Fırıldaqçıların qurbanları yerli zərgərlərdir. Artıq bununla bağlı həftə ərzində ikinci fakt paytaxtın Yasamal rayonu ərazisində qeydə alınıb.
Bu barədə oxu.az-a Yasamal rayon hüquq-mühafizə orqanlarından məlumat daxil olub.
Şikayətçi 36 yaşlı Musayev Mirismayıl Mirmusa oğludur. Onun polisə verdiyi ifadəyə görə, aprelin 13-də 60 yaşlı T.İ. onu aldadıb. Sonuncu ona 23 min 600 dollar müqabilində 17 saxta qızıl külçə verib. M.Musayev külçələrin saxta olduğunu sonradan müəyyən edib. Saxta külçələr xarici görünüşünə görə əls külçələrə bənzəyib: hətta üzərində əyar göstəricisi (999,9) və digər keyfiyyət nişanları olub.
Musayev ona təqdim olunan külçələrin saxta olduğunu öyrənəndə, artıq gec olub. Satıcı izsiz-tozsuz yoxa çıxıb.
Bundan əvvəl Oxu.Az özünü T.İ. kimi təqdim edən həmin şəxsin Moskva prospektində yerləşən lombarda 19 qızıl külçə girov qoyduğunu və bunun müqabilində 41,363 manat borc götürdüyünü xəbər vermişdi.
29-cu Polis Bölməsinə hadisə ilə əlaqədar lombardın hüquqşünası Vüsal Məmmədov müraciət etmişdi. Onun dediyinə görə, külçələr paslanmayan metaldan hazırlanıb, sonradan qızıl suyuna salınıb.
Əldə olunmuş məlumatlara görə, cinayət-axtarış şöbəsinin əməliyyatçıları artıq T.İ.-ni taparaq onu dindirib. Kişi özü də fırıldağın qurbanı olduğunu bildirib. Onun sözlərinə görə, naməlum şəxslər saxta külçələrə görə ondan iri məbləğdə pul alıb. Ona görə də itirilmiş pullarını qaytarmağın yolunu axtarmağa məcbur olub.
Saxlanılan T.İ.-dən istintaqın gedişi ərzində ölkəni tərk etməməsi barədə iltizam alınıb və sərbəst buraxılıb. Ancaq hüquq-mühafizə orqanı əməkdaşları onun nələrisə gizlədiyindən şübhələnir. Onun saxta sikkələri Azərbaycana gətirən və ya onları burada hazırlayan dəstə ilə əlaqəli olduğuna dair şübhələr var.
Qeyd edək ki, dörd il əvvəl oxşar hadisələr Çexiyanın Zlin rayonunda baş vermişdi. Orada cinayətkarlar 250 qramlıq İsveçrə qızıl sikkələrini saxtalaşdırıblar. İnandırıcı görünməsi üçün qızıla “Argor-Heraeus” şirkətinin kefiyyət sertifikatını döyüblər.
Sonradan məlum olub ki, həmin külçələr ucuz volframdan hazırlanıb. Ancaq sikkələrin çəkisi və forması standartlara uyğun olub. Hətta yerli lombard ekspertləri də bu fırıldağın qurbanına çevrilib. Faktla üzrə 10-a yaxın insan saxlanılıb.
Bakıdakı saxta külçələrin isə hansı metaldan hazırlandığı hələlik aydın deyil. Məhkəmə ekspertizasının nəticələri hələ açıqlanmayıb.
Faktlarla bağlı araşdırma davam edir.
Bakının sıxlıq müşahidə olunan ətraf ərazilərində yanğın təhlükəsizliyinin təmin olunması, yanğınsöndürmə nəqliyyat vasitələrinin obyektlərə sərbəst yetişməsi, tıxacların aradan qaldırılması və bu ərazilərin memarlıq üslubunun və estetik görünüşünün müasir standartlar səviyyəsinə çatdırılması məqsədilə müvafiq tədbirlər görüləcək.
Bu barədə fikirlər Bakı Şəhər İcra Hakimiyyətində Fövqəladə Hallar Nazirliyi, Dövlət Şəhərsalma və Arxitektura Komitəsi, Dövlət Reklam Agentliyi, Bakı Nəqliyyat Agentliyi rəhbər nümayəndələrinin, Şəhər İcra Hakimiyyətinin strukturuna daxil olan təsərrüfat xidmətlərinin rəhbərlərinin iştirakı ilə keçirilən geniş müşavirədə səsləndirilib.
Müşavirədə Bakı Şəhər İcra Hakimiyyətinin başçısı Eldar Əzizov qeyd edib ki, paytaxtın sıxlıq müşahidə olunan ətraf ərazilərində yanğın təhlükəsizliyinin təmin olunması, yanğınsöndürmə nəqliyyat vasitələrinin obyektlərə sərbəst yetişməsi, tıxacların aradan qaldırılması və bu ərazilərin memarlıq üslubunun və estetik görünüşünün müasir standartlar səviyyəsinə çatdırılması məqsədilə müvafiq tədbirlər görüləcək.
Bu məqsədlə aidiyyəti qurumların nümayəndələrindən ibarət qərargah yaradılıb.
Qərargah üzvləri artıq küçələrin və buradakı obyektlərin inventarlaşmasına başlayıblar. İlkin olaraq Xətai rayonu, Məhəmməd Hadi küçəsi və Nizami rayonu Qara Qarayev prospektində bu işlərə başlanmışdır. İnventarlaşmanın nəticəsinə uyğun müvafiq tədbirlər planı hazırlanıb həyata keçiriləcək.
Bakı Şəhər İcra Hakimiyyətinin başçısı vurğulayıb ki, ölkə rəhbərliyinin tapşırığına uyğun olaraq bu işlərin həyata keçirilməsi zamanı heç bir sahibkar zərər çəkməməli, onların mənafelərinə uyğun əməkdaşlıq olmalıdır.