Median.Az

Month: April 2019

  • Ekspert: Bu il Şri-Lankanın turizm sektoru 1,5 milyard dollar zərər görəcək

    Ötən həftə Şri-Lankada törədilən silsilə terror hücumları səbəbindən ölkənin turizm sektorunun bu il ehtimal olunan itkisi 1,5 milyard ABŞ dolları qədərdir.

    “Report” “Daily Financial Times”ə istinadən xəbər verir ki, bu barədə Şri-Lanka Hotellər Birliyinin prezidenti Sənath Ükvəte məlumat verib.

    “Şri-Lanka tarixində ilk dəfədir ki, turistlər, mehmanxanalar terrorçuların hədəfinə çevriliblər. Proqnozumuza görə, bunun turizm sektoru üçün builki fəsadları 1,5 milyard ABŞ dolları həcmində olacaq”, – deyən ekspert keçmişdə Misir, Türkiyə, Belçika kimi ölkələrdə də törədilmiş terror hücumları nəticəsində ölkələrin turizm sektoru ilə yanaşı, iqtisadiyyatlarının da böyük ziyan gördüyünü bildirib.

  • Bakıda tələbə dərmandan zəhərləndi – Vəziyyəti ağırdır

    Bakı Dövlət Universitetinin (BDU) tələbəsi dərmandan zəhərlənib.

    Median.Az xəbər verir ki, hadisə bu gün baş verib.

    1998-ci il təvəllüdlü Səidə Nərimanovanın dərs zamanı vəziyyəti pisləşib. O, təcili tibbi yardım avtomobili ilə 1 saylı Kliniki Tibbi Mərkəzin Toksikologiya şöbəsinə aparılıb. 1 saylı Kliniki Tibbi Mərkəzin Toksikologiya şöbəsinin müdiri Azər Maqsudov açıqlamasında deyib ki, tələbə dərman qəbul edəndən sonra zəhərlənib və qəfildən halı pisləşib:

    “Təcili tibbi yardımın köməkliyi ilə günorta saatlarında bizim şöbəyə gətirilib. Hazırda onun müalicəsi davam etdirilir. Amma səhhəti orta-ağır olaraq qalır”./Report

  • Cəfər Cabbarlının romanı və məktubları tapılıb

    Azərbaycan ədəbiyyatının görkəmli nümayəndəsi, dramaturq, şair və nasir, teatrşünas, kinoşünas Cəfər Cabbarlının romanı və məktubları tapılıb.

    Median.Az xəbər verir ki, bu barədə Azərbaycan Milli Elmlər Akademiyasının “Facebook” səhifəsində məlumat yayılıb.

    Bildirilir ki, Ədəbiyyat İnstitutunun əməkdaşı, filologiya üzrə elmlər doktoru, professor Asif Rüstəmli tərəfindən ədibin “Kazım bəy” romanı, eləcə də bu günə kimi dərc edilməyən məktubları tapılıb.//qaynarinfo.az

  • Bakıda baş verən dəhşətli yol qəzaları (VİDEO)

    Bakıda baş verən dəhşətli yol qəzalarının görüntüsü ortaya çıxıb.

    Median.Az xəbər verir ki, qəzalarla bağlı görüntüləri Daxili İşlər Nazirliyi yayıb.

    Videoda yol hərəkət qaydalarını pozan sürücülər və piyadaların dəhşəti qəzaya səbəb olduğu əks olunur.

    DİN vətəndaşlara müraciətdə bildirir ki, yol hərəkəti qaydalarına riayət edin: “Özünüzün və başqalarının həyatını təhlükəyə atmayın”.

  • Обнаружена могила солдата, пропавшего без вести в карабахской войне 25 лет назад – ФОТО

    В Имишлинском районе спустя 25 лет обнаружили могилу пропавшего без вести во время боевых действий в Карабахе жителя Нефтчалинского села Холгарабуджаг Ильгара Гасаналы оглу Наджафова, 1975 г.р.

    Как передает Median.Az со ссылкой на Report, узнав о существовании в имишлинском селе Шаммедли кладбища неизвестных шехидов, отец шехида Гасаналы Наджафов связался с ахундом района Адыгезалом Башировым.

    Ему заявили, что в свое время на указанном кладбище были захоронены 32 неизвестных шехида, личность 25 из которых была установлена.

    Ахунд сопоставил фото сына Г.Наджафова с заснятыми во время похорон фотографиями шехидов и нашел сходство с одним из них.

    Обратившись в ИВ Нефтчалинского района, отец шехида попросил помочь перенести могилу сына в родное село.

    25 апреля при участии сотрудников Нефтчалинской ИВ и ахунда района Гаджи Мирсеймура Алиева могилу вскрыли и перенесли останки шехида в нефтчалинское село Холгарабуджаг, где предали земле на сельском кладбище.

    Отметим, что Ильгар Наджафов пропал без вести 10 января 1994 года в боях за физулинское село Абдулрахманлы.

  • Türkiyədə yaşayan azərbaycanlı müəlliməni qaçırdılar – Müge Anlı da işə qarışdı – FOTO

    Türkiyədə yaşayan Aytən Hüseynova adlı qızdan bir aydır xəbər yoxdur.

    Median.Az bildirir ki, azxeber.com-a müraciət edən A.Hüseynovanın yaxınlarının sözlərinə görə, Aytən bir neçə ildir ki, Ankarada xarici dil müəlliməsi kimi çalışırmış. Məlumata görə, A.Hüseynovanın sevgilisi tərəfindən qaçırıldığı bildirilir. Belə ki, öncədən tanış olduğu adı məlum olmayan şəxslə münasibəti olan qız bir neçə ay öncə sosial şəbəkədəki hesabında evləndiyini bildiribmiş.

    Araşdırmalar nəticəsində A.Hüseynovanın evləndiyi şəxsin adının saxta olduğu ortaya çıxıb. Məsələ ilə bağlı polis araşdırma başlayıb. Bununla yanaşı Türkiyənin tanınmış araşdırmaçı-jurnalisti Müge Anlı da məsələ ilə bağlı araşdırma aparır.

    Müge Anlı sabahdan etibarən qızın ailəsini efirə dəvət edəcəyinin anonsunu verib.

  • Azərbaycan Uruqvaya nota verib

    Azərbaycan Xarici İşlər Nazirliyi Dağlıq Qarabağdakı separatçı rejimin “xarici işlər naziri” Masis Mailyanın Uruqvaya getdiyi və orada “görüşlər” keçirdiyi barədə yayılan məlumatlar münasibət bildirib.

    Nazirlikdən verilən məlumata görə, sözügedən şəxs Uruqvayda yaşayan erməni icmasının dəvətilə qondarma “erməni soyqırımı” tədbirlərə qatılmaq üçün bu ölkəyə səfər edib:

    “Separatçı rejimin “nümayəndəsi” Uruqvay hökumətinin heç bir nümayəndəsi tərəfindən qəbul edilməyib. Uruqvay Senatının sədri Lusia Topolanski ilə görüşə gəldikdə isə onun parlamentdə qondarma “erməni soyqırımı” bağlı keçirilən tədbirdə iştirak etdiyini bildirmək istərdik. Həmin tədbir zamanı Uruqvay erməni icmasının digər nümayəndələri ilə görüşdə M.Mailyan da iştirak edib”.

    “Eyni zamanda məsələ ilə əlaqədar Argentinadakı səfirliyimiz Uruqvay Xarici İşlər Nazirliyinə Azərbaycan tərəfinin etirazını özündə əks etdirən nota təqdim edib. Uruqvay XİN cavabında bu məsələdə hökumətin rəsmi mövqeyinin fundamental və dəyişilməz olduğunu vurğulayıb. Azərbaycan səfirinin ən qısa zamanda Uruqvay Xarici İşlər Nazirliyində görüşünün keçirilməsi nəzərdə tutulub”, – XİN-dən qeyd olunub.

  • В связи с «Формулой-1» отменяются занятия в ряде университетов Баку

    Завтра некоторые университеты в Баку не будут функционировать.

    Как передает Median.Az со ссылкой на Oxu.Az, это связано с проведением в Баку SOCAR Гран-при Азербайджана «Формулы-1».

    Так, в расположенных на территории проведения гонок высших образовательных учреждений – главных зданий Азербайджанского государственного педагогического университета, Азербайджанского государственного экономического университета и Западно-каспийском университете занятия проводиться не будут.

    Отметим, что Гран-при Азербайджана «Формулы-1» пройдет 26-28 апреля.

  • Salyanda yol qəzası olub, 9 nəfər xəsarət alıb – YENİLƏNİB

    Salyan rayonunda “QAZel” markalı mikroavtobusla “Mercedes markalı avtomobilin toqquşması nəticəsində xəsarət alan 9 nəfərin kimliyi məlum olub.

    Median.Az report-a istinadən xəbər verir ki, bunlar Salyan rayon sakinləri – 1999-cu il təvəllüdlü Kərimov Bilal Nazir oğlu, 1962-ci il təvəllüdlü Əmənova Əzizə Əmir qızı, 1978-ci il təvəllüdlü İsmayılov Zaur Adil oğlu, 1979-cu il təvəllüdlü Muradov Elməddin Yuris oğlu, Cəlilabad Rayon sakinləri – 1981-ci il təvəllüdlü Hüseynov Əzizağa Məmmədağa oğlu, 1952-ci il təvəllüdlü Soltanov Məmmədqulu Hatəm oğlu, Bakı şəhər sakini, 2001-ci il təvəllüdlü Əliyeva Şəfa Famil qızı və Masallı rayon sakini, 1965-ci il təvəllüdlü Zeynalova Xumraz Feyruz qızıdır.

    Onlardan 5-i xəstəxanaya yerləşdirilib, 4-ü isə müayinə olunduqdan sonra ambulator müalicəyə buraxılıb.

    19:37

    Salyan rayonunda yol qəzası baş verib.

    Median.Az report-a istinadən xəbər verir ki, hadisə bu gün axşam saatlarında Noxudlu kəndi ərazisində qeydə alınıb.

    İlkin məlumata görə, “QAZel” markalı yük maşını ilə “Mercedes markalı avtomobil toqquşub. Nəticədə 7 nəfər xəsarət alıb. Onların şəxsiyyəti dəqiqləşdirilir.

    Faktla bağlı araşdırma aparılır.

  • Bakıda evlər bahalaşıb

    “Bu ilin əvvəlindən indiyədək Bakının daşınmaz əmlak bazarında qiymətlərdə ötən ilin müvafiq dövrü ilə müqayisədə 6%-lik artım var”.

    Median.Az-ın məlumatına görə, bu barədə “Report”a bazarı araşdıran “MBA” konsaltinq şirkətinin baş direktoru Nüsrət İbrahimov məlumat verib.

    Onun sözlərinə görə, alıcılıq qabiliyyətində də artım var: “Bu özünü bazarda müşahidə olunan aktivlikdə, həm sayda, həm də qiymətlərdə özünü göstərir”.

    N.İbrahimov deyib ki, ümumiyyətlə 2019-cu il ərzində daşınmaz əmlak bazarında qiymət artımı proqnozlaşdırılır: “Belə ki, qiymət artımı təqribən 6-8% civarında olması gözlənilir.

    Ekspert həmçinin əlavə edib ki, bu il mənzil bazarında ola bilsin ki, 5-6%-lik artım olsun: “Lakin torpaq bazarında 5-6%-lik artımdan daha çoxunu gözləyirik. İcarə bazarında 4-5%, mənzillərin kirayəsində isə qiymət artımı 7-8% ola bilər”.

    O, Azərbaycanda əmlak alanlar barədə danışarkən qeyd edib ki, ölkədə əmlak satınalanlar azərbaycanlılardır: “Xaricilərin – ərəblərin, ingilislərin ölkədə kütləvi şəkildə əmlak almalarına rast gəlməmişəm. Bu kimi hallar az olur”.