Median.Az

Month: April 2019

  • Zaqatalada dolu əleyhinə raket tapılıb

    Zaqatala rayonunda dolu əleyhinə raket tapılıb.

    Ərazilərin Minalardan Təmizlənməsi üzrə Milli Agentlikdən (ANAMA) aprelin 22-si saat 12:57-də Dövlət Sərhəd Xidmətindən Agentliyə Zaqatala rayonu, Uzunqazmalar kəndi ərazisində 1 ədəd mərminin tapılması barədə məlumat daxil olub.

    Agentliyin xüsusi mobil çevik əməliyyat qrupu və Dövlət Sərhəd Xidmətinin əməkdaşları dərhal həmin əraziyə göndərilib.

    Agentliyin mütəxəssisləri və Dövlət Sərhəd Xidmətinin əməkdaşları tərəfindən birlikdə yuxarıda adı qeyd olunmuş əraziyə baxış keçirilib. Təhlükəsizliyi təmin etmək məqsədilə ərazi sərhədçilər tərəfindən mühasirəyə alınıb. Agentliyin mütəxəssisləri tərəfindən aparılan təcili təxirəsalınmaz əməliyyat-axtarış tədbirləri nəticəsində 1 ədəd dolu əleyhinə raket (SKY Clear 6, LOZA 2) aşkar olunub, zərərsizləşdirilməsi üçün götürülərək Agentliyin mərkəzi məhvetmə ərazisinə daşınıb.

    Raketin ətrafında 100 kv.m əraziyə yerüstü baxış keçirilib, əlavə təhlükəli əşya və qurğu aşkarlanmayıb.//report.az

  • Azərbaycan Burundi qaçqınlarına 30 min dollarlıq yardım ayırdı

    BMT-nin Qaçqınlar üzrə Ali Komissarlığının (BMTQAK) üzv dövlətlərə etdiyi müraciətinə cavab olaraq, Azərbaycan Prezidentinin tapşırığına əsasən Azərbaycan Burundi qaçqınlarına humanitar yardımın göstərilməsi məqsədilə 30 min ABŞ dolları məbləğində maliyyə vəsaiti ayırıb.

    Xarici İşlər Nazirliyindən verilən məlumata görə, sözügedən vəsait Tanzaniya, Konqo Demokratik Respublikası, Ruanda və Uqandada məskunlaşmış Burundi qaçqınlarının təcili humanitar tələbatının qarşılanması, onların öz ölkələrinə qayıdışının təşviq edilməsi və cəmiyyətə reinteqrasiya olunması kimi fəaliyyətlərin dəstəklənməsinə yönəldiləcək.

    BMTQAK “2019-2020-cu illər üzrə Burundi Qaçqınlarına Regional Yardım Planı”nı təqdim edərək nəzərdə tutulmuş fəaliyyətlərin həyata keçirilməsi üçün 296,4 milyon ABŞ dolları məbləğində maliyyə vəsaitinin tələb olunduğunu açıqlamış, Burundi qaçqınlarının qida, tibbi yardım, uşaqların təhsil və sair kimi təcili humanitar tələbatının qarşılanması məqsədilə üzv dövlətlərə müraciət edib.

  • Elinanın anası vəkillə təmin olundu

    162 saylı orta məktəbin 3-cü mərtəbəsindən özünü ataraq intihar edən Elina Hacıyevanın ölümü ilə bağlı açılan cinayət işinə Vəkillər Kollegiyası dəstək olub.

    Median.Az-ın qafqazinfo-ya istinadən verdiyi xəbərə görə, E.Hacıyevanın anası Sevil Hacıyeva özlərinə vəkil tutmaq üçün maddi imkanlarının olmadığını bildirib.

    Bundan sonra VK Rəyasət Heyətinin sədri Anar Bağırov valideynləri kollegiyaya çağıraraq onlara pulsuz hüquqi yardım edəcəklərini bildirib. Bu iş üçün onlara bir neçə vəkil köməkliyini təklif edib.

    Qeyd edək ki, E.Hacıyevanın intiharı ilə bağlı cinayət işi açılıb, hazırda Bakı Şəhər Prokurorluğunda istintaq aparılır. Əldə etdiyimiz məlumata görə, hazırda tək təqsirləndirilən şəxs həmin məktəbin direktoru Sevinc Abbasovadır.

  • Президент Ильхам Алиев поздравил Владимира Зеленского

    Президент Азербайджанской Республики Ильхам Алиев направил новоизбранному президенту Украины Владимиру Зеленскому поздравительное письмо.

    Как передает Median.Az cо ссылкой на Report, в тексте поздравительного письма говорится:

    “Уважаемый господин Зеленский,

    Сердечно поздравляю Вас с избранием на пост президента Украины.

    Азербайджан и Украину объединяют дружественные связи, обладающие богатыми традициями. Верю, что наши межгосударственные отношения, наглядно отражающие в себе эти традиции, двустороннее и многостороннее сотрудничество и впредь будут развиваться и укрепляться в интересах наших народов.

    Желаю Вам крепкого здоровья, счастья, успехов в Вашей предстоящей ответственной деятельности на благо дружественного народа Украины”.

  • “Oğurluq fikrim olsa aparıb satardım” – Bacısının malına göz dikən qardaş – VİDEO – FOTO

    Hadisə aprelin 18-i səhər saatlarında Şəmkirin Könüllü kəndində baş verib.

    Median.Az ARB TV-yə istinadən xəbər verir ki, 2 baş heyvanının naməlum şəraitdə oğurlandığını görən kənd sakini polisə şikayətçi olub.

    Görülən tədbirlər ilk cəhddəcə cinayətin üstünü açmağa yardım edib. Şübhəli şəxs kimi zərərçəkənin qardaşı Dəyanət Qurbanov saxlanılıb. O, dindirilmə zamanı əməlini səmimi etiraf edib və heyvanları yaşadığı ünvana apardığını deyib.

    Saxlanılan Dəyanət Qurbanov işin istintaqını aparan baş müstəntiq Mehrab Məmmədova verdiyi ifadə heyvanları oğurladığını gizlətməyib. Hadisəni səbəbsiz törətmədiyi bildirən qardaş, bacısının tövləsindən etdiyi oğurluğun peşmançılığını da çəkdiyini sözlərinə əlavə edib.

    Dəyanət Qurbanov – Saxlanılan şəxs: “Səhər saat 7-də yuxudan oyanıb getdim bacımın qapısına. Mənə pul verməl idi, istədim, vermədi. Mən də inəyini aparıb qapıma bağladım. Əgər oğurluq fikrim olsa aparıb satardım. Əməlimə görə peşmanam”.

    Quldurluq cinayəti törətdiyi üçün əvvəllər məhkumluq həyatı yaşayan Dəyanət Qurbanovun barəsində cinayət məcəlləsinin müvafiq maddələri ilə iş başlanılıb.

    İstintaq aparılır.

  • Mərdəkan qalası və Tuba Şah məscidinin bərpası türklərə həvalə olunub

    Türk Əməkdaşlıq və Koordinasiya Agentliyi (TİKA) Azərbaycanın Böyük Mərdəkan qalasını və qalanın yaxınlığındakı Tuba Şah məscidini bərpa edəcək.

    Median.Az Trend-ə istinadən xəbər verir ki, Azərbaycan Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidməti ilə TİKA tarixi qalanın və məscidin bərpası haqqında protokol imzalayıblar.

    Sənəd aprelin 18-də Bakıda Beynəlxalq Abidələr və Tarixi Yerlər Gününə həsr olunmuş tədbirdə imzalanıb. Qeyd edək ki, Bakının Mərdəkan qəsəbəsində yerləşən eyniadlı qala XII əsrdə – 1187-1188-ci illərdə Şirvanşah I Axsitan tərəfindən tikilib. Axsitanın düşmən üzərindəki parlaq qələbəsi şərəfinə ucaldılmış qaladan müxtəlif vaxtlarda müdafiə məqsədilə, eləcə də müşahidə məntəqəsi, bəzi dövrlərdə isə qəsr kimi istifadə edilib. XV əsrə aid Tuba Şah məscidi isə 1481-1482-ci illərdə inşa edilib.

  • В Сабирабаде умерли новорожденные близнецы

    В Сабирабаде умерли новорожденные близнецы.

    Как передает Median.Az со ссылкой на oxu.az, беременная жительница села Гарадонлу Имишлинского района Набиева Гюнель Шамшир гызы 1982 года рождения поступила в Сабирабадский перинатальный центр.

    Женщине было сделано кесарево сечение, близнецы были извлечены. Недоношенных младенцев поместили в кувез (инкубатор для новорожденных – ред.), где они скончались через три дня.

    По факту ведется расследование.

    Напомним, что недавно в Барде, Сумгайыте, а сегодня и в Имишли зафиксированы факты смерти новорожденных.

  • Sabirabadda yeni doğulan əkizlər ölüb

    Sabirabadda uşaq ölümü baş verib.

    Median.Az-ın oxu.az-a istinadən məlumatına görə, İmişli rayonu Qaradonlu kənd sakini, 1982-ci il təvəllüdlü Nəbiyeva Günel Şəmşir qızı hamiləliklə əlaqədar Sabirabad Perinatal Mərkəzə daxil olub.

    Qadının üzərində qeysəriyyə əməliyyatı aparılıb və əkiz uşaqlar ana bətnindən götürülüb. 31-32 həftəlik körpələr küvəzə yerləşdirilib. Üç gün sonra isə körpələr orada ölüb.

    Faktla bağlı araşdırma aparılır.

    Xatırladaq ki, bundan öncə Bərdə və Sumqayıtda da yeni doğulan körpə ölümü qeydə alınmışdı. Bu gün İmişlidə bir körpənin doğuşdan sonra ölməsi barədə xəbər yayılmışdı.

  • Arvadını maşınla vurub, sonra intihara cəhd edən ər saxlanıldı

    Bu ayın əvvəlində Gəncədə dəhşətli ailə dramı yaşanıb. Ər arvadını qəsdən maşınla vuraraq öldürüb.

    Median.Az-ın oxu.az-a istinadən məlumatına görə, hadisə aprelin 3-də Gəncənin Məhsəti qəsəbəsində baş verib. 1960-cı il təvəllüdlü Eldar Abbasov özünə məxsus “Jiquli” ilə həyat yoldaşı, 1968-ci il təvəllüdlü Sevinc Abbasovanı vurub. Qadın xəstəxanaya yerləşdirilsə də, onun həyatını xilas etmək mümkün olmayıb.

    Hadisədən sonra E.Abbasov sirkə turşusu içərək intihara cəhd edib. Lakin intihar cəhdi baş tutmayıb və Eldar Abbasov xəstəxanaya yerləşdirilib.

    Bu günlərdə sağalaraq xəstəxana divarlarını tərk edən qatil əri indi həbsxana divarları gözləyir. Eldar Abbasov polis tərəfindən saxlanılıb və məsuliyyətə cəlb edilib.

    Faktla bağlı Gəncə şəhər Prokurorluğunda cinayət işi açılıb.

  • Azərbaycanın əhalisi azalacaq – BMT açıqladı

    BMT-nin iqtisadi və sosial sorğular departamenti hesab edir ki, 2050-ci ildə Azərbaycan əhalisinin sayı 11 milyonu keçəcək (11 milyon 39 min). Amma sonrakı 50 ildə 9 milyon 558 min nəfərə qədər azalacağıq.

    Median.Az Bizimyol-a istinadən xəbər verir ki, BMT 2020-ci, 2030-cu, 2050-ci və 2100-cü illər üçün proqnozunu açıqlayıb. Proqnoza görə, gələn ilə qədər ölkə əhalisi daha 99, 11 il ərzində isə 680 min nəfər artacaq.

    Hesabat başqa Qafqaz ölkələri barədə bədbin düşüncəyə əsas verir. Ermənistan əhalisi 2100-cü ilə qədər az qala iki dəfə azalacaq. İndi qonşu-düşmən ölkədə təxminən 3 milyon 66 min nəfər yaşayır. Bundan sonra ermənilərin sayı yalnız azalan xətt üzrə gedəcək. Əsrin sonunda Ermənistanda cəmi 1,793 milyon adam qalacaq.

    Gürcüstanda da xeyli azalma olacaq. Rəsmi rəqəmlər 3 milyon 717 min nəfərdən danışır. 2100-cü ildə bu ölkədə 2 milyon 438 min adamın yaşayacağı proqnozlaşdırılır.

    Dünya əhalisinin 7,7 milyarda çatdığını bilirsiniz. Əsrin sonunda say 11 milyardı aşacaq. İndi ikinci olan hindistanlılar birinci pilləni ələ keçirəcək. Hindistanda əhali 1,516 milyarda çatacaq. Çində xeyli azalma gözlənilir. İndi Asiya dövlətində yaşayanların sayının 1,4 milyardı ötdüyü hesab olunur. BMT 2100-cü ildə orada 1 milyard 20 min insanın qalacağını proqnozlaşdırır.

    Kəskin azalma və artma gözlənilən ölkələr var. Məsələn, Yaponiyada əhali 1,5 dəfə azalaraq, 84 milyona düşəcək. Rusiyada 124 milyon insan yaşayacaq. Almaniya təxminən 10, İtaliya 8 milyon nəfər itirəcək. BMT Ukrayna ilə bağlı lap bədbindir. Təşkilat hesab edir ki, 2100-cü ildə bu ölkədə uzağı 28 milyon nəfər məskunlaşacaq.

    Ən çox artım Afrika ölkələrində gözlənilir. Məsələn, Nigeriyada 80 il ərzində əhali 4 dəfədən çox artacaq. Bu ölkənin 793 milyon nəfərlə üçüncü pilləyə yüksələcəyini ehtimal edirlər. Uqandada əhali artımı az qala kosmik sürət alacaq. Beş dəfə artım gözlənilir. Uqandada 213 milyon nəfərin olacağı bildirilir.

    ABŞ dördüncü yerdə qalacaq (447 milyon). Konqo Demokratik Respublikası böyük sıçrayışla beşinci pilləyə yüksələcək (378 milyon). Pakistan yenə liderlər qrupunda olacaq (351 milyon).