Median.Az

Month: April 2019

  • Əvvəlki illərin məzunları üçün qəbul imtahanı keçiriləcək

    Dövlət İmtahan Mərkəzi (DİM) tərəfindən aprelin 28-də əvvəlki illərin məzunları üçün I, II, III və IV qruplar üzrə qəbul imtahanının birinci mərhələsi, həmçinin V qrup üzrə ali təhsil müəssisələrinə və tam (11 illik) orta təhsil bazasında kolleclərə qəbul imtahanı keçiriləcək.

    DİM-dən verilən xəbərə görə, abituriyentlər imtahana buraxılş vəsiqəsini çap edə bilərlər.

    Bundan əlavə, aprelin 28-də ali və orta ixtisas təhsili müəssisələrinin müsabiqəsində buraxılış imtahanı çərçivəsində verilən xarici dil fənnindən fərqli xarici dil fənni üzrə iştirak etmək istəyən cari ilin məzunları seçdikləri əlavə xarici dil fənnindən, tədris Azərbaycan dilində aparılan təhsil müəssisəsində təhsil alan, lakin elektron ərizə doldurarkən rus bölməsini seçən şagirdlər üçün rus dili fənnindən, tədris rus dilində aparılan təhsil müəssisəsində təhsil alan, lakin elektron ərizə doldurarkən Azərbaycan bölməsini seçən şagirdlər üçün Azərbaycan dili fənnindən, tədris dili Azərbaycan və rus dillərindən fərqli olan ümumi təhsil müəssisələrinin məzunları üçün ali təhsil müəssisələrinə qəbul olmaq üçün ərizə təqdim edərkən seçdikləri bölməyə uyğun olaraq Azərbaycan dili və ya rus dili fənnindən, xarici dil fənni tədris olunmayan təhsil müəssisələrinin məzunları ali və orta ixtisas təhsili müəssisələrinə qəbul olmaq üçün elektron ərizə doldurarkən seçdikləri xarici dil fənnindən imtahan, 7, 14 və 21 aprel tarixlərində keçirilmiş buraxılış imtahanlarında üzrlü səbəbdən iştirak edə bilməyən cari ilin məzunları üçün buraxılış imtahanı, orta məktəbi əvvəlki illərdə bitirib təhsil sənədi ala bilməyən şəxslər üçün eksternat qaydasında buraxılış imtahanı keçiriləcək.

    DİM I, II, III və IV qruplar üzrə qəbul imtahanında iştirak etmək istəyən əvvəlki illərin məzunlarının nəzərinə çatdırır ki, onlar mütləq aprelin 28-də qəbul imtahanının birinci mərhələsində iştirak etməlidirlər. Bu imtahanda iştirak etməyənlər qəbul imtahanının ikinci mərhələsinə buraxılmayacaqlar.//milli.az

  • Cəlilabadda çay daşdı, yol dağıldı – FOTO

    Nio çayında suyun səviyyəsinin artması Cəlilabad-Yardımlı yolunda fəsadlara yol açıb.

    Median.Az qafqazinfo-ya istinadən xəbər verir ki, çayın üzərindəki körpü yararsız hala düşüb.

    Suyun səviyyəsinin artması səbəbindən avtomobil yolu dağılıb, su ötürücü borular zədələnib.

  • Rusiyalı müğənni avtomobil qəzasında tanınmaz hala düşdü – FOTO

    Rusiyalı müğənni Maksim avtomobil qəzasına düşüb.

    Median.Az axşam.az-a istinadən xəbər verir ki, bu barədə onun prodüseri məlumat verib.

    Bildirilir ki, o, hava limanına gedərkən avtomobili sürüşərək, yoldan çıxıb.

    Sənətçi hazırda həkimlərin müayinəsi altındadır. Lakin onun bədəni qəzanın təsirindən əzilib və tanınmaz hala düşüb.

  • Приостановлен учебный процесс в ряде школ Баку

    Учащимся школы-лицея №6 имени Т.Исмаилова, расположенного на отрезке, пролегающем через маршрут Гран-при Азербайджана «Формулы 1», до 30 апреля предоставлен отдых.

    Об этом Report сообщили в школе.

    Было отмечено, что в связи с закрытием дорог, с 22 апреля в процессе посещения учащимися учебных заведений возникли трудности: «Из-за закрытия дорог до 30 апреля детям трудно посещать школу. По этой причине они не смогут присутствовать на уроках. Однако, не пройденный за эти дни учебный материал они усвоят в начале мая. Что касается педагогов, они приходят на работу каждый день».

    Как сообщили в учебном комплексе №132-134, несмотря на то, что школьное здание расположено вдоль схемы прохождения соревнований, уроки здесь не прекращались: «Было обращено к родителям, чтобы учащиеся посещали школу до 13:00 часов 26 апреля».

    Что касается полной средней школы №23, расположенной вдоль схемы прохождения соревнований, на звонки в указанном учебном заведение никто не ответил.

    Ожидается распространение Министерством образования заявления в связи с данным вопросом.

    Отметим, что Гран-при Азербайджана «Формулы 1» пройдет 26-28 апреля.

  • Nazirlik əməkdaşları: “Hüseyn Abdullayev büdcədən 23 milyon 689 min manat yayındırıb”

    Bakı Hərbi Məhkəməsində sabiq deputat Hüseyn Abdullayev, onun anası Zeynəb Abdullayeva, Həbib İbrahimov, Xalid Əliyev, Namiq Babayev, İntiqam Süleymanov, Pərviz Kazımov, Zaur Quliyev və Nazim Əliyevin Cinayət Məcəlləsinin müvafiq maddələri ilə təqsirləndirilmələrinə dair cinayət işi üzrə məhkəmə prosesi keçirilib.

    Median.Az Trend-ə istinadən bildirir ki, hakim Həbib Həsənovun sədrliyi ilə keçirilən növbəti baxış iclasında mülki iddiaçı və şahidlər dindiriliblər.

    Vergilər Nazirliyinin əməkdaşları Qoşqar Bədirxanov və Xəyal Əhmədov məhkəmə iclasında mülki iddiaçı kimi ifadə verərkən iddianı müdafiə etdiklərini bildirməklə göstəriblər ki, Hüseyn Abdullayev əldə etdiyi qazancdan dövlət büdcəsinə ödəməli olduğu 23 milyon 689 min manat məbləğində külli miqdarda vergiləri dövlət büdcəsinə ödəməkdən yayındırıb.

    Onlar ifadələrində vurğulayıblar ki, sabiq deputat “Kənan S” MMC-də 2011-2014-cü illər ərzində mövsümi işçilərin sayını bilərəkdən azaldaraq muzdlu işlə əlaqədar ödəmə mənbəyindən tutulmalı olan vergini anası Zeynəb Abdullayeva ilə birlikdə ödəməkdən yayındırıb.

    Məhkəmədə, həmçinin müəyyən olundu ki, H.Abdullayev anası Zeynəb Abdullayeva ilə birlikdə fəaliyyətinə rəhbərlik etdiyi “Araz-SA” MMC-nin istifadəsində olan torpaq sahəsinin ölçülərini 2011-2017-ci illər ərzində vergi orqanına təqdim edilmiş rəsmi bəyannamələrdə qəsdən azaldaraq ümumilikdə 171 min 500 manat məbləğində külli miqdarda əmlak torpaq vergisini Zeynəb Abdullayeva ilə birlikdə qəsdən ödəməkdən boyun qaçırıb.

    Məhkəmənin növbəti iclası aprelin 25-nə təyin edilib.

  • Bakıda “Aşıqlar” kafesində dava: 1 nəfər bıçaqlandı

    Bakıda kafedə bıçaqlanma hadisəsi baş verib.

    Median.Az Trend-ə istinadən xəbər verir ki, hadisə paytaxtın Binəqədi rayonu ərazisində qeydə alınıb.

    Binəqədi rayonu, Binəqədi şosesində yerləşən “Aşıqlar” kafesində Bakı şəhər sakini Tağıyev Elməddin Tağı oğlu Həsənov Samir Zamin oğlu ilə mübahisə edib.

    Mübahisə dava ilə nəticələnib və nəticədə E.Tağıyev S.Həsənovu kafenin qarşısında bıçaqlayıb.

    Yaralı 1 saylı Kliniki Tibbi Mərkəzə çatdırılıb.

    Faktla bağlı Binəqədi rayon Polis İdarəsində Cinayət Məcəlləsinin 126.1-ci (qəsdən sağlamlığa ağır zərər vurma) maddəsilə cinayət işi başlanıb.

  • Mühasib olmayanları baş mühasib təyin edənlər nə qədər cərimələnəcək?

    Büdcə təşkilatlarının rəhbərləri mühasib olmayan şəxsləri baş mühasib vəzifəsinə təyin etdiyi təqdirdə cərimələnəcək.

    Median.Az oxu.az-a istinadən məlumat verir ki, bu məsələ bu gün Milli Məclisin plenar iclasında ikinci oxunuşda müzakirəyə çıxarılan İnzibati Xətalar Məcəlləsinin 462-ci maddəsinə (Mühasibat uçotu üzrə qanunvericiliyin pozulması) təklif edilən dəyişiklikdə əksini tapıb.

    Dəyişiklikdə qeyd olunur ki, Məcəllənin 462-ci maddəsinə yeni bənd əlavə olunur.

    Beləliklə, paylarının (səhmlərinin) nəzarət zərfi dövlətə məxsus olan hüquqi şəxslərin, qiymətli kağızları fond birjasında dövriyyədə olan hüquqi şəxslər istisna olmaqla, digər ictimai əhəmiyyətli qurumların, iri sahibkarlıq subyektərinin, büdcə təşkilatlarının və illik maliyyə hesabatlarını və ya birləşdirilmiş (konsolidə edilmiş) maliyyə hesabatlarını dərc edən publik hüquqi şəxslərin rəhbərləri tərəfindən peşəkar mühasib olmayan şəxslərin baş mühasib vəzifəsinə təyin edilməsinə, habelə peşəkar mühasib olmayan şəxslərə baş mühasib vəzifəsinin icrasının həyata keçirilməsinə görə vəzifəli şəxslər 300 manatdan 400 manatadək məbləğdə cərimələnəcək.

    Qanun layihəsi ikinci oxunuşda qəbul edilib.

  • Bakıda iki küçədə hərəkət məhdudlaşdırılacaq

    Paytaxtda bu gün iki küçədə hərəkət məhdudlaşdırılacaq.

    Bakı Nəqliyyat Agentliyindən verilən məlumata görə, Kövkəb xanım Səfərəliyeva və Dilarə Əliyeva küçələrində mövcud nişanlanma xətlərinin yenilənmə işlərinin aparılması ilə əlaqədar olaraq bu gün saat 23:00 – 06:00-a kimi qeyd edilən küçələrdə nəqliyyat vasitələrinin hərəkəti tamamilə və ya qismən məhdudlaşdırılacaq.//Baku.ws

  • İşsizliyi dərd edənlər üçün – Problemi bu yolla həll edin

    İşsizlik sağlamlıq baxımından insan həyatı üçün təhlükəlidir. Bunu dünya alimləri də öz araşdırmalarında təsdiqləyiblər.

    Bəlkə əksəriyyətə qəribə gələr, işsizlik hara, sağlamlıqla bağlı təhlükə hara. Amma bu, belədir.

    Alimlərin araşdırması zamanı bəlli olub ki, işsiz insanda erkən qocalma, insult və infark olma riski daha çoxdur. Əsas səbəb isə psixoloji məqamlarla əlaqədardır. Nədən ki, istəmədən işsiz qalan insan belə durumda baş verənlərlə barışmır, bu halı böyük problem olaraq düşüncəsinə yeridir və beləcə, sarsıntılar yaşamağa başlayır. Bunun nəticəsində sağlamlıqda ciddi şəkildə aşkar və xoroniki olaraq, yuxarıda sadaladığımız fəsadlar başlayır. Nəticə isə anladığınız kimi, əsla xoş olmur.

    Doğrudur, işləməyə alışan, sevən insan üçün işsiz qalmaq heç də yaxşı deyil. Amma unutmaq lazım deyil ki, belə məqamda psixoloji durumu dəyişmək də mümkündür. Əgər düşünsək ki, hər şey bu maddi həyatda müvəqqətidir və çətin vəiyyətlərdən çıxmaq üçün şüurla mükafatlandırılmışıq, o zaman özümüzdə güc toplayıb yaranmış işsizlik problemini həll edə bilərik. Doğrudur, bəlkə də bu, əksəriyyətimizdə yaxın vaxtlarda alınmaz. Amma dərk edəndə ki, insan böyük yaradılışdır və istənilən çətinliyin öhdəsindən gəlməyə qadirdir, o zaman təslim olmağa dəyməz. Həyat onsuz da mübarizədir və problemlər onlara təslim olmaq üçün deyil, həll etmək üçün var. Buna görə də insan düşdüyü hər bir çətin anda ilk növbədə sağlamlığını düşünməli, onu istənilən zərərli amillərdən qorumalıdır. Bu lap işsizlik olsun, lakin yenə də tez ya gec çözülə biləcək problemə görə insan nə ruhən, nə də fiziki baxımdan özünə qəsd etməməlidir. Necəki müdriklərdən birinin dediyi kimi, bu müvəqqəti dünyada heç nə ciddiyə alacaq qədər vacib deyil…//Baku.ws

  • Vaqif Əsədovdan jurnalistin şikayətinə MÜNASİBƏT

    “Yol polisi əməkdaşı yanlışlığa yol verərsə, törətdiyi xətaya görə barəsində tənbeh tədbiri həyata keçirilir”.

    Bu barədə Bakı şəhər Dövlət Yol Polisi İdarəsinin ictimaiyyətlə əlaqələr şöbəsinin rəisi, polkovnik Vaqif Əsədov bildirib.

    Onun sözlərinə görə, yol polisi əməkdaşının tərtib etdiyi protokol qeyri-qanuni olarsa, protokol ləğv olunur.

    “Əgər vətəndaş narazılıq edirsə, vətəndaşın şikayəti yerindəcə araşdırılır. Qanun icazə verir ki, vətəndaşın iştirakı ilə tərtib olunan protokoldan 10 gün müddətində şikayət etsin.

    Ehtimal olaraq texniki vasitə olduğu üçün hər hansı yanlışlıq baş verə bilər. Vətəndaşın şikayət ərizəsinə baxılıb aydınlaşdırdıqdan sonra həqiqətən də nöqsan olarsa, lazımı tədbir görülür.

    Əgər tərtib olunmuş protokol qeyri-qanuni olarsa, təbii ki, protokol ləğv olunur. Yol polisi əməkdaşı yanlışlığa yol verərsə, barəsində qanunvericilikdə nəzərdə tutulmuş tənbeh tədbiri həyata keçirilir”.

    Qeyd edək ki, jurnalist Zülfüqar Xeyirxəbər şəxsi “Facebook” hesabında Dövlət Yol Polisi tərəfindən sürət həddi 120 km/saat olan yolda 118 km/saatla hərəkət etdiyi halda, “328.1. Yolda müəyyən edilmiş hərəkət sürətini 10-20 km/saat həddində aşmağa görə” cərimələndiyini yazıb. Jurnalist protokoldan şikayət edib.//Baku.ws