Month: November 2019

Məşhur aparıcı Elçin Əlibəylinin həyat yoldaşı tərəfindən döyüldüyü haqda xəbər yayılıb.

Azxeber.com məsələ ilə bağlı aparıcının həyat yoldaşı Dilrubə Vaqifzadəylə əlaqə saxlayıb. O deyilənləri təkzib edib:

“Son günlər Elçin haqda qarayaxma kampaniyası aparılır. Bu da daha bir qara piardır. Bir müddət əvvəl xəbər yayıldı ki, verilişdən uzaqlaşdırılıb. Hazırda Elçin verilişin çəkilişindədir. Bu kimi söz-söhbətlər ailəmizdə problemlər yaratmır. Çünki biz bir-birimizi tanıyırıq. Mən Elçini döyməmişəm.”

Elçin Əlibəyli özü də məsələylə bağlı açıqlama verib. Xəbər saytları mənə qarşı kampaniyaya başlayıblar. Bir-birinin ardınca yalan, sifarişli xəbərlər qoyurlar. Bütün yazılanlar yalandır və mətbuatın bu iyrəncliyinə etiraz olaraq ölkəni birdəfəlik tərk edirəm, təki dincəlsinlər.

Qeyd edək ki, oxu.az saytı Elçin Əlibəylinin həyat yoldaşı tərəfindən döyüldüyü haqda xəbər yayıb.

Türkiyədə müalicə alan hüquq müdafiəçisi Oqtay Gülalıyev İstanbulda yerləşən Amerikan xəstəxanasına köçürülüb.

Bu barədə məlumatı oğlu Təbriz Gülalıyev yayıb. Onun sözlərinə görə, həkimlər O. Güləliyevin köçürülməsində heç bir təhlükə olmayacağını deyiblər.

Xatırladaq ki, Oqtay Gülalıyev ötən ayın 29-da, 90-PZ-543 dövlət nömrə nişanlı, “Hyundai” markalı avtomobillə vurulub. Vəziyyəti ağırlaşdığından ambulans təyyarəsi ilə Türkiyəyə göndərilib.

21-22 dekabr 2019–cu il tarixində Azərbaycanın Müasir Gəncləri tərəfindən ”Uşaqlar Gülsün Deyə” layihəsi keçiriləcək.

Tədbir çərçivəsində Lerik rayonunun Mondigah kəndində yaşayan aztəminatlı ailələrin uşaqlarına bayram sevinci bəxş etmək məqsədilə orada onlar üçün Yeni il şənliyi təşkil olunacaq.

Layihə təşkilatçılarının AZXEBER.COM-a verdiyi xəbərə görə, tədbirirn əsas məqsədi insanlara xeyirxahlıq, birlik, paylaşma kimi mənəvi duyğuları aşılamaqla, plüralist ideal cəmiyyətə addım atmaqdır. Biz gələcəyimizin memarı olan uşaqlarımız naminə yola çıxırıq və inanınırıq ki, bu yolda tək olmayacağıq. Güclü nəsillər yetişdirmək üçün birgə addımlamağa ehtiyacımımz var.

Balaca fidanlara fərqli yeni il sevinci yaşadaraq onları savadlı, intellektual, dərin mənəvi dəyərlərə sahib insan olmaq yolunda həvəsləndirmək və Azərbaycanın müxtəlif rayonlarının turistik potensiallarını kəşf etmək layihəmizin prioritetidir. Məhz Xeyriyyəçiliyə böyük önəm verən şəxslərin dəstəyilə, bu kimi gələcəyə sonsuz ümidlər bəsləyən uşaqlardan ibarət faydalı bir cəmiyyət yaratmaq amalı ilə bu ləyihə silsiləli şəkildə Lerik rayonu ilə yanaşı , Azərbaycanın digər bu kimi rayonlarında da təşkil olunacaq. Bunun üçün Xeyirxah Bacı və Qardaşlarımızın dəstəyinizə ehtiyacımız var.

Yolunuzu gözləyirik.

Uşaqların ümidlərini doğurmaq, onlara həyat eşqi bəxş etmək üçün bizimlə həmrəy olmaq istəyənlər bizimlə aşağıda qeyd olunan vasitələrlə əlaqə saxlaya bilərlər:

+994 55222 85 75

+994 51663 63 50

“Müasir Gənclər Klubu”

Azərbaycan Respublikası Prezidenti İlham Əliyevin qətiyyətli siyasi iradəsinə uyğun olaraq ölkəmizdə həyata keçirilən islahatların daha da dərinləşdirilməsi nəticəsində dövlət-sahibkar münasibətləri inkişaf etdirilmiş, sahibkarların hüquqlarının müdafiəsinin işlək mexanizmləri yaradılmış, onların tətbiqi nəticəsində müdaxilə halları azalıb.

Baş Prokurorluğun Mətbuat Xidmətindən verilən məlumata görə, dövlət başçısı tərəfindən qarşıya qoyulmuş tapşırıqların icrasını təmin etmək məqsədilə iqtisadiyyatın inkişafına kölgə salan korrupsiya və rüşvətxorluq kimi neqativ amillərlə, o cümlədən əhalini narahat edən korrupsiya hüquqpozmaları və onları törətmiş vəzifəli şəxslərə qarşı mübarizə istiqamətində kompleks, sistemli və ardıcıl tədbirlər davam etdirilir.

Belə ki, “Metakom” Məhdud Məsuliyyətli Cəmiyyətin vəzifəli şəxslərinin qanunsuz hərəkətləri ilə bağlı Baş prokuror yanında Korrupsiyaya qarşı Mübarizə Baş İdarəsində başlanmış cinayət işi yekunlaşıb.

İstintaqla “Metakom” MMC-nin direktoru Şövkət Quliyevin vəzifə səlahiyyətlərindən sui-istifadə edərək cəmiyyətin maliyyə vəziyyəti barədə bilərəkdən şişirdilmiş yalan məlumatlar göstərməklə və rəsmi sənədlərə bilə-bilə yalan məlumatlar daxil etməklə cəmiyyətin xeyrinə QSC “Bank Standard” KB-dən üç milyon ABŞ dolları məbləğində kredit vəsaitini rəsmiləşdirərək təyinatı üzrə istifadə etməməsinə, 2007-ci ildən əldə etdiyi pul vəsaitini qəsdən ödəməməklə bankın normal fəaliyyətinin pozulmasında ifadə olunan hüquqlarına və qanuni mənafelərinə ağır nəticələrə səbəb olan mühüm zərər vurmasına əsaslı şübhələr müəyyən edilib.

Ş.Quliyevə Cinayət Məcəlləsinin 195.2 (qanunsuz kredit alma külli miqdarda ziyan vurduqda) və 308.2-ci (vəzifə səlahiyyətlərindən sui-istifadə ağır nəticələrə səbəb olduqda) maddələri ilə ittiham elan olunub və məhkəmənin qərarı ilə yeddi milyon manat məbləğində əmlakı üzərinə həbs qoyulub.

Cinayət işi üzrə istintaq yekunlaşdırılaraq baxılması üçün məhkəməyə göndərilib.

Baş prokuror yanında Korrupsiyaya qarşı Mübarizə İdarəsi bundan sonra da bu kimi cinayətlərin törədilməsinə səbəb və şərait yaradan halların müəyyən edilərək aradan qaldırılması və bu sahədə baş verən neqativ halların qarşısının alınması istiqamətində kəsərli tədbirlər davam etdirəcək.

Azərbaycanın sabiq Baş naziri Novruz Məmmədov Azərbaycan Dillər Universitetinin prorektoru təyin olunub.

Bu barədə oxu.az-a açıqlamasında ADU-nun mətbuat katibi Ağa Cəfərli məlumat verib.

N.Məmmədov universitetinin elmi işlər üzrə prorektoru vəzifəsinə təyin edilib.